有啲野可以同步進行，但有啲野就一定要穩打穩紮。阿爺做得最錯嘅並唔係先樣一部份人富起來，而係無打好根基令到富起來果啲人會走返轉頭去幫助未富起來嘅一群。
龐大嘅人口係把雙刃劍，可以幫到你，更可以殺死你。人多就自然人才輩出，但同時亦有更多嘅平庸之輩。本身呢個並唔係問題，但當你最傑出果班唔去幫助弱勢果班，反而仲要掉轉槍頭去剝削佢地、打壓佢地、搵佢地笨柒、仲想要千秋萬世咁騎住佢地，咁就好有問題。而且阿爺奉行嘅一言堂更加造就咗上層嘅人更有能力同效率咁去剝削下面嘅人。
其實講到尾就係要有一個公平嘅競爭環境同遊戲規則，但偏偏大陸就無呢樣野，所以先至咁大鑊。
Lik 發表於 2011-9-30 12:50 
理性討論, I like, 可以學野~ 其實你講既野我好贊成, 不過呢一套係唔係真係要套入去大陸, 而咁行work 唔work 就更加冇研究.
咁講啦, 我覺得大陸有好多所謂既暴發戶既品格根本係未有資格去做富人. 呢方面, 真係要好多好多年既思想教育先可以令呢一點改進. 理想咁諗, 有錢人應該要幫窮人, 但實際上, 唔係咁多有錢人想幫窮人, 唔係咁多人會嫌錢猩的. 西方國家所謂既有錢人去幫窮人, 通常都只不過係靠稅收去令商家嘔返d 出黎, 再放福利去幫基層市民. 大陸o係呢一方面絕對有改善既空間.
而家既大陸, 根本就係最頂級既人話事, 之後就指令下級辦事, 一直去到基層市民, 全條線都係為國辦事既. 我唔係話呢個approach 係好, 只不過好明顯就係大陸既取態, 我唔覺得呢個時候會有改變, 尤其大陸人普遍既知識水平實在係不足, 起碼領導階層係咁諗. 我都唔知呢個情況會唔會變或者幾時會變, 我只知道唔係我話事 (除非我係領導).
我都覺得中國要有一個公平嘅競爭環境同遊戲規則, 我亦希望中國向呢一個方向發展, 我更想知共產主義可以點樣發展. |
發表於 2011-9-29 18:56
| 