溫哥華老友記討論區 - Powered by Discuz! Board

標題: [香港新聞] 梁不夠票劉延東南下親箍 [打印本頁]

作者: lo_pak 時間: 2012-3-19 15:28 標題: 梁不夠票劉延東南下親箍

(星島日報報道)距離三二五行政長官選舉倒數第五天，特首候選人梁振英雖然行情不斷看漲，但他在選委會內仍未取得足夠當選票數，需要出動國務委員劉延東南下深圳，在昨天及今天召見多個本來支持唐英年的商界社團領袖，為梁振英拉票及「箍票」。政界消息指出，由於唐英年支持者的意向甚為堅定，反梁聲音亦強烈，加上投暗票，梁振英最終能否「跑出」仍存變數。左派消息又透露，梁振英向中央承諾，上台後會完成「四大政治任務」，包括廿三條立法。
　　
記者：鄧栢想
　　
本報獲得的可靠消息透露，主管香港問題的中央官員，已大舉南下深圳，為特首選舉「主持大局」。左派消息透露，近期中聯辦已透過二綫官員，向左派系統傳達訊息，要求支持梁振英。雖然獲得中聯辦的全力拉票，但梁振英仍然未能取得六百零一票的足夠當選票數，左派中甚至傳出「商界作反」的說法。
　　
下榻紫荊山莊頻晤唐派人士
　　
有民建聯中人指出，梁振英取得三百零五票提名，當中大部分已是中央可控制的「鐵票」，民建聯工聯會餘下未提名的「鐵票」，只有約一百票。即使加上中資企業協會、港區人大及未表態支持唐英年的政協委員，梁振英尚欠一百多票，需要部分本來支持唐英年的商界人士「轉軚」。
　　
由於梁振英未能取得足夠票數，中央出動國務委員劉延東親自南下為他拉票。消息指，中央高度關注香港能否順利產生下屆特首，減低社會震盪。因此，劉延東急急率團南下深圳為梁振英拉票，她分別在昨日及明日分批會見多個本來支持唐英年的商界社團領袖及大財團，游說他們「轉軚」支持梁振英。劉延東下榻的紫荊山莊由昨日起「封山」七日，直至本月二十六日才恢復對外開放。
　　
暗票難防商界團結拒梁
　　
不過，有唐營支持者表明不會「轉軚」，更指現時選情不明朗，即使承諾轉投梁，但屆時選舉投暗票，選委最終投了誰也無從查證。有來自左派的商界選委表示，商界從未如此團結，他們相信梁振英無法取得六百零一票，評估「唐梁仍是五五波」，會堅持投票支持唐英年。除了商界抗拒梁振英，左派陣營中亦有少數「反梁派」存在。無論民建聯及工聯會內部，都有少數開明派人士對梁振英在選舉中的作為感到不滿，擔心他上台後會打壓異己，加劇社會矛盾。民建聯日前有黨員向傳媒告密，不滿民建聯要「捆縛」投向梁振英，正反映這種「反梁」情緒的存在。
　　
傳梁承諾必完成23條立法
　　
來自左派消息透露，梁振英今次獲得中央接納，是因為現任特首曾蔭權，未能完成中央交託的四大政治任務，包括政制發展、廿三條立法、推展國民教育、以及整頓香港電台；梁振英則答允中央會在任內完成這四大任務。消息指出，中央希望二○一七年的特首普選，是可控制下的普選。至於二十三條立法，梁振英的立場亦明顯較唐英年強硬，兩人早前出席記者協會特首參選人論壇時，梁曾表示廿三條不是惡法，更指有關法例「不應該和不需要係惡法」，唐只說他認為廿三條立法未有逼切需要。

作者: sheep 時間: 2012-3-20 17:49

大家想唔想有流選
我就唔想
因為邊個上都有錢派

作者: mcjohnjohn 時間: 2012-3-20 18:49

越睇梁振英就越覺得惡怖... 都係選隻豬算吧...

作者: MoiRhapsody 時間: 2012-3-20 20:12

豬狼邊個上都唔會做得完一屆。

作者: rockypath 時間: 2012-3-20 21:02

越睇梁振英就越覺得惡怖... 都係選隻豬算吧...
mcjohnjohn 發表於 2012-3-20 18:49

Agree. If there is no other choice, damage control should be a more sensible option.

作者: peter236 時間: 2012-3-20 21:37

In a democratic election, you just elect from what's available.

作者: mcjohnjohn 時間: 2012-3-21 01:26

豬狼邊個上都唔會做得完一屆。
MoiRhapsody 發表於 2012-3-21 12:12

輸賭一餐飯~

作者: mcjohnjohn 時間: 2012-3-21 01:27

In a democratic election, you just elect from what's available.
peter236 發表於 2012-3-21 13:37

而家咁都叫做民主選舉? 你引我笑咩...

作者: MoiRhapsody 時間: 2012-3-21 02:00

輸賭一餐飯~
mcjohnjohn 發表於 2012-3-21 01:26

殺你!

作者: imvitasoy 時間: 2012-3-21 02:51

七一登基，同日搞個五十萬人大遊行趕佢落台，效果應該會唔錯，在下一定返來感受一下氣氛。

作者: lo_pak 時間: 2012-3-21 04:40

本帖最後由 lo_pak 於 2012-3-21 05:06 編輯

回復 3# mcjohnjohn

根本隻狼就勁狡猾，再加上做事心拫手辣，為求目的不擇手段(D陰招都幾濺)，你睇隻豬死得幾慘就知，簡直"狼過華秀隻狗…
民意響今次選舉只係一種工具，以隻狼既本性，過左海就係神仙。有奶就是娘，利字行頭。
辨事能力出眾但係狡猾既人係好使好用，但千祈唔好俾佢上位。一日佢上唔到位佢都仲會盡心盡力辨事，上左位之後，大家真係等現眼報…(大家仲記唔記得碧血劍入面皇太極點用人)。中央一定會好好利用佢呢一個特點…
請瘟神易，送瘟神難…立法會根本就無能力制衡特首…(唔記得，唔清楚，唔明白 ver2.0)
佢上左位之後只會係中央打壓香港民主既打手，廿三條，應該走唔甩…

作者: lo_pak 時間: 2012-3-21 05:24

本帖最後由 lo_pak 於 2012-3-21 05:51 編輯

回復 2# sheep

流選其實對香港市民最有利，無錯，最尾都可能係隻狼上，但係，中央要做多左功夫，第二時隻狼想討好中央，出賣港人，都多左一重顧慮。同埋，要俾中央知道君臨天下響香港未必一定Work。拉近左中央同隻狼既距離大家就等一齊扒街。

當然佢係我地一人一票選出黎就另計，話曬佢要同我地負責。陰險小人唔係唔可以用，但係一定要有技巧，如果唔係既話大家死左都唔知發生咩事。

作者: lo_pak 時間: 2012-3-21 06:04

陳方安生話隻狼係變色龍，唐唐就話隻狼響選舉之後整個人都變左，而隻狼近排又成日前言不對後語(通常，呢種情況出現響講大話之後)。大家，點睇?

作者: imvitasoy 時間: 2012-3-21 08:22

在下一直覺得，香港的三權分立，同大陸的極權思想，完全南轅北轍。所以97 後嘅每一個香港人，都需要對"公民抗命" 增強認識，在最後一刻就要勇敢發揮公民力量。呢方面，香港既媒體，有好大責任。

作者: lo_pak 時間: 2012-3-21 08:47

本帖最後由 lo_pak 於 2012-3-21 08:48 編輯

回復 14# imvitasoy

十八世紀，愛爾蘭政治家博克（ Edmund Burke）有一句話，流傳到今日的大西洋兩岸：「邪惡得勝，原因可以很簡單，就是好人都袖手旁觀。」（ All that is necessary for evil to triumph is for good man to do nothing.）

陶傑
邪惡得勝
2012年03月12日

作者: imvitasoy 時間: 2012-3-21 08:50

本帖最後由 imvitasoy 於 2012-3-21 08:56 編輯

回復 13# lo_pak

梁振英說話太會避重就輕，太會兜兜轉轉，肯定不是一個正直的人。唐本身也不是善類，一樣是閃閃縮縮，分別只是一個大奸，一個蠢奸。

無論梁唐邊個當選，先不說會對香港民生經濟將來有甚麼影響，首先頭痕是香港的家長同老師，都唔知可以點教佢哋分辨對錯，細路在電視上睇住咁嘅人可以做領袖喎，小朋友價值觀大混亂 (或者是比壞朋友搞亂)，最適合學行古惑。

作者: lo_pak 時間: 2012-3-21 08:52

本帖最後由 lo_pak 於 2012-3-21 08:54 編輯

回復 16# imvitasoy

, 天真驕: "我好天真, 我好傻...

作者: imvitasoy 時間: 2012-3-21 09:06

回復 17# lo_pak

悲傷地說，除非是漠不關心，否則鴻毛與泰山之間，顯然是要有所分曉取捨嘅...

作者: satil 時間: 2012-3-21 09:28

梁振英根本就是亞公在港安排掊植的土共,
記得, 84年有幸與籌辦中的"一個兩制研究中心"有接觸 (為他們安排電腦及教授他們操作), 梁是其中主幹.
印象中, 梁是沉實, 認真, 好學, 有禮.
但那班人對我說過 "回歸後, 香港就是由我們吒fit"
當時已知亞公是有計劃的, 當然後期, 變化太多, 那班人(很多二線富豪), 亦因而無位上, 苦苦多等了十多年.
可以想像出, 他們屈到怨氣很重.

作者: rainbow-davie 時間: 2012-3-21 10:35

越睇梁振英就越覺得惡怖... 都係選隻豬算吧...
mcjohnjohn 發表於 2012-3-20 18:49

選狼, 係狼揸旗, 隻狼會同班大鱷鬥.
選豬, 係班大鱷話事, 市民任其魚肉.
流選, 無王管下大鱷話事, 市民任其魚肉.

作者: lo_pak 時間: 2012-3-21 11:03

本帖最後由 lo_pak 於 2012-3-21 11:07 編輯

回復 20# rainbow-davie

太天真, 一箱情願, 非常危險...

我重申: "流選其實對香港市民最有利，無錯，最尾都可能係隻狼上，但係，中央要做多左功夫，第二時隻狼想討好中央，出賣港人，都多左一重顧慮。同埋，要俾中央知道君臨天下響香港未必一定Work。拉近左中央同隻狼既距離大家就等一齊扒街。

當然佢係我地一人一票選出黎就另計，話曬佢要同我地負責。陰險小人唔係唔可以用，但係一定要有技巧，如果唔係既話大家死左都唔知發生咩事。"

作者: imvitasoy 時間: 2012-3-21 14:59

選狼, 係狼揸旗, 隻狼會同班大鱷鬥.
選豬, 係班大鱷話事, 市民任其魚肉.
流選, 無王管下大鱷話事, ...
rainbow-davie 發表於 2012-3-21 10:35

無論狼豬當選，鬥的都不會是大鱷小鱷，而是港英餘孽影響下的民意力量。狼豬的分別只在於手法軟硬不同，進程緩急而已，但是鬥的對像，基本上都是一樣。大鱷小鱷是完全可以商量的 (比你都會)，李超人何博士一眾也會樂於左右逢迎(也是比你都會)。柴狼惡鬥地產霸權，恐怕只是草根們美麗的誤會，更大的可能只是重新執位，霸主更換，但地產仍然會是霸權。

作者: mcjohnjohn 時間: 2012-3-21 17:46

無論狼豬當選，鬥的都不會是大鱷小鱷，而是港英餘孽影響下的民意力量。狼豬的分別只在於手法軟硬不 ...
imvitasoy 發表於 2012-3-22 06:59

講得好!

作者: MoiRhapsody 時間: 2012-3-21 17:50

一個盲點：係咪為左買樓，就連言論自由三權分立呢啲香港一直以來既根基野都可以唔要？？？

作者: mcjohnjohn 時間: 2012-3-21 18:07

一個盲點：係咪為左買樓，就連言論自由三權分立呢啲香港一直以來既根基野都可以唔要？？？ ...
MoiRhapsody 發表於 2012-3-22 09:50

對於一直以來都有既野, 人就會覺得係理所當然, 亦較難洞悉冇左呢D野既後果.

作者: lo_pak 時間: 2012-3-21 20:06

回復 25# mcjohnjohn

似曾相識

"誰會珍惜，當你還擁有
關注共愛，不可強求
不強求，不強求，永遠等候…

作者: imvitasoy 時間: 2012-3-21 22:37

一個盲點：係咪為左買樓，就連言論自由三權分立呢啲香港一直以來既根基野都可以唔要？？？

真實中，唔少老人家，為左食一餐蛇宴齋宴，為左囉一包西餅白米，甘願上大巴去投票比民建聯；即使是年輕三四十歲的草根，佢哋嘅眼界，真系只知搵食叫雞沖涼dup 骨。同佢哋講三權分立零八憲章，佢哋會擺起個叔父/長輩款，話食鹽多過你食米，然後笑你不切實際。佢哋擔心比大陸海關充公回鄉卡去唔到東莞叫雞，多過擔心無左言論自由。

作者: lo_pak 時間: 2012-3-21 22:58

回復 27# imvitasoy

有人辭官歸故里，有人漏夜趕科場。
學葉德閑咁講:"香港都已經唔係人住既地方…

歡迎光臨溫哥華老友記討論區 (http://www.loyaukee.com/forum/)