|
|
據維基百科解讀﹐"中產階級（英文：middle class）"乃係現代社會中，指擁有一定程度的經濟獨立，例如有安定、較高薪酬的工作嘅一種社會階層。中產階級的界定因素隨各國有所分別，但基本上多以收入及擁有資產作界定。例如擁有大學學位的人，多數可躋身中產階級的行列。而擁有自置物業及私家車，亦是中產階級的象徵。
近幾年﹐好多唔同地方都有解構"誰是中產"﹐最經典莫過於日本兩本注作《M型社會》同《下流社會》﹐兩本大致上都係講及隨著社會出現結構性轉變，過往佔大多數的中等階層出現兩極化現象，當中有人乘著機遇往上流游走，剩餘的大多數則在收入、前途不如以往的情況下生活質素逐漸貼近下等階層。當然﹐呢個現象喺好多資本主意掛絮嘅城市都有發生。例如香港﹐根據香港中文大學社會學系教授呂大樂的界定，月薪2萬到5萬港幣完全可以排到中等收入群﹐但是要強調﹐齋講收入唔等同於你就成為中產階級，仲要根據你間屋個價，你嘅消費方式，係咪住喺一個有體面嘅樓盤，有無定期度假等等。
但係今時今日﹐好多人雖然月入兩萬（家庭月入四萬）或以上，但係絲毫感受唔到「中產」生活嘅「優渥感」，生活都係過得好苦云云。呢個就係《下流社會》中提及嘅「中產活不成中產」現象。香港尤其嚴重﹐大學未畢業準備踏上中產之路前，已經背負十多萬元貸款，唔知工作幾年先還得清債款。另外，近幾年職場上工種日趨「Sales 化」，各種職位都變成推銷員。主修法律、會計同工程等嘅畢業生，隨時因為揾唔到主修所屬嘅行業以改當街頭巷尾叫人申請信用卡或買保險嘅推銷員。
就算你真係能過五關砍六將，勤奮上進，係跨國企業嘅中層管理人員，都唔表示你嘅工作非常穩定。因為全球化(Globalization) ，公司可以一夜間將你管理嘅十多人部門搬到其他國家如常運作，到時當地廉價勞工會取代你嘅工作。某部份有良心嘅公司都會想辦法安排你去其他部門或子公司工作，如過唔係，你同你下屬都會即時收到大信封。
每次當大C姐講及自己身邊"中產"朋友﹐月入5萬﹐好多LYK都會以不信任眼光﹐覺得係老作。但係事實上﹐真係做到中產都唔係d咩值得驕傲嘅事。高不成低不就﹐享受唔到社會富譽生活嘅同時﹐亦無任何政府資助。真係自己靠自己﹐有苦自己知。
-- "死窮鬼"中產C小姐 |
|
發表於 2010-1-25 20:22
| 
。。。不過政府又最倚重中產﹐事關人數最多﹐納稅最多。。。
