我老竇老母自細就教我做人要頂天立地。反為我好想知道，你爸爸媽媽係咪由細就教你做人一定要縮骨、識得點樣看風使舵做場頭草呢？
建制派有無插手，我唔該你去睇吓有咩人幫白老妖助選先講啦。就連白老妖佢自己都認咗喇～ 而你話公社兩黨周圍同人講比人打擊, 只係想帶多d 選民出黎投票，呢個固然係啱咗一半，但個 threat 實際上亦傳在。因為從過去嘅選舉當中，我地知道阿爺數票同倒票嘅能力都非常之高。而要唔要做就真係估佢唔到。
選民係唔係唾棄公社兩黨（特別係社民連），下一界 2012 立法會選舉我地就知。而我好肯定咁可以同你講，除非阿爺出招（其實依家都經已出緊來統戰佢㗎喇），如果唔係白鴿黨到時一定期無運行！
-力
開口埋口話人呢樣果樣, 冇d 修養, 衰d 講句係冇家教, 你老豆老母冇教你做人要有禮貌架咩? 算, 無謂同人教仔.
公社兩黨一直最擔心嘅係，阿爺一方面就話冷處理，但另一方面就暗啞底灌票俾其中某啲候選人? 我覺得唔係law, 呢d 野有乜好驚? 阿爺話明唔選, 你認為班建制派會去插手咩? 而且, 有人爭反而係一件好事, 起碼刺激到投票率, 唔駛搞到而家冷清清咁. 毓民贏輸真係咁重要? 我覺得佢地寧願有人出黎同佢地撼, 多d 市民參與law, 我諗係你唔明白公投既意義. 佢地不斷話比人打擊, 只係想帶多d 選民出黎投票, 因為投票率對於呢次公投既成敗係非常重要! 眾所周知, 一般公投要over 50% 市民投票先可以通過. 基本上呢次選舉, 50% 真係冇可能, 我之前覺得30% 已經over achieve, 可惜最後只有17%. 當然, 咁都起碼代表左有50萬市民行左出黎支持佢地, 呢個都唔係一個少數目既.
公投議題係「踢走功能組別、盡快落實雙普選」就係人都知. 贏咗就即係得到選民嘅支持，輸咗就即係議題被選民 tur棄? 咁你認為今次係贏定輸? 老實講, 我覺得比人唾棄唔係公投既議題, 而係佢地既行為law. 小弟深信, 香港人普遍都支持「踢走功能組別、盡快落實雙普選」, 但係點解唔係咁多人想企出投票支持? 好簡單, 因為好多香港人唔認同公社兩黨既做法.
最後一句, 係佢地乞人憎, 而唔係唔支持公投議題.
mcjohnjohn 發表於 2010-5-19 06:52  |
發表於 2010-5-19 13:45
| 
）