返回列表 發帖

被屈「車震」過底線苟芸慧「喊」冤

被屈「車震」過底線苟芸慧「喊」冤



新一代女神苟芸慧(苟姑娘)繼與視帝鄭嘉穎傳撻着後,再傳與謝天華在拍劇期間「車震」,苟姑娘前晚在慶功宴上強烈否認事件,更含屈爆喊直斥報道超越底線,連阿媽都開始不信任她!
華姐冠軍苟芸慧備受無綫力捧,今年連接六套劇,由閒角變身二線女主角,惟自她有份演出的《飛虎》和《怒火街頭2》播出後,開始爆出她向劇中男藝員獻媚,有傳視帝鄭嘉穎和蕭正楠都成裙下之臣!日前苟姑娘與謝天華合作新劇時,又傳出兩人上演一幕「車震」戲相當投入,種種負面消息令她壓力爆煲!前晚苟姑娘與馬國明、宣萱、王君馨及黃智雯等出席劇集《飛虎》慶功宴時,沒精打采兼眼腫腫,受訪時一聽到「車震」二字,即時爆喊,連在《飛》劇飾演其男友的梁烈唯上前安慰,她都請對方食檸檬,似乎深怕再惹緋聞!
緋聞不絕 我好辛苦
對於被指勾引人夫天華,苟姑娘一臉委屈兼激動流淚地說:「今朝媽咪喺加拿大打嚟問我,我都唔知咩事,冇睇本書,覺得好委屈!」她直言明白傳媒工作需要,但報道已超越其底線,她再度邊講邊喊:「令到我屋企人唔開心,我都好辛苦!我唔在乎人哋點睇我!(被屋企人鬧?)要解釋囉!令佢哋擔心,因為近期負面新聞一單接一單,佢哋擔心都好自然。(誤解咗你?)係呀!我覺得爸爸媽媽唔明我工作性質,開始唔信任我喇!我都唔知咩叫『車震』,係媽咪同我講先知。」
男人勿近 趕走唯唯
為了令父母安心,苟姑娘表示會盡快安排家人來港居住,讓他們明白其工作。訪問期間,梁烈唯主動遞上暖水安慰她,並說:「萬大事有我!」然而她如驚弓之鳥般請唯唯食檸檬:「走啦!你過嚟我會好麻煩!」

苟姑娘直言不會因傳聞而放棄事業,但會與男對手保持距離,她說:「有少少驚,以前喺外國冇所謂,但做呢行就會避忌。(遲啲拍劇都好多男仔?)係呀!自己做好自己,都控制唔到!」


苟芸慧被屈「車震」,難怪滴出大大滴眼淚!


被圍訪的苟芸慧喊到眼腫腫,接過紙巾抹眼淚。


看到苟芸慧哭成淚人,梁烈唯斟水氹番,並說:「萬大事有我!」卻被伊人耍手拒絕!


梁烈唯


宣萱與無綫高層梁家樹(左)及無綫行政主席梁乃鵬舉杯慶祝。


馬國明為劇集慶功。

TOP

做新聞
如果小弟有日失左蹤你地唔好掛住我 :p

TOP

哈哈哈哈 ,車震....好鬼好笑 ......

TOP

回復 3# samsung

可能真係喊喎…

TOP

呢D就係所謂既 " 好 pure 好 true " 啦~

TOP

車震....
講真, 係咪真係咁大件事呀....
實在你坐上架車度, 自己大力少少咁"印", 架車都會震架啦~
唔震仲大鑊呀, 即係個shocks可能已經一早打殘咗喇~
Nowadays common sense is not common anymore

TOP

回復 7# jiujiujiu

話時話,車震呢個term 究竟黎自香港定係大陸…?

TOP

返回列表