倪匡：香港一定死㗎

名作家倪匡一生反共，他近日接受《蘋果日報》訪問，重申香港定必被中國吞噬，香港要得救，惟有共產黨下台：

「香港一定死㗎，我睇唔到有咩辦法可以唔死喎！」

「我30年前已經講㗎啦！」、「共產黨靠得住，豬乸都會上樹呀！」

「人嘅天性會戰勝共產黨，因為共產黨係違反人性，違反人性嘅嘢，不能久存，從長遠同歷史嘅眼光，所有強權統治最終都會覆滅，無論佢當時幾咁強大，最終都係趨於死亡。」

「滿清咁腐敗，孫中山都用咗十幾二十年先成功，但蘇聯共產黨垮得幾快！你唔知㗎，佢哋（人民）嘅反共情緒『好犀利』，一、二、三就推翻架警車啦，我判斷中共政權，已經應該維持唔到，垮台嘅因素已經成熟，只係等出個好出色嘅領袖，同埋老百姓大規模反抗。」

「你哋後生就麻煩啲，我返原始嘅地方啦，好多嘢大家放長雙眼，你哋睇得到，我睇唔到㗎喇，我睇到下年巴西足球都好開心，總之共產黨垮台，香港就得救，香港跟隨大陸走，以前咪有句名言，『中國好，香港好』，就係咁解，哈哈哈哈！」