標題: 食環署無人性 趕絕雞蛋仔阿伯 [打印本頁]
作者: Lik 時間: 2011-4-10 17:49 標題: 食環署無人性 趕絕雞蛋仔阿伯
http://the-sun.on.cc/cnt/news/20110411/00405_001.html
冷血食環署趕絕老小販！以「炭燒雞蛋仔」養活全家的阿伯，在銅鑼灣以「走鬼檔」擺賣逾二十年，他長期遭食環署人員票控及充公搵食工具，導致血本無歸，但依然逆來順受，最近更被玩針對，昨日他未開爐已被冚檔，四十日內遭第七次檢控。街坊目睹代抱不平，群起指摘食署冷血，認為扼殺香港特色街頭小食，且質疑他們選擇性執法，一度群情洶湧，大批警員到場控制場面，最終老小販仍難逃被檢控及帶署，其後他獲象徵式以二十元保釋。
「雞蛋仔阿伯」姓吳（七十四歲），報稱居住信德街的後巷木屋，逾二十年來在銅鑼灣道一間茶餐廳對開擺檔，每天推車仔擺賣四個小時，由於用炭燒烘雞蛋仔風味特佳，且同類美食「買少見少」，吳伯已成為區內知名人物。惟自上月開始，吳伯疑被食環署玩針對，幾乎每周一控，遭罰款兼沒收車仔等搵食工具，至本月食環署更變本加厲，十日內三度作出檢控。
選擇性執法百人斥惡行
昨晨十一時許，吳伯如常到老地方擺檔，但未開始做生意，即有九名食環署人員乘車到場包圍他，表示要檢控。茶餐廳負責人卓先生稱，他見一班人欺負手無縛雞之力的吳伯，立即走出查看，獲悉事件後，認為食環署不近人情及涼薄，禁不住出言怒罵，近百名街坊聞訊趕至，齊聲斥責食環署惡行，群情洶湧。
其中街坊郭太質疑今次屬於選擇性執法，針對吳伯。她指現場附近亦有其他無牌小販擺賣，着食環署人員前往執法，但未見有人採取行動，令她更加氣憤。
街坊洪小姐亦稱：「七十幾歲阿伯為搵兩餐，做咗幾十年，又冇攞綜援，雞蛋仔做得又好食，你哋檢控佢，個個聽到都心痛啦！」有街坊亦指炭燒雞蛋仔為傳統香港特色街頭小食，趕絕其生存空間實在可惜。
六輛警車大陣仗控場面
食環署人員擔心場面失控，報警求助，六輛警車近三十名警員以及十多名食環署人員增援，到場控制人群，期間街坊透過警員向食環署人員求情，要求即使檢控吳伯，亦應發還其搵食「架生」，以免令他陷入絕境，惜遭拒絕。擾攘個多小時後，警員無奈地讓食環署人員將吳伯連人及搵食工具帶走，事後他獲「格外開恩」，以二十元自簽保釋。
食環署發言人回應時否認選擇性執法，指行動是合理地行使權力。該署人員採取執法行動前，已明確向有關小販指他在街上無牌販賣熟食，為保障食物和環境衞生，須即時拘控而不先作口頭警告。
多名食環署人員到場包圍吳伯，街坊睇唔過眼。
當正重犯
坐車帶走
充公架生
群情洶湧
近百名街坊不滿食環署人員針對年老小販。
作者: Lik 時間: 2011-4-10 17:50
http://the-sun.on.cc/cnt/news/20110411/00407_002.html
我自食其力唔想攞綜援
【本報記者】「雞蛋仔阿伯」因年逾古稀，已無法找到工作，但要養妻活兒，政府又不再發出小販牌照，只好繼續做無牌「走鬼小販」。他無奈地說：「明知係唔啱，為咗搵食冇辦法喇！……我都係自食其力，唔想攞綜援！」
吳伯表示，他是廣東海豐人，幾十年來一直蝸居後巷的木屋生活，直至晚年才回鄉娶妻育兒，目前育有一女兩子（十五至十八歲），現仍在求學。以前他每月回鄉一次探望妻兒，近年妻兒間中會來港團聚，他才減少回鄉。吳伯表示，他做的炭燒雞蛋仔特別香，主要是用料足，平日賣二十至三十底，會落六十隻雞蛋，假日則可賣一百底，會用上一百五十隻雞蛋。每底雞蛋仔賣十元，每月收入僅六至七千元，但他寧願自食其力，也不願申領綜援。由於天熱時生意較差，他會執拾紙皮及廢鐵幫補收入。
每次罰款八百
對於接連被食環署檢控，吳伯亦無言以對，「唔知發生乜嘢事」，只希望可取回搵食工具。吳伯指每次罰款八百元，加上重製「架生」要二千多元，明知損失慘重，但為生活也要繼續做小販。
昨日吳伯自簽保釋後，隨即返回被捕現場習慣打躉的茶餐廳，兩名兒女已在場等候，兒子更拍其肩膊以示支持。吳伯感老懷安慰，激動流下熱淚，但為免被兒女發現，即刻用手抹掉，然後與兒女回家。
吳伯手持告票大感無奈。
吳伯居住後巷木屋，境況堪憐。
作者: Lik 時間: 2011-4-10 17:54
食環署呢班友賤就不漏都知，而以前專門針對老弱小販嘅個案亦大有前科。連矮仔偉套賀歲片裡面都有大把咁樣嘅情節來諷刺呢班城管上身嘅食環署廢柴就可想而知佢地有幾不堪。
-力
作者: auyatyat 時間: 2011-4-10 19:22
換個角度,阿伯50幾先至北上結婚,成60 先至生果幾個細路
自己都有責任....
作者: kwan1024 時間: 2011-4-10 19:31
回復 2# Lik
食環署班賤人.....專門簡人黎蝦!人地班後生賣老翻又唔去捉...次次都走去捉D老弱殘兵
選擇性檢控真係好"趴"街!!!!!!!
作者: sheep 時間: 2011-4-10 20:21
回復 5# kwan1024
九十後本色
俾個like你
作者: sheep 時間: 2011-4-10 20:26
回復 5# kwan1024
你知唔知
啲職員
朝早就去捉小販
晚黑就佢去開檔
觀塘就係咁
而且都係行蠱惑添
作者: Catpiano 時間: 2011-4-10 20:50
Um .. 2x yr illegal selling .. sigh ..
They are just do "homework" jei .. 
作者: Lik 時間: 2011-4-10 21:56
[youtube]J338Nj5dQBg[/youtube]
作者: peter236 時間: 2011-4-11 01:13
Mr Lik, 你條電車男,草食男, 你這些盲目祟日祟洋, 仲滿口中文的人, 盲目侮辱自己中華民族, 逢中華必反, 逢香港必反, 屈得就屈, 對中華民族對香港，毫無貢獻可言.
你們這幫崇洋媚外的走狗, 還舔西人臭腳趾, 譁眾取寵, 斷章取義, 轉移視線, 扭曲事實, 自我歧視, 你們的臉不知要丟在哪裡, 呵呵呵!
知唔知咩叫做德行呀？你叫啲所謂高級嘅日本仔, 為南京大屠殺，慰安婦，Unit 731 生化實驗, 道歉喇，
作者: sheep 時間: 2011-4-11 06:14
Mr Lik, 你條電車男,草食男, 你這些盲目祟日祟洋, 仲滿口中文的人, 盲目侮辱自己中華民族, 逢中華必反, 逢 ...
peter236 發表於 2011-4-11 01:13 
Mr Lik, 你條電車男,草食男, 你這些盲目祟日祟洋, 仲滿口中文的人, 盲目侮辱自己中華民族, 逢中華必反, 逢香港必反, 屈得就屈, 對中華民族對香港，毫無貢獻可言.
你們這幫崇洋媚外的走狗, 還舔西人臭腳趾, 譁眾取寵, 斷章取義, 轉移視線, 扭曲事實, 自我歧視, 你們的臉不知要丟在哪裡, 呵呵呵!
知唔知咩叫做德行呀？你叫啲所謂高級嘅日本仔, 為南京大屠殺，慰安婦，Unit 731 生化實驗, 道歉喇，
咁你就收五毛？
同國家做事
俾啲heart啦
作者: auyatyat 時間: 2011-4-11 11:16
回復 8# Catpiano
agree, if the officials do not catch eldery hawkers, they are sill 選擇性執法
if officials do not catch eldery hawkers, all young hawkers will work with an eldery, when officals come, the young hawkers can escape first, and let the old hawkers stay
that's another loophole
作者: Catpiano 時間: 2011-4-11 11:20
Which that is the case in HK ..
When they catch hawkers .. it is kind of silly .. they "yell" first .. so .. guess what? all the young one can run away first .. the old one? just give up .. they are not going to run away ..
Sigh ..
作者: FiChai 時間: 2011-4-11 14:41
換個角度,阿伯50幾先至北上結婚,成60 先至生果幾個細路
自己都有責任....
auyatyat 發表於 2011-4-10 19:22
True.
又如果七十幾歲亞伯去打劫，又要養活妻兒，係咪唔駛俾人拉先？同情還同情，法律要分明！
作者: Catpiano 時間: 2011-4-11 15:17
同情還同情，法律要分明 .. that is true ..
I have known friends as Police/custom/Hawker control in HK ..
In general, they don't care, they just care about their income .. they buy AAA product, buy AAA DVD/game, they shop from hawkers too ..
However, just once a while, they need to do "homework" to their boss ... 
作者: Lik 時間: 2011-4-11 15:28
如果食環處班城管係全部小販都一律照拉嘅話，好，我無野講！但家陣好明顯係呢班賤人專門蝦阿伯，其他後生果啲就一係唔拉，一係就淨係趕，但阿伯就要一個禮拜拉三次。咁又算係點呢？而且唔好話佢淨係搞無牌果啲，之前有個有牌嘅流動雪糕小販佢亦一樣搵啲芝麻綠豆嘅野去搞佢。
其實講到尾亦要 diu 埋特衰政府，因為流動小販唔再發牌嘅政策係政府定，但佢定咗之後又無安排相關嘅對策去鼓勵同安置之前一班做開流動小販來養活自己一家幾口嘅基層人士。
細個果陣我記得屋企果頭、油尖旺、甚至唔係好熟嘅港島周圍都有好多流動小販做生意。試問六七八十年代成長嘅一班地度香港人有邊個無同流動小販買過野？人地都係為咗自食其力去搵兩餐，又唔係做埋啲乜野偷呃拐騙嘅事，你食環處班城管做乜要咁折墮去趕絕人、斷人米路？呢啲唔係賤，仲可以係乜野？！作為一個人應該有嘅惻隱之心又去咗邊？
-力
作者: auyatyat 時間: 2011-4-11 17:34
如果d 無牌熟食小販賣o既食物令到d 人食物中毒,d人又會話食環署巡查得唔夠多,拉唔哂d 小販
點做都係會被人鬧
作者: Catpiano 時間: 2011-4-11 17:54
Well .. same as RCMP/Police catching speeding/U-turn/no complete stop here ..
Who does UNDER 60km/hr all the time? none .. (well, some C 9 .. ok ... )
So .. the can catch EVERYONE on the road .. but they only pick SOME .. so .. depends on your luck...
作者: Lik 時間: 2011-4-11 18:22
如果d 無牌熟食小販賣o既食物令到d 人食物中毒,d人又會話食環署巡查得唔夠多,拉唔哂d 小販
點做都係會被人 ...
auyatyat 發表於 2011-4-11 17:34
如果個小販檔啲野食真係有問題嘅話，老早就俾啲街坊鬧臭咗啦，仲邊有訂企呢？呢啲小本經營嘅小販檔，做嘅係街坊生意，最緊要係講口碑㗎嘛。
阿auyatyat你其實有無食過街邊檔啲熟食㗎？個檔口有幾邋遢，唔多唔少都有樣睇㗎嘛。咪以為人地係無牌熟食小販，啲野食就一定唔乾淨先得㗎... 
-力
作者: peter236 時間: 2011-4-11 18:46
如果個小販檔啲野食真係有問題嘅話，老早就俾啲街坊鬧臭咗啦，仲邊有訂企呢？呢啲小本經營嘅小販檔，做嘅 ...
Lik 發表於 2011-4-11 18:22
How do you know it is good or just average?
作者: mcjohnjohn 時間: 2011-4-11 21:18
題外話...
"平日賣二十至三十底，會落六十隻雞蛋，假日則可賣一百底，會用上一百五十隻雞蛋"
咁係唔係之話平日果d 雞蛋仔會足料d?
不過, 都應該係太安樓果檔雞蛋仔最好食! (好耐冇去過食了)
作者: auyatyat 時間: 2011-4-11 21:34
回復 19# Lik
只係假設o者...
之前有老鼠咬遊客,影響香港形象,d人都會鬧食環署做o野做得唔好
食環署做又比人鬧唔做又比人鬧
作者: auyatyat 時間: 2011-4-11 21:36
回復 18# Catpiano
agree,唯一唔比人拉o既方法就係唔犯法lor...
作者: FiChai 時間: 2011-4-11 21:47
好似話淨係亞伯賣熟食，其他小販賣乾貨，所以基於衛生問題就淨係拉佢，其他嘅趕走就算。宜家放生咗其他小販淨拉亞伯又鬧，如果全部拉晒係咪會開心啲？
好多嘢都有quota架啦，小販牌發夠唔再發又鬧，咁如果不停咁發搞到成街小販仲多過幫襯嘅客人又會點？人總係自私嘅，如果成班小販擺正啲當口响你跑馬地屋企樓下你又點睇？如果炸煎釀三寶個亞婆走鬼嗰陣啲滾油淥親你放學返屋企行過嘅仔女，你又會唔會叫啲呀sir唔好拉個亞婆？
講到尾，呢期港府民望插水，市民見一有位就圍插，都係一種唔平衡嘅破壞心態，認真唔值得鼓勵。社會嘅問題並唔係一朝一夕嘅，要解決同改善係要用時間同耐性加埋有計劃嘅積極行動。唔係响個網度鬧下鬧下就可以改變世界。
作者: mcjohnjohn 時間: 2011-4-11 21:50
其實阿伯都好慘, 都係想搵餐飯食之麻.
不過, 如果法律不外乎人情, 比個阿伯周街賣野, 到時係唔係其他人賣野都得? 咁又唔係咁work wor.
我覺得最好既解決辦法就係支持呢位伯伯既熱心人士捐d 錢比伯伯去開鋪頭! 咁唔犯法之餘, 伯伯又可以繼續經營~
作者: mcjohnjohn 時間: 2011-4-11 21:52
社會嘅問題並唔係一朝一夕嘅，要解決同改善係要用時間同耐性加埋有計劃嘅積極行動。唔係响個網度鬧下鬧下就可以改變世界。
FiChai 發表於 2011-4-12 13:47
FiChai 兄, 呢度得你咁勇直接同力兄講呢一番說話! 真係要寫個服字比你! 
P.S. 有冇FiChai 既近照?
作者: Lik 時間: 2011-4-11 22:12
講到尾，呢期港府民望插水，市民見一有位就圍插，都係一種唔平衡嘅破壞心態，認真唔值得鼓勵。社會嘅問題並唔係一朝一夕嘅，要解決同改善係要用時間同耐性加埋有計劃嘅積極行動。唔係响個網度鬧下鬧下就可以改變世界。
FiChai 發表於 2011-4-11 21:47
你都識得講社會問題唔係一朝一夕醞釀出來，亦即係話其實啲問題積埋積埋積咗好耐，但個廢柴政府卻一直唔理，所以民怨先至谷到去臨界點、政府民望先至低處未算低。家陣啲人唔係叫政府唔做野，反之係叫極政府做野佢都懶懶閒唔去做呀，大佬！好喇，到到多少能力嘅立法會議員提案去做野嘅時候，班保皇契弟同一眾功能組別議員又奉旨攪淋你個議案，令到佢無法通過。
你估啲人又好想日日走去diu柒個特衰政府咩？你特衰政府有前港英政府三成能力嘅話，個個香港人早就走咗去搵真銀啦？仲得閒去遊行、抗議、搞衝擊lu喎？
-力
作者: FiChai 時間: 2011-4-11 22:13
FiChai 兄, 呢度得你咁勇直接同力兄講呢一番說話! 真係要寫個服字比你!
P.S. 有冇FiChai 既近照? ...
mcjohnjohn 發表於 2011-4-11 21:52
我見呀力兄係熱血青年，應該會明白事理嘅。
多謝俾面，換咗張新相，啱唔啱睇呀老細？
作者: mcjohnjohn 時間: 2011-4-11 22:21
我見呀力兄係熱血青年，應該會明白事理嘅。
多謝俾面，換咗張新相，啱唔啱睇呀老細？ ...
FiChai 發表於 2011-4-12 14:13
掂呀喂FiChai! 你大個佬左仲要靚仔左咁wor~
不過你眼神好似帶有少少憂鬱... 係唔係感情方面有d 問題?
作者: auyatyat 時間: 2011-4-11 22:41
回復 28# FiChai
張相好得呀~~
like!
作者: auyatyat 時間: 2011-4-11 22:43
回復 25# mcjohnjohn
唔知會唔會有熱心業主會免租或者好平租咁比阿伯繼續賣雞旦仔呢?
阿伯d 仔女得十二至十八歲,睇o黎佢仲有好多年要賣雞旦仔先等到佢o地出身....
作者: FiChai 時間: 2011-4-11 22:45
掂呀喂FiChai! 你大個佬左仲要靚仔左咁wor~
不過你眼神好似帶有少少憂鬱... 係唔係感情方面有d 問題? ...
mcjohnjohn 發表於 2011-4-11 22:21
勁喎，咁都睇得出！查實係嗰時我望住一個靚女行過，但係我chok晒樣佢都不為所動仲要越走越遠，我的確有啲失望咁囉......
作者: somewhereintime 時間: 2011-4-11 22:54
回復 32# FiChai
Are you Ray Lam?
作者: mcjohnjohn 時間: 2011-4-11 23:00
回復 mcjohnjohn
唔知會唔會有熱心業主會免租或者好平租咁比阿伯繼續賣雞旦仔呢?
阿伯d 仔女得十二至十八歲,睇o黎佢仲有好多年要賣雞旦仔先等到佢o地出身....
auyatyat 發表於 2011-4-12 14:43
街邊賣雞蛋仔咁樣唔work 啦. 去拎綜緩其實都唔係乜野十惡不赦既事, 我絕對支持佢為左家人既生活而拎綜緩的. 當然, 如果阿伯d 雞蛋仔真係好食(我未試過, 唔敢講), 我覺得支持佢既人一人夾一舊水, 都起碼可以租個鋪仔繼續開檔. (當然唔好諗住係cwb 果d 旺區啦!) 好食既話, 遠一遠都會有人去幫襯!
作者: mcjohnjohn 時間: 2011-4-11 23:01
勁喎，咁都睇得出！查實係嗰時我望住一個靚女行過，但係我chok晒樣佢都不為所動仲要越走越遠，我的確有啲 ...
FiChai 發表於 2011-4-12 14:45
FiChai 呀FiChai , 你咁靚仔, 唔駛chok 樣都大把女自動埋身啦!
係唔係你果日唔覺得o係隻貓面前chok 樣乍? 你誤會左喇...
作者: FiChai 時間: 2011-4-11 23:26
回復 FiChai
張相好得呀~~
like!
auyatyat 發表於 2011-4-11 22:41
番橋番橋.... <3
作者: FiChai 時間: 2011-4-11 23:30
回復 FiChai
Are you Ray Lam?
somewhereintime 發表於 2011-4-11 22:54
No ah. Ray Lam (your friend) has a similar dog?
作者: somewhereintime 時間: 2011-4-11 23:32
回復 37# FiChai
I meant the actor Raymond Lam
作者: FiChai 時間: 2011-4-11 23:53
唔好以爲唔攞綜緩就好有型好有骨氣，但嗰頭就走去做啲遺反法律同擾亂社會秩序嘅事。如果佢行得正企得正咁自食其力又唔靠人先值得他人尊敬！係咪窮同老就可以亂黎？不過可惜長者優惠未去到咁囉。
作者: FiChai 時間: 2011-4-11 23:56
FiChai 呀FiChai , 你咁靚仔, 唔駛chok 樣都大把女自動埋身啦!
係唔係你果日唔覺得o係隻貓面前chok 樣乍? ...
mcjohnjohn 發表於 2011-4-11 23:01
Err...... 得你咁提一提，可能嗰隻係狐狸精都未定播，好在佢走得快！LOL
作者: FiChai 時間: 2011-4-12 00:10
你都識得講社會問題唔係一朝一夕醞釀出來，亦即係話其實啲問題積埋積埋積咗好耐，但個廢柴政府卻一直唔理 ...
Lik 發表於 2011-4-11 22:12
第一，從陰謀論嘅角度睇，好有可能係班英國鬼特登做到收買人心，之後交番個場俾中共就睇佢點死。不過其實之前响班英國鬼嘅統治下又唔見得萬衆歡騰，咪一樣有各樣民怨。
第二，你可以試吓去做官，咁咪唔駛日日响處鬧，不過會唔會日日俾番人鬧就唔知勒。
作者: FiChai 時間: 2011-4-12 00:19
回復 FiChai
I meant the actor Raymond Lam
somewhereintime 發表於 2011-4-11 23:32
Wakakaka................. no la no la, but i won't mind to have a gf Poon Sheung Sheung! LOL
作者: somewhereintime 時間: 2011-4-12 07:03
回復 42# FiChai
OIC, you want a sexy poodle
作者: Lik 時間: 2011-4-12 09:57
唔好以爲唔攞綜緩就好有型好有骨氣，但嗰頭就走去做啲遺反法律同擾亂社會秩序嘅事。如果佢行得正企得正咁自食其力又唔靠人先值得他人尊敬！係咪窮同老就可以亂黎？不過可惜長者優惠未去到咁囉。
FiChai 發表於 2011-4-11 23:53
每一輩嘅人有佢自己一套價值觀同尊嚴，就好似有好多上一輩嘅老人家覺得如果自己有仔有女，但卻俾子女送咗去老人院住係一件羞家嘅事、係子女不孝一樣。如果FiChai 兄你老豆老母係咁諗，但你老哥卻硬係要送佢地兩老入老人院，咁你就真係不孝喇。
同一道理，老一輩嘅人一般都認為如果自己仲行得走得，但卻要走去攤大手板問政府攞綜緩係一件仲折墮過做乞兒嘅事。片中睇到吳伯，身體似乎都都尚算硬淨，任何人如果夾硬逼佢去攞綜緩，咁就好應該喇？你講得出一句「遺反法律同擾亂社會秩序」咁嚴重嘅指控，我又唔信你樣樣循規蹈矩，揸車50唔超速、freeway 80行到足呀？
第一，從陰謀論嘅角度睇，好有可能係班英國鬼特登做到收買人心，之後交番個場俾中共就睇佢點死。不過其實之前响班英國鬼嘅統治下又唔見得萬衆歡騰，咪一樣有各樣民怨。
第二，你可以試吓去做官，咁咪唔駛日日响處鬧，不過會唔會日日俾番人鬧就唔知勒。
FiChai 發表於 2011-4-12 00:10
既然你自己都識得講係陰謀論，咁我亦都唔需要再多講啲咩。不過不用致疑嘅就係，港英年代雖然未能做到萬衆歡騰，但 70年代卻係香港經濟開始起飛之時，而 roaring 80's 就更加係香港嘅黃金年代，打工仔年年有十幾廿個％人工加。今時今日嘅香港又能否做到？民怨當年唔係無，但又有無今日咁大檸樂？
換咗我去做官嘅話，我唔敢話我會做得超級好，但卻可以好肯定咁講句我唔會好似班狗官做得咁撚差、咁撚戇車！從唐唐無啦啦走出來鬧爆啲80後、到震英哥走去擦鄧老爺攞和平獎嘅鞋、再到鬍鬚曾份天怒人怨嘅財政預算案，每一件事其實只要稍為對民意有多少了解嘅話，根本都唔會搞到好似今日一pat屎咁。
-力
作者: Catpiano 時間: 2011-4-12 10:32
Sigh .. it is all about luck and marketing too la..
NORTH POINT 雞蛋仔 is so famous, and so many branches now .. make no less then $1M/month ... thier 雞蛋仔 is good .. but won't say super great ..
May be this 雞蛋仔 kung kung ... 30 yr ago was buddy with north point 雞蛋仔 .. but one makes million and million now ...
作者: FiChai 時間: 2011-4-12 16:28
本帖最後由 FiChai 於 2011-4-12 16:31 編輯
每一輩嘅人有佢自己一套價值觀同尊嚴，就好似有好多上一輩嘅老人家覺得如果自己有仔有女，但卻俾子女送咗 ...
Lik 發表於 2011-4-12 09:57
"每一輩嘅人有佢自己一套價值觀同尊嚴，就好似有好多上一輩嘅老人家覺得如果自己有仔有女，但卻俾子女送咗去老人院住係一件羞家嘅事、係子女不孝一樣。如果FiChai 兄你老豆老母係咁諗，但你老哥卻硬係要送佢地兩老入老人院，咁你就真係不孝喇。同一道理，老一輩嘅人一般都認為如果自己仲行得走得，但卻要走去攤大手板問政府攞綜緩係一件仲折墮過做乞兒嘅事。"
呢個我當然明白亦什同意。但係唔代表唔攤大手就可以理直氣壯去打劫。所以我話要行得正企得正咁自食其力又唔靠人先值得他人尊敬。你唔係唔明箇中分別吓嘛？
"我又唔信你樣樣循規蹈矩，揸車50唔超速、freeway 80行到足呀？"
係，我會揸快過50同80，但係如果阿sir捉我，我唔會大大聲話我冇錯！仲要質問返佢轉頭，做乜要捉我咁冇天理！咁我問你勒，究竟係邊個錯？
"換咗我去做官嘅話，我唔敢話我會做得超級好，但卻可以好肯定咁講句我唔會好似班狗官做得咁撚差、咁撚戇車！"
我明白你有一番熱血，唔排除當年煲呔都有你同樣嘅抱負，只可惜宜家都係日日俾人鬧。人在江湖，如果你敢話你會做得好過佢，可以唔駛日日俾人小，即使隔日小一次都好吖咁，我衷心希望你能夠坐言起行，向住呢個偉大嘅目標邁進！祝你馬到功成！
作者: mcjohnjohn 時間: 2011-4-12 18:27
既然你自己都識得講係陰謀論，咁我亦都唔需要再多講啲咩。不過不用致疑嘅就係，港英年代雖然未能做到萬衆歡騰，但 70年代卻係香港經濟開始起飛之時，而 roaring 80's 就更加係香港嘅黃金年代，打工仔年年有十幾廿個％人工加。今時今日嘅香港又能否做到？民怨當年唔係無，但又有無今日咁大檸樂？
換咗我去做官嘅話，我唔敢話我會做得超級好，但卻可以好肯定咁講句我唔會好似班狗官做得咁撚差、咁撚戇車！從唐唐無啦啦走出來鬧爆啲80後、到震英哥走去擦鄧老爺攞和平獎嘅鞋、再到鬍鬚曾份天怒人怨嘅財政預算案，每一件事其實只要稍為對民意有多少了解嘅話，根本都唔會搞到好似今日一pat屎咁。
Lik 發表於 2011-4-13 01:57
力哥仔, 我都想經濟起飛呀... 香港已經係一個發展左既城市, 起飛既階段已經一早過左, 邊有咁容易再飛過? 除非大大鑊跌一劑, 咁之後就有機會再起飛law. 香港已經o係當年英國佬既控制之下成為一個國際金融中心, 香港人普遍都唔希望有所改變, 因為呢個地位保障香港人有一定程度既生活水平. 如果唔變, 又點可以起飛呢? 有! 好似當年有人提議香港發展成乜鬼中藥港, 可惜中醫藥到今時今日既發展都係停滯不前. 老實喇, 我諗唔到方法令香港經濟再起飛, 我諗既都係屎橋, 如果力兄係有計, 唔該你試下o係1823 既網站留言比香港政府吧!
做官既話, 就要有一定程度既妥協. 老實, 由力兄o係LYK 既言行, 我完全感受唔到力兄會係一個會妥協既人. 唔係話堅持唔好, 只不過你做得官就要o係一個limited 既環境下去辦事. 如果你o係呢個環境之下係做唔到野既話, 咁我完全唔覺得你有能力做官.
作者: mcjohnjohn 時間: 2011-4-12 18:29
Sigh .. it is all about luck and marketing too la..
NORTH POINT 雞蛋仔 is so famous, and so many b ...
Catpiano 發表於 2011-4-13 02:32
其實北角雞蛋仔唔係咁好食架乍, 得個脆字. 太安樓雞蛋仔就外脆內軟, 好好食架~
作者: Catpiano 時間: 2011-4-12 18:51
MJJ ..
I guess depends when la... sometimes you want 脆 .. sometimes you want 軟 
作者: mcjohnjohn 時間: 2011-4-12 19:05
MJJ ..
I guess depends when la... sometimes you want 脆 .. sometimes you want 軟
Catpiano 發表於 2011-4-13 10:51
唔係架, 太安樓雞蛋仔又脆又軟, 一粒雞蛋仔就有兩個口感, 真係唔係度度地方都食得到架! 下次返黎不妨一試!
作者: Catpiano 時間: 2011-4-12 19:25
How about those dessert place in 太安樓??
I like them .. but somehow, last few years, most my friends want to go for some "new trend" dessert places ..
But as a Canada Chan, I love those old school (and bargain style la.. )
作者: mcjohnjohn 時間: 2011-4-12 19:59
How about those dessert place in 太安樓??
I like them .. but somehow, last few years, most my frie ...
Catpiano 發表於 2011-4-13 11:25
西灣河街果邊既明記食糖水都唔錯~
作者: mcjohnjohn 時間: 2011-4-12 20:16
而家fb 有個group 支持雞蛋仔伯伯, 小弟見到都有3-4千人支持了.
小弟提議不如一人捐$100 比雞蛋仔伯伯支助佢開鋪頭, 都應該可以的. 小市民o係時候守望相助喇! 成日都靠政府邊得架~
作者: Catpiano 時間: 2011-4-12 20:48
No la.. shouldn't do that ..
The point is .. if we 捐 to 雞蛋仔伯伯 (if $100 x 4000, big $$ ) then we also should donate to other .. joe smith or mary wong .. whoever ..
Just like those American show .. whoever is so damn poor and pity .. then all the sudden .. got $ million of cash from whatever donation .. but then .. may be the middle person keep most the cash ..
作者: mcjohnjohn 時間: 2011-4-12 21:10
No la.. shouldn't do that ..
The point is .. if we 捐 to 雞蛋仔伯伯 (if $100 x 4000, big $$ ) th ...
Catpiano 發表於 2011-4-13 12:48
當然唔係直接比個伯伯, 而係交比個有社會地位既中間人去處理呢筆捐款啦~
小弟見到余若薇議員近排都為伯伯向政府爭取一d 野, 比筆錢佢去handle, 應該唔會有人懷疑去落隔了. 希望咁樣真係work 啦! 香港人才是香港既主人翁, 唔駛呢d 少事都要依靠政府既, 市民合力搞掂佢就得啦! 政府係應該做大事丫麻~
作者: Lik 時間: 2011-4-12 21:19
但係唔代表唔攤大手就可以理直氣壯去打劫。所以我話要行得正企得正咁自食其力又唔靠人先值得他人尊敬。你唔係唔明箇中分別吓嘛？
FiChai 發表於 2011-4-12 16:28
吳伯話晒都係自食其力，賣雞蛋仔又唔係賣忽得、K仔，咁又點樣唔算係行得正企得正呢？自己贊到錢得來，街坊又有好野食，咁點解唔值得人尊敬、尊重？
無錯，佢做街邊檔係無牌㗎喇，但無牌小返又點解變到好似十惡不赦，要一個星期選擇性執法咁來票控三次呢，仲要沒收埋人地阿伯嘅搵食架生？點解見報果日連檔都未開就要俾人拉？
換咗係你俾阿 sir周到你開快車，你點都會同個阿 sir講兩嘴，叫佢放你一馬掛？但當個阿 sir係擺面玩針對，個個飛車友都唔捉，但就淨係一個星期捉你三次 50 zone行 60，票控之餘仲要充公埋你架車，咁唔知 FiChai兄你又會點睇呢？
今時今日嘅特區政府，又何只係人在江湖咁少野？眼睛雪亮嘅人都睇得出佢老大早就已經放啤晒來做，返工就等收工，少做就少錯。而老曾就直情一早已經做咗離岸特首唔知幾耐啦？又話做好呢份工、又話要起錨，結果家陣咪等咬糧、變超錯囉！
-力
作者: mcjohnjohn 時間: 2011-4-12 22:02
吳伯話晒都係自食其力，賣雞蛋仔又唔係賣忽得、K仔，咁又點樣唔算係行得正企得正呢？自己贊到錢得來，街坊又有好野食，咁點解唔值得人尊敬、尊重？
無錯，佢做街邊檔係無牌㗎喇，但無牌小返又點解變到好似十惡不赦，要一個星期選擇性執法咁來票控三次呢，仲要沒收埋人地阿伯嘅搵食架生？點解見報果日連檔都未開就要俾人拉？
Lik 發表於 2011-4-13 13:19
一個地方依法辦法, 若果犯左法, 就係犯左法, 人地執正黎做, 你都吹人唔漲.
香港政府通常冇咁積極拉人, 我覺得應該有人o係背後玩野. 話唔定有人o係1823 向政府多次投訴有人非法擺賣, 咁政府唯有依法辦事. 近年香港人鬼咁鍾意投訴, 投訴渠道多左又方便左, 收到投訴部門又有服務承諾, 邊似得好似舊時咁可以側側膊唔多覺丫.
你可以試下不斷打1823 (而家仲有iphone app 啊)向政府投訴有無牌小販, 我覺得政府都要跟進你既投訴去做野, 到時話唔定出個砵仔糕婆婆都唔定. 但係打1823之前一定要通知報館standby, 就好似雞蛋仔阿伯咁, 我諗你都明點解架啦!
作者: FiChai 時間: 2011-4-12 22:27
吳伯話晒都係自食其力，賣雞蛋仔又唔係賣忽得、K仔，咁又點樣唔算係行得正企得正呢？自己贊到錢得來，街坊 ...
Lik 發表於 2011-4-12 21:19
依你嘅偉論，既然亞伯响不准擺賣既地方兼無牌販賣都咁理直氣壯，即係响禁煙區可以食煙、咸濕書可以賣俾十二歲學生哥、男人可以入女廁、差人可以唔捉賊....，因為佢哋全部都有苦衷得黎又唔係十惡不赦。其實一句講哂，根本法律就係多舊魚，市民應該鍾意點就點。唔怪之得你話如果你做官就包保冇人鬧啦，因為到時香港都變成天堂咯，天堂又點會有人呢！
作者: sheep 時間: 2011-4-12 22:36
回復 14# FiChai
咁講係有啲道理
不過
你應該見唔少
啲差人叫啲違例泊車
快啲走
大家都係想河蟹啫
作者: mcjohnjohn 時間: 2011-4-12 22:42
回復 FiChai
咁講係有啲道理
不過
你應該見唔少
啲差人叫啲違例泊車
快啲走
大家都係想河蟹啫 ...
sheep 發表於 2011-4-13 14:36
啲差人應該有quota , 佢呢個月抄夠, 好心就放你一馬咁law.
不過, 如果有好市民同個差人話有人違例泊車而要求個差人抄牌, 你估個差人敢唔敢行使佢既酌情權呢? 佢唔怕比人投訴咩.
作者: sheep 時間: 2011-4-12 22:43
其實阿伯都好慘, 都係想搵餐飯食之麻.
不過, 如果法律不外乎人情, 比個阿伯周街賣野, 到時係唔係其他人賣野 ...
mcjohnjohn 發表於 2011-4-11 21:50
早嗰輪有個刷鞋呀伯響美利道停車場擺檔
咪又係一樣
被人小到開花
先至話做野
而家'就一鑊'話
俾佢上街市熟食檔
繼續賣
睇吓點
作者: sheep 時間: 2011-4-12 22:52
啲差人應該有quota , 佢呢個月抄夠, 好心就放你一馬咁law
mcjohnjohn 發表於 2011-4-12 22:42
好明顯係選擇性執法喇
咁就唔係法律面前
人人平等喇
作者: FiChai 時間: 2011-4-12 22:53
換咗係你俾阿 sir周到你開快車，你點都會同個阿 sir講兩嘴，叫佢放你一馬掛？但當個阿 sir係擺面玩針對，個個飛車友都唔捉，但就淨係一個星期捉你三次 50 zone行 60，票控之餘仲要充公埋你架車，咁唔知 FiChai兄你又會點睇呢？
Lik 發表於 2011-4-12 21:19
不如咁講啦，你試過飲醉酒渣車，又冇車死人又冇俾人拉，咁係咪代表你醉駕係啱嘅呢？咁你又會以後都醉駕呢，車神？
如果要我直接答你，我會咁諗： 梗係啦，人哋揸波子、法拉利、林保，我就揸架86..... 司域仔，唔係阿sir唔想追佢地，係阿sir根本追唔到啫！咁我咪認命把啦！咁既然已經俾人拉過一次咯，都仲唔知衰仲係都要揸得懶快，結果又俾阿sir再捉多三幾次都仲係咁硬頸咁唔信邪，係都要繼續揸快啲，除咗話自己有型之外，唔係抵死係乜嘢呢，吓話？！
作者: mcjohnjohn 時間: 2011-4-12 22:54
早嗰輪有個刷鞋呀伯響美利道停車場擺檔
咪又係一樣
被人小到開花
先至話做野
而家'就一鑊'話
俾佢上街市 ...
sheep 發表於 2011-4-13 14:43
所以咪就搞到而家d 人覺得鬧鬧插插呢一條係出路law~
你諗下, 無牌擺賣都可以被咁多人支持, 仲要個傻仔政府真係要扮哂聽民意去恩恤... 咁究竟幾時應該恩恤, 幾時先企硬呢? 老實, 我真係覺得政府一定要o係適當既時候企硬. 一個比人刮兩巴就退縮既政府, 點會有能力o係適當時候o係阿爺面前真真正正表達香港人既訴求?
作者: mcjohnjohn 時間: 2011-4-12 22:59
好明顯係選擇性執法喇
咁就唔係法律面前
人人平等喇
sheep 發表於 2011-4-13 14:52
預左選擇性執法又比人話, 唔選擇性執法又比人話架啦~
人人平等? 我唔覺得人人平等係一件好事... 如果一個三十歲男子亂過馬路, 同一個八十歲阿婆亂過馬路, 我唔覺得佢地既待遇會係一樣.
作者: mcjohnjohn 時間: 2011-4-12 23:00
除咗話自己有型之外，唔係抵死係乜嘢呢，吓話？！
FiChai 發表於 2011-4-13 14:53
時下有唔少人覺得挑戰政府係一件好有型既事.
作者: FiChai 時間: 2011-4-12 23:01
所以咪就搞到而家d 人覺得鬧鬧插插呢一條係出路law~
你諗下, 無牌擺賣都可以被咁多人支持, 仲要個傻仔政府真係要扮哂聽民意去恩恤... 咁究竟幾時應該恩恤, 幾時先企硬呢? 老實, 我真係覺得政府一定要o係適當既時候企硬. 一個比人刮兩巴就退縮既政府, 點會有能力o係適當時候o係阿爺面前真真正正表達香港人既訴求?
mcjohnjohn 發表於 2011-4-12 22:54
所以我一直都想vote阿力做官囉！
作者: FiChai 時間: 2011-4-12 23:02
回復 FiChai
咁講係有啲道理
不過
你應該見唔少
啲差人叫啲違例泊車
快啲走
大家都係想河蟹啫 ...
sheep 發表於 2011-4-12 22:36
哈哈，咁又係.... !
作者: Lik 時間: 2011-4-12 23:03
依你嘅偉論，既然亞伯响不准擺賣既地方兼無牌販賣都咁理直氣壯，即係响禁煙區可以食煙、咸濕書可以賣俾十二歲學生哥、男人可以入女廁、差人可以唔捉賊....，因為佢哋全部都有苦衷得黎又唔係十惡不赦。其實一句講哂，根本法律就係多舊魚，市民應該鍾意點就點。唔怪之得你話如果你做官就包保冇人鬧啦，因為到時香港都變成天堂咯，天堂又點會有人呢！
FiChai 發表於 2011-4-12 22:27
FiChai兄你要多狗餘咁去打橫來講，咁仲有乜野須要繼續傾落去呢？ 
-力
作者: somewhereintime 時間: 2011-4-12 23:03
所以我一直都想vote阿力做官囉！
FiChai 發表於 2011-4-12 23:01
你做軍師??
作者: Lik 時間: 2011-4-12 23:07
不如咁講啦，你試過飲醉酒渣車，又冇車死人又冇俾人拉，咁係咪代表你醉駕係啱嘅呢？咁你又會以後都醉駕呢，車神？
FiChai 發表於 2011-4-12 22:53
原來在你老兄眼中，醉酒駕駛同無牌小販擺賣嘅罪名係一樣咁嚴重嘅～
明晒～
-力
p.s. 唔好話我唔先禮後兵，FiChai兄你如果繼續係咁搬弄是非嘅話，我以後亦唔會同你客氣。
作者: mcjohnjohn 時間: 2011-4-12 23:07
所以我一直都想vote阿力做官囉！
FiChai 發表於 2011-4-13 15:01
人地唔係自願, 你vote 黎都冇用啦!
力兄要做官, 都係要做民主國家 - 加拿大既官啦! 哈哈~ 
作者: mcjohnjohn 時間: 2011-4-12 23:08
你做軍師??
somewhereintime 發表於 2011-4-13 15:03
通常推左人去死之後就會自動摺埋啦! 做軍師? no way~ 
作者: mcjohnjohn 時間: 2011-4-12 23:09
唔好話我唔先禮後兵，FiChai兄你如果繼續係咁搬弄是非嘅話，我以後亦唔會同你客氣。
Lik 發表於 2011-4-13 15:07
嘩! 我感覺到FiChai 正在驚到標緊尿.
作者: somewhereintime 時間: 2011-4-12 23:13
人地唔係自願, 你vote 黎都冇用啦!
力兄要做官, 都係要做民主國家 - 加拿大既官啦! 哈哈~ ...
mcjohnjohn 發表於 2011-4-12 23:07
做民主國家 - 加拿大既官?? are you kidding? hardly make a living, then all income taxable.The average people would not look up to you, and you have to deal with complaints everyday
作者: FiChai 時間: 2011-4-12 23:13
FiChai兄你要多狗餘咁去打橫來講，咁仲有乜野須要繼續傾落去呢？
-力 ...
Lik 發表於 2011-4-12 23:03
唔係我想打橫黎，係怕打得太直你聽唔明。唔好介意。
Seriously, 阿伯如果揸正牌响法定地方擺賣就係天經地義。但係試想吓，佢如果冇牌但又企响法定地方擺賣，或者有牌但响非法地方擺賣，又或者又冇牌又响非法地方擺賣，係咪全部都冇錯？咁點解人哋要攞牌？又點解有分法定同非法地方？咁依家你明我比喻乜啦。
作者: sheep 時間: 2011-4-12 23:13
我唔覺得人人平等係一件好事... 如果一個三十歲男子亂過馬路, 同一個八十歲阿婆亂過馬路, 我唔覺得佢地既待遇會係一樣.
mcjohnjohn 發表於 2011-4-12 22:59
雖然 話呢嗰世界有公平係呃人嘅
你能夠自圓其說就掂喇
好似你話 應該幾時恩恤 幾時冇
呢單野
你可以話 鑒於亞伯做咗卅年無牌小販
又唔能夠轉型
就姑且發個不能轉讓及繼承嘅熟食牌俾佢
到佢退休就收番
我諗
咩彩都攞哂啦
作者: Catpiano 時間: 2011-4-12 23:16
換咗係你俾阿 sir周到你開快車，你點都會同個阿 sir講兩嘴，叫佢放你一馬掛？但當個阿 sir係擺面玩針對，個個飛車友都唔捉，但就淨係一個星期捉你三次 50 zone行 60Lik 發表於 2011-4-12 21:19
Lik gor .. can't say that la.. this is exactly happening in Canada ..
Police here, always catch you at SAFETY driving .. but slightly about the speed limit!!
They don't care much about people with 30 yr old FORD.. ( chance is, you can't afford to pay the ticket ) they also not care about those Ferrari/Lambo/Porsche group doing street/highway racing all the time .. ( the chance is, they will pay their lawyer big $$ to flight the ticket, so no money to them anyway)
Just as you see more RCMP at Timmy/BP then spending time to stop criminal ...
作者: FiChai 時間: 2011-4-12 23:19
原來在你老兄眼中，醉酒駕駛同無牌小販擺賣嘅罪名係一樣咁嚴重嘅～
明晒～
-力
p.s. 唔好話我唔先禮後 ...
Lik 發表於 2011-4-12 23:07
咁點解你又比喻開快車？唔通你認為開快車會車死人，食無牌雞蛋仔都會食死人？咁你應該明白點解阿伯要俾人拉啦！
作者: FiChai 時間: 2011-4-12 23:20
你做軍師??
somewhereintime 發表於 2011-4-12 23:03
豈敢、豈敢..............
作者: Catpiano 時間: 2011-4-12 23:23
By the way, why don't we think this way ..
阿伯無牌小販擺賣 30 more yr .. 食環署 has been one eye closed, one eye opened till now ..
So, should say he is lucky gei la...
As apply to driving .. may be someone has been 開快車 for 30 yr .. (Ok, fast, but safe) until now, RCMP finally catch him speeding .. then he should think he has been lucky for 30 yr!!!
作者: mcjohnjohn 時間: 2011-4-12 23:23
做民主國家 - 加拿大既官?? are you kidding? hardly make a living, then all income taxable.The avera ...
somewhereintime 發表於 2011-4-13 15:13
總有熱心既人去做官既right?
力兄不入地獄, 誰入地獄? 其實你都可以為加拿大做d 野丫, 你可以考慮下去做官wor.
作者: FiChai 時間: 2011-4-12 23:24
唔好話我唔先禮後兵，FiChai兄你如果繼續係咁搬弄是非嘅話，我以後亦唔會同你客氣。
Lik 發表於 2011-4-12 23:07
阿力，討論係需要有火花、要到肉，但唔好動真氣。
作者: somewhereintime 時間: 2011-4-12 23:25
本帖最後由 somewhereintime 於 2011-4-12 23:29 編輯
回復 82# mcjohnjohn
Well, I'm too old for politics, however, I deal with politicians everydayas election officer
作者: mcjohnjohn 時間: 2011-4-12 23:28
雖然 話呢嗰世界有公平係呃人嘅
你能夠自圓其說就掂喇
好似你話 應該幾時恩恤 幾時冇
呢單野
你可以 ...
sheep 發表於 2011-4-13 15:13
我覺得咁樣唔係唔得~
不過要顧及其他都係做左幾十年既無牌小販既感受law. 點解人地做雞蛋仔就有人幫, 自己做夾餅就冇人理? 係唔係雞蛋仔做得好食就有人幫? 咁冇咁好食係唔係由得佢死?
由頭到尾, 我覺得應該係香港市民去幫雞蛋仔阿伯先係最好! 人地阿伯做咁多年, 都係唔想拎綜緩, 唔想政府幫之麻. 而家d 政黨, 都係借阿伯去插政府一刀之麻, 用完之後, 就會扔棄個阿伯架喇...
作者: mcjohnjohn 時間: 2011-4-12 23:30
回復 mcjohnjohn
Well, I'm too old for politics, however, I deal with politicians everydayas elect ...
somewhereintime 發表於 2011-4-13 15:25
起碼心境上你仲好青春, 仲有, 你既經驗都一定可以幫到呢個社會啦!
唔好猶疑喇, 上吧~
1000 x 支持!
作者: somewhereintime 時間: 2011-4-12 23:34
回復 86# mcjohnjohn
Dealing with you make my feel 20 years younger
作者: mcjohnjohn 時間: 2011-4-12 23:38
回復 mcjohnjohn
Dealing with you make my feel 20 years younger
somewhereintime 發表於 2011-4-13 15:34
再老d 就真係做唔老架喇, 而家都係有心有力啦, right?
不過, 貢獻社會都有好多方法, 唔一定要做官既, 我相信some 叔都一直對社會有貢獻啊! 加油~
作者: sheep 時間: 2011-4-12 23:43
我覺得咁樣唔係唔得~
不過要顧及其他都係做左幾十年既無牌小販既感受law. 點解人地做雞蛋仔就有人幫, 自己 ...
mcjohnjohn 發表於 2011-4-12 23:28
如果重有人賣夾餅嘅話
我係政府嘅話
一定資助佢開檔
兼申請埋做文化遺產添
作者: mcjohnjohn 時間: 2011-4-12 23:47
如果重有人賣夾餅嘅話
我係政府嘅話
一定資助佢開檔
兼申請埋做文化遺產添 ...
sheep 發表於 2011-4-13 15:43
跟住就煩喇. 賣魚旦, 賣糖蔥餅果d 點算?
作者: sheep 時間: 2011-4-12 23:49
回復 90# mcjohnjohn
選擇性嘛
任你講啫
最緊要係自圓其說
作者: sheep 時間: 2011-4-12 23:52
好攰
瞓喇
早抖
作者: mcjohnjohn 時間: 2011-4-13 00:47
回復 mcjohnjohn
選擇性嘛
任你講啫
最緊要係自圓其說
sheep 發表於 2011-4-13 15:49
香港人好麻煩架...
好似派錢咁, 人人派$6000, 又會話d 冇貢獻既移民左既人都有份就唔公平.
逢親有選擇性就會多多意見的.
作者: rockypath 時間: 2011-4-13 00:49
I just did a poll in the company today.
Unfortunately, not many people were aware of this news. I told them the story. Majority of them supported the government should 企硬. HK government will be 插 anyways no matter which side it takes. Therefore, it should take the side that is less harmful to itself. 企硬最多係比人鬧比人插；如果政府唔企硬手尾就長啦，有排煩。
作者: ecwkwok 時間: 2011-4-13 02:05
如果重有人賣夾餅嘅話
我係政府嘅話
一定資助佢開檔
兼申請埋做文化遺產添 ...
sheep 發表於 2011-4-12 23:43
以前灣仔波士頓餐廳後門果檔碳爐夾餅先正! 成吋厚, 仲外脆內軟添...
唔知而家邊度有呢D成吋厚o既夾餅賣呢?
作者: peter236 時間: 2011-4-13 12:12
yeah, clearly Mr Lik loses the argument here again.
作者: Catpiano 時間: 2011-4-13 14:37
Yeah .. they 比人插 anyway .. if the set a bad example this time (唔企硬) then will hv hundred of similar cases coming ..
作者: MoiRhapsody 時間: 2011-4-13 15:55
呢個並唔係雞蛋仔呀伯做得啱唔啱既問題，犯唔犯法都唔再重要。而係犯左法30年，都仲有街坊撐，網民支持，自發去幫親。就可以明白雞蛋仔呀伯呀係族群矛盾，官僚彊化，地產霸權同領滙上市種種事件打包既特破口。
事情係可以係鬧大之前解決左佢，唯獨香港人慣左聽order做野(英國佬train得好），現在當家作主，都係齋等，係等爆煲(全香港人都係咁既集性）。呢啲民生炸彈係要爆之前拆彈，並唔係爆左之後善後。
作者: mcjohnjohn 時間: 2011-4-13 22:54
而係犯左法30年，都仲有街坊撐，網民支持，自發去幫親。就可以明白雞蛋仔呀伯呀係族群矛盾，官僚彊化，地產霸權同領滙上市種種事件打包既特破口。
MoiRhapsody 發表於 2011-4-14 07:55
香港人有一鋪支持弱勢社群既癮. 尤其係當知道幫助弱勢社群而自己又唔會有所捐失既時候, 香港人就會更加落力.
作者: MoiRhapsody 時間: 2011-4-13 23:35
簡單啲講：出氣。
拆彈係要早早做。
| 歡迎光臨 溫哥華老友記討論區 (http://www.loyaukee.com/forum/) |
Powered by Discuz! 7.2 |