特區公安之光：濫權將疑犯剝光豬 怕麻煩私下放黑工 主人公

Lik

http://www1.hk.apple.nextmedia.c ... amp;art_id=15522305

濫權將疑犯剝光豬　怕麻煩私下放黑工
新紮師兄網誌　大爆違紀行為
2011年08月14日



【本報訊】警花阿旦上月在網誌上載自拍制服艷照令警隊尷尬後，警隊計劃今年內推出使用社交網絡指引，然而類似事件再爆一宗。一名於 07年畢業的「新紮師兄」製作網誌，原意供同學交流互勉，最後卻成為各人吐苦水之地，不但將警隊內部偷懶、苟且等文化公諸於世，更揭露不少涉嫌違紀行為，包括濫權將疑犯剝光豬，甚至因為「怕麻煩」而私下放走犯人等。警察員佐級協會主席黃程直指事件嚴重，必須徹查。記者：葉競科

涉事 Xanga網誌由一名花名「阿奶」的軍裝警員製作，供警察學院 07年某屆畢業的警員交流，上載了逾百張學堂生活照，一眾新紮師兄亦不時貼文訴說當差苦樂，到今年 6月仍有運作。綜觀他們當差四年多，心態積極樂觀者少，沮喪無奈者多，當中揭露不少警隊內部害群之馬的劣行。


另一張相片，一批新紮師兄在學堂房間內「玩剝褲」。互聯網


新紮師兄用「雨帽蓋」扮成貝雷帽搞鬼合照。互聯網

警員怨導師懶「學唔到嘢」

網誌內爆料最多、情緒最為負面的警員就是自稱駐守北角警署的「士多誠」。他在多篇貼文表示該區「 R得交關」（意指悠閒），而指導他工作的「雕陀」（即導師）又懶得過份，只能日日跟對方在「蛇竇」偷懶，埋怨「學唔到嘢」。

最令人震驚的，就是士多誠爆出師兄私下放走犯人的行徑。他透露，有次行「孖咇」處理一宗投訴，「發現現場嘅垃圾佬竟然係揸住雙程證打工，夠晒料……點知最後師兄決定係放佢走。」士多誠在文中大吐苦水：「因為佢（師兄）話呢啲 case『打包頭』（記錄犯人財物）係 sub unit（軍裝小隊）一手包辦，太麻煩，所以唔做，當無見過佢就算，古仔當然係叫我改……」他抱怨自己無機會實習，無意中卻踢爆同袍涉嫌妨礙司法公正。

網誌中另一個嚴重指控就是有警員涉嫌濫用職權，事件由駐守元朗的「阿奶」爆出。 07年 2月 5日，阿奶巡邏時截獲一名男子，經電台核實確知對方正被通緝。阿奶說：「呢條肥仔垃圾蟲冇交罰款，算佢唔好彩，咁俾我哋撞死咗！跟住佢都好合作上車返差館，返到去又要佢剝光豬搜身，有啲唔知點咁……不過呢啲 case只要有人嚟幫佢交罰款就可以放人。」

網誌還記下不少警員惹人詬病的行為，例如爭相觀賞偷拍裙底案女受害人的露底照等。部份新紮師兄對警隊顯得灰心，揚言「做得多冇人會話你叻仔，衰咗仲會一沉百踩」。有人更作打油詩諷刺長官「奉承上司笑淫淫，刁難下屬聲大大，不怕新紮師兄學歷高，只怕老前輩們耍花樣」。不過，有前輩警員亦在網誌激勵一眾新紮師兄切勿灰心。

員佐級協會主席：須徹查

警察員佐級協會主席黃程透露，自上月「制服艷照」事件後，警隊內部電郵已再次提議同袍不應作出有損警隊形象的行為。然而今次網誌內容，因提及有警員涉嫌作出私下放犯等行為，可能涉及妨礙司法公正，他認為有必要作出追查。警方發言人表示會作出跟進。

《新紮師兄心聲》
爭睇美少女裙底照

Monday, February 19, 2007
大年初一。千祈唔好話大年初一冇乜嘢搞，我做 mp1（ 1號巡邏車）仲有嘢拉！就係有條鹹濕仔用手機，拍一個少女裙底，短裙仔、仲要係幾靚女、 16歲，兩個字……清純！仲要俾一個街外人見到，話俾條女聽先知，跟手捉住佢報警。記住，自己發現同人哋話佢知係有分別，自己發現係油雞（遊蕩），人哋話俾佢知就係公眾地方行為不檢 or破壞公眾體統，最緊要記住！所有人都蜂湧去睇嗰張相，我都有睇過，都係一個 pat，同有花白底！都冇乜特別啫，鹹濕仔最終 PG（認罪），交 CID。難忙年初一。

有委任證　通行無阻

Wednesday, January 31, 2007
今日好驚險。
喺一條村路突然俾警察截停咗我哋架車，原來佢以為我哋啱啱偷車……
於是叫我哋出示身份證同車牌，之後我拎緊之際俾佢哋睇到我張委任證，佢就話：「哦，原來夥計嚟㗎，早啲出聲嘛，我哋依家做緊個行動，係捉人偷車呀！冇事㗎啦，你哋走啦！」
咁我哋就走啦，我仲以為俾佢知道咗我無牌駕駛呀，嚇到我死咁滯呀！

照顧犯人　口不對心

Thursday, February 22, 2007
有位大嬸神色慌張，好驚咁走埋嚟：「阿 Sir，前面有個黐線佬呀，見人就踢呀！」老遠見到有個同事加兩個市民同一個人「典」緊……當然二話不說，上去前面幫拖……四周圍已經企滿晒人圍觀，驟眼見到有四、五條友揸住部電話喺度唔知拍嘢定影相，呢個時候鏡頭之下點都要斯文啲，我就同佢講話「唔郁就冇事」，其實隻手就㩒到佢條腰實一實。喺呢件事，發現幾樣嘢：
1平時真係要做吓運動練吓體能。
2小心啲死人鏡頭……要聲東擊西，口就要講到好關心個犯問佢有冇事，但手腳拳頭就其實關照緊佢……

為交數　自己呃自己

Saturday, January 27, 2007
做咗兩個星期，自己就好似迷失咗方向……好似冇乜意思咁，依家唔係告啲死車，就係搵啲阿姐（盤查），又或者行行企企……有時都覺得幾好笑，講就話唔使交數，但朝朝早都不停讀啲告票數字，呢啲就係功課，但天水圍有幾多車係真係值得我哋去告呀？唔值得但係又要告，又要喺 notebook度作佢點樣阻，真係連我自己都呃自己，好似好辛苦，收工又要寫低今日做過啲乜，有時要作出嚟，令到個數好睇啲，咁我真係見唔到可疑人，咁做出嚟有乜意思。唉，一個咁大嘅部門有啲咁唔文明嘅做法。

註：節錄自相關 Xanga

Lik

睇完呢篇野之後，請你俾個理由我：點解我仲要尊重呢班有牌爛仔？

-力

mcjohnjohn

睇完呢篇野之後，請你俾個理由我：點解我仲要尊重呢班有牌爛仔？

-力
Lik 發表於 2011-8-14 13:02

因為香港係有好多警察, 而唔係每個警察都係咁.
小弟相信香港警察係保護市民既生命同財產, 反正我是信了.

-- 受香港警察保護既香港市民 MJJ

raffaello

因為香港係有好多警察, 而唔係每個警察都係咁.
小弟相信香港警察係保護市民既生命同財產, 反正我是信了. : ...
mcjohnjohn 發表於 2011-8-14 18:43

Yes, you are right. 香港有好多警察, 唔係每個警察都係咁.

Lik

Generalize one incident to extrapolate to the whole group? How many piles of shxt have we seen from the police in the last few years? When all kinds of different shxt keeps spewing out from the HKPD, you know there is something wrong with the whole team.

Fxxking morons like you always try to downplay these as isolated incidents ga la~

-Lik

mcjohnjohn

Generalize one incident to extrapolate to the whole group? How many piles of shxt have we seen from  ...
Lik 發表於 2011-8-16 15:07

我唔知道點為之多, 點為之少, 我只覺得香港既警察真係算好helpful 了.
如果你話all kinds of different shxt keeps spewing out from the HKPD 係好多, 咁香港每日都真係發生唔少事, 有唔少倫常慘案, 亦有唔少人間暖流. 如果係都要focus on 既倫常慘案既話, 咁香港絕對係一個慘情之都, 但事實真係咁一面倒嗎? 生活o係香港既MJJ 好太膽咁話比大家知, 呢一個時刻, 香港仍然係一個美好既城市(除左空氣污染真係好勁之外).

-- 凡事從多個角度觀覺, 騎住唔同既牆去宏觀社會既 MJJ

peter236

睇完呢篇野之後，請你俾個理由我：點解我仲要尊重呢班有牌爛仔？

-力
Lik 發表於 2011-8-13 21:02

At least they don't taser people for no reason.