其實真係要為阿珍講返幾句公道說話。
無錯，佢咁樣鬧人真係實在非常愚蠢。呢個係無可否認嘅。
但正如報導所 hint過嘅係，國內旅行團有好多時候根本係打正招牌分「購物團」同「旅遊團」。旅遊團相對之吓唔會點逼你去買野，但團費就貴好多。而購物團嘅團費之所以咁平就係因為佢打正旗號咁係講到明話會帶團友去購物，而團友本身亦知道佢行程裡面係一定要響啲指定地點買返咁上下金額嘅物品。個不成文約定其實雙方都心知肚明，所以其實團友去到地方而唔買野，其實亦可算係佢無履行到佢果方面嘅 bargain。
而另一樣唔可以唔忽視嘅就係，其實香港呢啲團，好多時其實個導遊係要自己出錢去投個團返來帶，其實真係都幾辛酸。所以阿珍一時忍唔住勁插班團友，雖然係錯，但其實亦都係情有可原，因為佢自己亦都係受害者。
-力 |
發表於 2010-7-21 23:54
|