餐飲 C細說京城工作，原來佢已從酒店餐廳喼頓，成為幾間北京食肆嘅老闆，有鳥倦知還之意，想在西九龍豪宅買屋，回港一展拳腳，吼機會再開辦餐廳。嘩，西九豪宅喎，左丁山可望不可即，餐飲 C在北京大概搵到真銀，後生果然可畏，自愧不如。
點解要返香港，唔留在北京，去上海，或者回美國與父母團聚呀？餐飲 C話：「睇來睇去，以香港最好，本港有活力，有法治，有效率，一到赤鱲角機場，人就精神晒，知道 everything works，我決定以香港為家 o架嘞。」美國城市對佢嚟講，已太過沉靜，上海太過紛亂
次日到陸羽飲茶，餐廳羅帶來一位意大利朋友 P，朋友 P在港二十年，未夠四十歲，已經搵夠，現在只係做吓餐飲顧問，打吓風流工。問佢點解搵到錢仲唔返鄉下，朋友 P話：「講笑咩，意大利經濟三十年來未好過，人民平均月薪係一千二百五十歐羅，好窮，我一早醒目來港闖天下，已經俾香港縱壞咗，上星期我返意大利北部滑雪，住在米蘭兩日，夜晚走在街上，好驚俾人搶劫，呢種不安全感覺，我在香港從來都冇，但返到祖國，個人就開始驚驚哋，香港治安好好，有法治，公共交通方便到極，直情係我眼中世界上最好嘅城市，點解要返鄉下呀
one thing for sure, is you really feel safe in hk .
發表於 2010-2-22 13:01
| 
