其實我想問問MJJ, 你又係耶教, 又係霍金粉絲, 兩者無衝突嗎? 霍金係無神論主義者, 認為宇宙係"自我創造"。
...
matt72178 發表於 2011-1-11 10:17 
matt 兄既問題非常好~ 等我MJJ 嘗試一下將自己對科學同信仰既感覺形容一下啦!
由細到大, 科學同信仰都一起陪伴我成長. 霍金係我偶像, 天主係我既天上既父, 我覺得係兩樣野, 應該冇衝突. 其實除左霍金, 我小時候更like 伽利略, 因為我太愛天文學了. 一早就知道科學既宇宙觀同創世紀既宇宙觀大有不同. 有人就講: "既然唔同, 你仲乜信埋d 明明唔正確既野?"
MJJ 覺得, 聖經係天主既聖言, 不過都係人寫既. 人既知識有限, 寫出黎既野, 只能用自己所識既野去表達. 乜野第一日造天地, 第二日造水和空氣, 呢d 係人既演繹only. 因為當時既科學水平根本想像唔到乜野宇宙大爆炸, 乜野宇宙恆常不變, 所以o係MJJ 心目, 聖經呢d 野只不過係一個concept, 想表達既野就係宇宙係天主所造.
天主造左"人", 我覺得只係"人"既思想, 外星人話唔定都覺得自己係"人", 一隻狗都話唔定覺得自己係"人". 我既信仰, 主要係建基於耶穌死後復活. d人一定話: "你又知? 你親眼見到咩?" 如果我親眼見到, 我一定開心死... 話唔定會試下叫耶穌帶埋我去升天. 雖然我唔係親眼見, 但我卻信. 呢d 就係我呢個低能仔最唔低能既想法lu. 至於點解會信, 應該係因為我由細到大都有幸活在聖言中, 感受到一d 野, 應該係天主既愛吧.
人大在, 心態都會有唔同, 以往就去感受愛, 而家就傾向發揚愛, 令大家都可以感受愛既溫暖. 我唔係咁偉大想大家因為感受愛而走去信主, 只不過係因為我覺得自己接受得太多愛, 係時候回饋一下, 希望大家都可以在愛中生活而已.
-- 係時候收手, 以免比人話我扮神聖既 MJJ |
發表於 2011-1-5 21:33
| 