$60 Cash Back Rebates for all MBNA Credits Cards | 溫哥華.com 溫哥華活動, 購物, 及團購情報網 | So Far So Cheap 溫哥華購物情報網



經GreatCanadianRebates.ca申請信用咭可得最高$65現金
Ebates.ca: Join Now! Get 3.0% Cash Back on all your Groupon purchases!
ING DIRECT:開設戶口可獲 $25 獎金
Shop at LEDSHOPPE.COM to receive 10% off, Code: AFP024
返回列表 發帖

㷫過辣雞配眼鏡 :價錢篇

本帖最後由 4boybun 於 2018-1-20 20:41 編輯

過去幾年分別在溫哥華/日本/香港配眼鏡,累積咗一啲慘痛經驗,即管同大家分享吓。

(1) 價錢
溫哥華配眼鏡特別貴過人(網上另計),眼鏡業從來係暴利行業,你話加拿大人工高,OK 俾你賺,是否物有所值就見仁見智了。
唔好玩啦,東京人工低過加拿大嗎? 但東京配眼鏡價錢係加拿大嘅一半甚至三份一喎,而且造工精 (除非是驗錯光, 這個可能當然還是有的),日本人做生意童叟無欺,收得你十蚊俾返十足貨,唔驚你退貨,最怕俾人唱衰。日本人專業態度講咗超過半個世紀,奇怪似乎一直無其他民族學習得到。

香港又點呢? 基本上,大Lab 無問題,細Lab 就碰運氣。香港造工都好,問題係你會否入咗黑店,比人桌到阿媽唔認得。隨時單光片說是漸進都夠膽死。

溫哥華的唐人鋪.... 價錢可平可貴,似乎係睇客開價,特色係口甜舌滑,怯於認錯,有錯都係你嘅錯, 壞習慣射波落顧客身上。簡單概括一句: mickey mouse.  

溫哥華的西人小鋪.... 一般價錢比較高,無咁口甜,配錯肯改,態度比較認真,但用時間玩你。更改單光片閒閒地十日,更改漸進片一個月以上。試過鏡框在保用期內出現 material defect 要求更換,掉那星,搞咗兩個半月,卒之又要死去唐人鋪執副平嘢頂檔,玩謝你。 人類都有個相同面貌,未收你錢時笑口噬噬信誓旦旦,收錢之後你死你賤。

字數有限制喎,講住咁多先啦

本帖最後由 4boybun 於 2018-1-20 20:43 編輯

敢問老友記館主,可否放寬字數限制?  謝謝~~

TOP

本帖最後由 4boybun 於 2018-1-21 01:32 編輯

上面提到香港有些黑店,單光片說是漸進片。 係真有其事發生在辣雞身上。
辣雞當初步入中年,眼睛開始有淺度老化,趁旅行回港就知道要去配眼鏡。

在外地住得三五七年,難免有陣土氣,頭髮都蓬鬆啲,著件衫都皺啲,cutting都out啲,鞋踭都磨得薄啲..... 總之一眼就睇得出係海歸土炮,加上旅遊有時限,不能久留,無良店員笑咀了。

首先當然是力銷高價高端品,1.74超薄,鑽石塗膜,  個人化free-form 漸進鏡片,最新科研結晶,  說得如幻如真...... 土炮不知世途險惡,只覺一陣天女散花,除了識得付錢,腦海早已戇鳩鳩,  6000港元,心想可能在香港就這價錢吧。

今天傍晚的飛機要走啦,眼鏡中午才起貨,但還是滿懷希望。看著簇新的眼鏡,滿心高興,都不記得要向店員拿單據,更不用說甚麼出廠證明書了。

回到溫哥華,眼鏡戴得不爽,拿去本地店鋪檢查,先生,你這副是減了度數的單光片,不是漸進,更不是甚麼鑽石coating.  值多少 ? 在這裡加幣150 塊可以了,如果在香港正常的店鋪港幣六舊水之內也可以了。

TOP

返回列表