[香港新聞] 異哉，所謂繼往開來！施政報告致謝動議辯論

ricrick

ricrick

簡直一針見血道出香港政府的問題

我再qoute一段conclusion
特首選舉遭富商巨賈脅持，行政會議盡是既得利益者，立法會功能組別佈滿大財團的代理人，政府施政向大財團靠攏。在這個官商勾結、裙帶資本主義(crony capitalism)的社會中，貧富懸殊、在職貧窮成為必然。不公義的政治制度令雞鳴狗盜之徒得居高位，令監督政府的議事堂淪為藏污納垢之所，令人民永 遠處於被壓迫的一方。

無論下屆特首是梁是唐，特區政府仍難改其顢頇無能，本席也不會對往後的政府寄予厚望。一切都是 制度使然，香港只有在特首和立法會實行一人一票全民直選，推出「公投法」設立全民表決重大議題的機制，制訂「政黨法」、「政治捐獻法」和「政治游說法」等 陽光法例讓政黨政治健康發展，才能根除惡質政治，把社會發展扶回正軌。

孫中山先生一八九四年在《上李鴻章陳救國大計 書》中，指出「歐洲富強之本，不盡在船堅炮利，壘固兵強，而在於人能盡其才，地能盡其利，物能盡其用，貨能暢其流；此四事者，富強之大經，治國之大本也， 我國家欲恢擴宏圖，勤求遠略，倣行西法，以籌自強，而不急於此四者，徒為堅船利炮之是務，是舍本而圖末也。」特區政府捨本逐末，只顧發展經濟，罔顧民生， 更無視民主潮流之浩浩蕩蕩、不可逆轉，與只愛船堅炮利的滿清政府並無分別。此等功能性思維當年固然無法為滿清力挽狂瀾，香港要「繼往開來」，走向富強，更 加是痴人說夢。

sheep

搞到我睇完先返工
遲到

Lik

其實呢啲野毓民一直都有講，只不過係啲香港人無鬼用，有道理就唔聽，硬係要錯信班偽民主派。

唔好忘記民主黨當年都有份投票支持領匯上市、接晒唔知幾多嘅商場管理來做。點解依家啲商場租金咁貴，又個個都只係得大公司，無晒小商戶來租？咪多得立法會功能組別佈滿大財團的代理人，政府施政向大財團靠攏囉？

-力

ricrick

成半個鐘，甘你實遲半個鐘啦
我就返工先睇

mcjohnjohn

其實呢啲野毓民一直都有講，只不過係啲香港人無鬼用，有道理就唔聽，硬係要錯信班偽民主派。

唔好忘記民主 ...
Lik 發表於 2011-11-1 03:20

毓民講得好好, 奈何香港始終都係被中國政府牽著鼻子走, 香港只係一個特別既行政區only. 望就望阿爺比多d 自由同空間香港, 不過都只係得個望字, 始終話事既唔會係自己.

見你講領匯就想reply 你, 對於我呢d 貪方便既人來講, 我覺得領匯將樓下既商場搞得幾好~ 以前果d 買乜冇乜既士多仔就執哂粒, 取而代之係琳羅滿目既大型商鋪, 令商場似返一個商場, 行街都行得開心d. 我而家住緊既地方附近都有一個領匯商場, 自從領匯入主左後, 商場翻新過, 店鋪種類多左, 又多左d 好食既食肆, 真係搞好左好多. 當然, 加租就一定會, 不過我只係一個小市民, 我只係從用家方向發表意見only.

Lik

香港之所以一直都被中國政府牽著鼻子走，係因為香港人自己無種。你當年七一衰到貼地、難爛命一條果陣夠薑行出來，咁阿爺咪買你怕，要阿董落台囉。家陣啲偽民主派郁吓都買阿爺怕就梗係死硬啦。你你試吓多幾個毓民咁嘅人，夠薑同阿爺撐到行嘅話，你睇吓阿爺又會唔會縮？

領匯呢單，我都廢事鬧你。你覺得溫水煮蛙慢慢死嘅話，咁你就慢慢去死啦。

-力

mcjohnjohn

香港之所以一直都被中國政府牽著鼻子走，係因為香港人自己無種。你當年七一衰到貼地、難爛命一條果陣夠薑行 ...
Lik 發表於 2011-11-1 11:24

有種既話唔通去搞香港獨立咩. 香港係中國既一部分, 呢一個事實係不可避免. 阿爺唔係盲又唔係聾, 香港人有訴求唔會唔知, 不過呢d 訴求如果會影響阿爺本身, 咁阿爺當然要考慮一下去唔去滿足香港人既訴求. 白d 講, 唔係香港人想乜野, 阿爺就一定要應承的.

領匯好明顯係將商場活化左, 呢點我相信你冇可能可以去否定. 當然, 做任何事都會有代價的, 小商戶就suffer 了, 我亦非常明白. 可惜魚與熊掌, 好多時都係不可兼得的.

rainbow-davie

點解要民主就要同獨立拉埋一齊? 講唔通.

香港民主既問題,總括有幾方面
1) 港人對民主認知淺薄同錯誤. even 移民外國浸過民主水既人,都有好多以為普選就係民主既全部.
2) 意志. 世界不變既道理. 一窮二白仲可以磨練意志, 大部份人富起來只會諗點保住財富.
3) 社會風氣. 唔認識認同人權,唔真正專重他人既社會, 係唔可能發展出優質民主
4) 制度. 唔淨止特區同北京,所有香港政黨都唔似政黨, 似寶藥黨多D.

點解我會將制度排最後? 因為如果港人真係的起條心去追求發展民主, 令社會更加好, 大家一心一意, 眾志成城, 第四點根本唔係問題.

香港,最後得三條路.
1) 沒落.
2) 全港推翻政府,自立制度,再專北京為中央政府
3) 暴動,暴力推翻政府.

ricrick

點解要民主就要同獨立拉埋一齊? 講唔通.

香港民主既問題,總括有幾方面
1) 港人對民主認知淺薄同錯誤. even ...
rainbow-davie 發表於 2011-11-1 00:27

有兩睇
1睇下有無一位鬼一般的滅世領導想推行獨裁，甘就可以國家的沒落
2睇下有無一位神一般的救世領導想推行民主，甘就可以和平地進行