溫哥華老友記討論區 - Powered by Discuz! Board

標題: 如果有人讚你英文講得好.... [打印本頁]

作者: ayako 時間: 2012-6-16 15:57 標題: 如果有人讚你英文講得好....

被當地人讚你英文講得好, 不是一件值得高興的事, 因為如果你英文真的很好, 是不會有人刻意地去讚你的. 試想想, 如果你跟新相識的友人聊天, 明知對方是香港人, 你會否煞有介事的讚對方廣東話好? 只有對老外, 又或是知道對方母語不是廣東話, 你才會這樣讚他吧. 同樣道理, 如果被人讚英文講得好, 即是對方已識穿你不是本地人, 說得不夠地道了, 那麼其實你的英文好極有限吧.

作者: jiujiujiu 時間: 2012-6-16 16:15

哈哈哈哈哈~ 又可能係wor~

但通常同我講我英文講得好個D, 都係波蘭佬囉(我做間間公司都好多波蘭人!) 可能佢地D英文實在太broken 啦~

作者: Nokia 時間: 2012-6-16 21:22

又唔需要咁介懷嘅.

佢地咁講, 可能係因為知你嚟左唔係好耐, 同埋呢度實在有太多嚟左好幾年D 英文仲係非常有限公司嘅新移民啦.

作者: 華Dee 時間: 2012-6-16 21:24

如果唔係响呢度長大，一定好大機會有口音架啦；地道英國人、美國人同澳洲人口音俚語咪一樣有d唔同。唔講加國口音唔代表英文唔好，人哋知道自己唔係地道人，當然期望無咁大，但當你做到(講/寫)比對方預期嘅好，對方稱讚你，都係一件開心事吖。何須諗到要同地道人去比，特意將自己比下去呢？

作者: ayako 時間: 2012-6-16 22:51

謝謝你們的回應~ 你地講得很好, 聽完之後我好過了很多....

我只是直覺本能地感到那讚美雖由衷但有點突兀,
當然你們的意見說得很好, 讚美可以是上對下, 也可以是下對上,
亦因這兒有太多人來了很久英文仍說得不好, 更認同不同國籍有不同口音,

我聽說TVB 有位女主播, 外表不像香港人, 但能說純正廣東話,
當然亦引起一陣迴響, 人們也會覺得她廣東話說得很好呀,
這是因為她的外表和語言能力有個落差,
又或者可以說一般人會將她的外表標籤為說外語的,
而聽到她一口流利的廣東話, 自然心裡都會有點錯愕.

情況可能就是這樣, 未必一定是明讚暗貶的,
就算是貶, 都是貶那些沒我們說得好的人吧....
那個讚, 其實還是應該欣然接受....

作者: 嘉嘉 時間: 2012-6-16 22:57

謝謝你們的回應~ 你地講得很好, 聽完之後我好過了很多....

我只是直覺本能地感到那讚美雖由衷但有點突兀, ...
ayako 發表於 2012-6-16 22:51

咁樣只係因為唔係個個都知利君雅係香港土生o者~

同埋的確有好多香港人講野都有懶音，咬字正既唔係個個都可以囉

作者: ayako 時間: 2012-6-16 23:09

對呀, 即使她是土生土長, 基本上同香港人無分別, 但她的外表就給人錯覺, 那份落差是會令人特別留心, 我想說的是, 引發別人去讚另一個人語言能力好, 可能只因這種stereotype, 未必完全關那人說得怎麼樣事的...

作者: 嘉嘉 時間: 2012-6-16 23:11

本帖最後由嘉嘉於 2012-6-16 23:12 編輯

well~ 只可以講，向好既方面諗嘛~

作者: mollinbaggio 時間: 2012-6-16 23:43

我有一個識左超過十年既朋友,透過朋友的手機而不是他的手機說我的英文只去到ESL程度,我覺得他好可憎,知你英文好啦做Human Resource la.你尼d咁既香蕉收皮啦,你十一歲就過黎我十九歲先過黎.我好多西人朋友,同公司同事講英文毫無問題.你要羞辱我就用自己部電話.我唔覺得英文好是甚麼值得驕傲的一回事!

作者: ayako 時間: 2012-6-16 23:58

本帖最後由 ayako 於 2012-6-17 00:00 編輯

我唔覺得英文好是甚麼值得驕傲的一回事!
mollinbaggio 發表於 2012-6-16 23:43

呢句我完全同意....

所以只要溝通到, 無論是讚或彈, 其實都不需要刻意說出來,
既然都傾到計無問題的話, 大家的能力心照啦...

不過你個friend 又衰d... 識左十年都咁對你... 真係有d 過份...
放心, 我同你case 差不多, 我都係18歲先過美國讀左幾年大學,
畢左業就返左香港, 係上個月先再出國, 時間上你一定耐過我...

P.S. 大學期間, 我都試過被一印度籍女同學笑我英文差.... =.="

作者: fibbi 時間: 2012-6-17 00:11

如果被人讚英文好我不知幾開心！咁我又唔係土生土長點會無口音喎。語言最緊要係溝通得到，唔係太離譜就算啦。

作者: ayako 時間: 2012-6-17 00:23

咁我一聽到果下都會開心, 只係下一秒會覺得有d 唔對路...
(可能係我諗多左既, 可能我鍾意用其他唔同角度去睇一件事啦,
但我好同意語言係用來溝通, 我個point 係唔駛刻意去讚啦...
從對話之間都感受到對方對自己語言能力的評價, 點解一定要講出來呢...
遇上我咪有反效果囉~ 哈哈~~~~)

作者: mollinbaggio 時間: 2012-6-17 00:26

回復 10# ayako
我已經同佢絕左交.我唔會為尼d野認威.

作者: ayako 時間: 2012-6-17 00:27

回復 ayako
我已經同佢絕左交.我唔會為尼d野認威.
mollinbaggio 發表於 2012-6-17 00:26

支持!

作者: fibbi 時間: 2012-6-17 00:47

本帖最後由 fibbi 於 2012-6-17 00:49 編輯

回復 12# ayako

其實，你會唔會諗多咗？可能我阿Q啲，我會直覺對方真心讚緊我。
又或者，可能對方遇到太多chinese講嘅英文都麻麻地（包括我自己在內），所以聽到你比佢哋講得好就讚吓你。

掉轉嚟諗，我讚你中文好你會唔會有同樣諗法？

作者: imvitasoy 時間: 2012-6-17 01:22

哈哈在下已經放棄英文。
無他，作為香港人，母語是中文，我知道自己的英文水平永遠不會超越英國人。
等於如果有人同我講，有某某鬼佬的香港話會比我好，打死我都唔會信。

作者: ayako 時間: 2012-6-17 08:23

fibbi: 其實之前回應我都有認我係想得太多的人, 本來仲有一句係話, 因為我做創作的, 職業病係要諗好多野, 同埋已被訓練到一件事要找不同切入面去睇, etc... 咁之後果幾句我delete 返啦, 所以我係既... 同埋我第一個post 都話過, "明知對方係香港人, 煞有介事讚對方中文好" 都係怪怪的... 不過, 如果你話我中文好, 係指文法語彙, 遣詞造句, 咬字讀音等等的話, 我又會接受, 因為呢樣野, 就算母語係中文都未必個個做到, 尤其你知香港人講野幾多懶音... 但你所說的對方遇到好多chinese 講英文都唔好, 呢個又好可能係真~

imvitasoy: 又唔好講到放棄咁嚴重.... 總之都係果句, 溝通到咪得囉... 好唔好一聽就知啦... 哈~ 我覺得河國榮d 廣東話幾好架~ 話時話, 佢住o係香港既時間仲多過我~~ 哇哈哈~~~~

作者: ricrick 時間: 2012-6-17 10:59

讚得你就知你母語不是英文，要經過學習的，讚你有什麼問題

作者: 嘉嘉 時間: 2012-6-17 11:02

唔關母唔母語事既

我都有幾個朋友幾歲時跟屋企移民過黎
雖然當時仲細, 但中文始終係佢地母語, 不過英文亦都講得好local, 超流利, slang同笑話樣樣得
所以最主要都係要接觸得多同肯嘗試新野囉~

作者: 嘉嘉 時間: 2012-6-17 11:03

諗返起

我都有讚過佢地中文好, 哈哈

作者: ricrick 時間: 2012-6-17 11:10

唔關母唔母語事既

我都有幾個朋友幾歲時跟屋企移民過黎
雖然當時仲細, 但中文始終係佢地母語, 不過英文亦 ...
嘉嘉發表於 2012-6-17 11:02

不需後天辛苦學習的，是成長環境令他們學懂，我都認為是他的母語，他們是雙母語

作者: ayako 時間: 2012-6-17 11:27

讚得你就知你母語不是英文，要經過學習的，讚你有什麼問題
ricrick 發表於 2012-6-17 10:59

你又講得o岩wor...
等同讚你其他能力一樣, 例如讚你網球打得好, 鋼琴彈得好, 因為都係放過effort 去學的事...
我skip 左呢個point, 之前無諗過添... 謝謝你~

作者: spoonek4 時間: 2012-6-17 15:08

ayako: 今次唔讚你英文好....

想多謝你為LYK 帶黎咁多正面既，值得思考既討論，你黎左之後呢度好似和諧左。

作者: jiujiujiu 時間: 2012-6-17 16:12

回復 21# ricrick

x2

作者: ayako 時間: 2012-6-17 17:31

想多謝你為LYK 帶黎咁多正面既，值得思考既討論，你黎左之後呢度好似和諧左 ...
spoonek4 發表於 2012-6-17 15:08

唔好咁講~ 我都真係只係一個經常諗得太多既人o者,
成日都有好多野想發表, 好多野想同大家分享, 但自從幾年前,
yahoo blog 大改革之後, 就再搵唔到一個好既平台post 野...

有樣野諗左好耐, 唔知應唔應該講, 但最終都係覺得講出來, 想聽下大家意見.
就係同一段野, 我post 過上fb, 但係果邊的回應, 主要都係叫我做人簡單d,
有人讚就唔好諗咁多, 接受左佢算, 佢地覺得係我諗得太複雜,
唔知點解我睇到就火滾, 有d 覺得佢地對人唔對事 (咁當然亦有d 正常的回應...)
反而呢度, 大家講的意見有建設性得多,
大家係針對件事去分析, 討論, 而我從中都得到啟發.

唔知係咪因為fb 那邊既朋友識得我耐d, 就覺得我係一個複雜既人,
但我覺得我唔係囉, 我好簡單, 我好易被理解的,
只係我承認, 有時我會諗得多左, 而有時我亦會有d 偏激,
但我睇到呢邊的回應, 每一個都有point 的, 真的言之有物,
唔會是但叫我唔好諗咁多就算, 而呢一點我好欣賞亦好感動,
令到我覺得我更喜歡呢個forum...

哈~ 我無啦啦又打左咁大段, 唔係鑽牛角尖, 只係想藉此反思一下,
點解同一段文字, 放入兩個不同的圈子, 會產生咁唔同既反應,
到底係咩引發呢份落差..... 再係咁, 我係怕好多野都唔想再o係fb 果邊講...

作者: spoonek4 時間: 2012-6-17 22:57

或者呢D 真係同熟人同冇咁熟既朋友既分別....

作者: ayako 時間: 2012-6-17 23:22

本帖最後由 ayako 於 2012-6-17 23:23 編輯

或者呢D 真係同熟人同冇咁熟既朋友既分別....
spoonek4 發表於 2012-6-17 22:57

難道要無咁熟先可以持平一點?
我以為熟左先會無偏見 ...
即係: 你唔了解我, 你唔明係正常...
但反而, 呢度既回應比我感覺好似你地更加了解我咁既...?
唔通係我錯覺?

作者: yuusaku 時間: 2012-6-18 10:28

調翻轉諗，我哋應唔應該同D本地出生嘅華人講，您D中文好正喎，唔似土生土長

作者: ayako 時間: 2012-6-18 11:04

exactly, 呢個都係其中一個point, 我覺得好似讚得佢又會有少少似係潤緊佢咁....

作者: 嘉嘉 時間: 2012-6-18 11:13

本帖最後由嘉嘉於 2012-6-18 11:14 編輯

我又唔覺喎
之前都講咗，我有時都會讚我依度大既朋友中文好架喎，其中一個仲係o係依邊出世添
跟住佢地都會同我講返「係呀~~因為我以前成日做o的咩做o的咩，所以中文都ok」
佢地真係好到同我講中文係無分別~ 最多我都可能係識多幾句成語 lol
你知好多依度大既，講中文講到一舊舊，次序錯哂，量詞黎黎去去就係又「一個」，唔係又「一個」(我聽過我細佬講「一個年」，「一個日」..........)

作者: ayako 時間: 2012-6-18 11:20

或者讚得自然都可以既, 不過好有可能亦係某人某一刻的感覺問題, 真係只係咁o岩聽到覺得咁... 可能句野本身無野既.......

作者: samsung 時間: 2012-6-19 14:58

即係話他之前預計你英文很差有喜出望外的感嘆。。。

作者: ayako 時間: 2012-6-19 15:39

即係話他之前預計你英文很差有喜出望外的感嘆。。。
samsung 發表於 2012-6-19 14:58

他之前預計你英文很差 <-- 只係呢個原因都值得有D 唔開心.... 即係... 哦... 原來你係咁睇我既...

咁當然, 你係唔會知對方點諗架啦... 不過來到今天, 呢個point 都唔重要了...

作者: mreid 時間: 2012-6-19 17:12

我有一個識左超過十年既朋友,透過朋友的手機而不是他的手機說我的英文只去到ESL程度,我覺得他好可憎,知你英 ...
mollinbaggio 發表於 2012-6-16 23:43

Actually English is pretty important, especially if you are living in Canada.

Being good in any language is something to be proud of. Instead of admitting defeat, why don't you try to improve and show her you are better than that?

歡迎光臨溫哥華老友記討論區 (http://www.loyaukee.com/forum/)