溫哥華老友記討論區 - Powered by Discuz! Board

標題: 宗教，道德，與人生觀－大C姐心靈分享 [打印本頁]

作者: 大C姐 時間: 2012-11-22 12:11 標題: 宗教，道德，與人生觀－大C姐心靈分享

大C姐呢個人物／形象大家或多或少都有認識，大概對我已經有一個鮮明嘅印象。先開中名義我係一個無神論者，我對宗教從細到大都冇咩大分別，但係亦曾經動搖過。

對我嚟講，宗教係絕對有價值，尤其係以前社會唔係太文明嘅時候，宗教係一個道德標準，一個法律以外嘅建制去guide里民做一啲社會覺得合理同可以接受嘅事。例如教人唔好淫人妻，偷扼拐騙，妒忌同陷害人等等。唔同宗教會勸告里民做＂壞事＂會有不同嘅負面結果同下場。

第二個宗教嘅價值，which is我想探討嘅係為里民釋懷同provide＂答案＂。我從小讀宗教學校日日念經但係從來冇一刻真心相信有＂神＂同埋神嘅力量。對我嚟講，聖經嘅故仔等如伊索寓言，等如希臘神話。只不過係一啲大道理用故事去包裝，例如＂人心不足蛇吞象＂我諗唔會有人走去搵條蛇嘅化石再封佢為聖物再走去拜佢。

之所以話我曾經動搖過，係因爲當人生出現難關，尤其係生離死別，當人最desperate嘅時候就會咩滿天神佛，甚至異端邪說都會信，都會試。點解？因爲人係脆弱嘅，人係恐懼死亡，唔想相信人一死就灰飛煙滅，所以咪寧願相信有永生有輪迴囉。好驚失去親人，同摯愛陰陽相隔，咪想相信可以天堂見，可以下一世再續前緣囉。宗教最令人著迷嘅地方係可以令人釋懷，對我嚟講係古代心理學。

除此之外，宗教亦俾人好多＂力量＂，俾里民覺得你做某啲儀式就可以改變到現實。即係依家啲self-help book叫人每日對住塊鏡講十次＂你得嘅，你係成功嘅！＂咁做人就會成功啲一樣。你只要祈禱拜神就會得到庇佑，得到你想要嘅結果，你話幾吸引？當有人話你向主祈禱，神就會保佑你阿婆個手術成功大步攬過，我諗喺你最無助覺得自己咩都做唔到嘅時候，你都會覺得一試無妨。最起碼嗰一刻令你有所寄託。

宗教最最最犀利嘅係provide答案。當你阿婆最後冇事，當然有人會話係上帝顯靈，係神跡。但係就算阿婆真係出事，都可以有解釋話上帝召咗佢上天堂享福，唔洗再喺人間受苦。總之咩結果都講得通，都有解釋。你今日中獎係多得神庇佑，今日撞車係神俾你嘅＂考驗＂...相信大家聽唔少！人最困擾，除咗生老病死，就係randomness，好想相信everything happens for a reason。想覺得任何事都有答案，都有一個終極目的，咁就可以rationalize所有不幸事，不公平嘅事。

講到呢度，我依然係覺得宗教只要係道人向善，俾到信衆心靈上富足其實係功德無量。姑勿論呢個世界有冇神，嗰啲故事係咪真，我自己都唔知，我只係選擇唔相信啫。

例如輪迴，依家人口係幾百年前嘅十倍，邊得嚟咁多靈魂呢？又例如我總覺得耶穌係２０００年前嘅劉德華，有一班die hard fans跟隨住佢，神化佢嘅一舉一動。可能幾千年後有劉華教，會有人傳道講佢啲事跡，＂劉華本來得一隻手，同隻大鵰練武，之後生返隻手出嚟仲可以流住鼻血渣電單車呀！聽講佢唔會老㗎，又有秘史話佢其實結咗婚生咗個女，不過為咗啲信徒所以隱瞞..."

[youtube]WQqXjcd4ajU[/youtube]

- 大C姐

作者: 布小熊 時間: 2012-11-22 13:10

not a valid choice for me on the list.
我有信仰，but I am just starting to learn about it and I am not 虔誠教徒 at all.

作者: Nam 時間: 2012-11-22 13:16

I believe in karma and good deeds but I ... don't believe in a particular religion...

作者: Quest 時間: 2012-11-22 13:24

本帖最後由 Quest 於 2012-11-22 13:27 編輯

I don't fall into any kind of large, organisational type of religion.

2 things I do believe in (abide by) are as follows:

(1) I'm not afraid of death;

(2) I believe in reincarnation.

I abide by my own rights and wrongs and believe in the sake of humankind good and do deeds.

Q.

作者: reyes 時間: 2012-11-22 14:02

我冇信仰, 但我信有"物體"主宰
我老豆有信仰, 所以過時過節個時都去廟拜.

作者: 大C姐 時間: 2012-11-22 14:47

I believe in karma and good deeds but I ... don't believe in a particular religion...
Nam 發表於 2012-11-22 13:16

某程度上我係唔信Karma，我覺得都係自欺欺人。大把人嚴人寬己，持強凌虐，但係大富大貴安享晚年。又有大把人一生為人服務，奔波一世好事做盡但係死於非命，不得善終。

我覺得存好心做好事都係對得自己對得人，希望其他人見到有樣學樣都對自己同其他人好。

作者: 大C姐 時間: 2012-11-22 14:50

I don't fall into any kind of large, organisational type of religion.

2 things I do believe in (abi ...
Quest 發表於 2012-11-22 13:24

咁你咪係category 4囉。唔係傳統宗教可以係new age，可以係冇一個完整宗教概念，可以係你有你自己心目中嘅神。

作者: 布小熊 時間: 2012-11-22 16:03

I have an interest in Buddhism but I am still searching for the right place/book to learn it.
Most Buddhas learning in China, Taiwan, Japan...etc are Mahayana. But I think I am more interested in Theravada. (I am not sure yet since I have just started reading different material available)
http://en.wikipedia.org/wiki/Theravada

作者: rainbow-davie 時間: 2012-11-22 16:54

本帖最後由 rainbow-davie 於 2012-11-22 16:57 編輯

前晚我先至再睇賭俠.

所以, 幾千年後, 會有:
劉華, 字德華, 小名刀仔, 法號慧果, 生於香港, 與愛侶麗倩(字玉蓮, 外號小龍女)居於終南山古墓, 育有一女. 劉華為人重情義, 愛侶曾誤墮山崖, 劉華潔身自愛, 以大鵰為伴, 瀑布下練武, 同時亦苦練書法, 十八年後始與愛侶重逢. 劉華武功蓋世, 與郭靖, 楚留香, 韋小寶, 及香城浪子為友, 時稱五虎將. 為人俠義, 為神聖俠中之俠者. 亦為四大天王之一, 熱心公益, 於神州大地傳播福音(樂), 救助無數少女心靈. 在上海時, 與許文強聯手, 為一方之霸. 及後化名狄仁傑, 效力武后, 平定亂黨. 之後中原大亂, 遠走西域. 老年出家為僧, 度人無數, 壽終時曾傳出天有異彩, 劉華獨騎白馬, 於五台山飛升.

作者: 大C姐 時間: 2012-11-22 17:11

前晚我先至再睇賭俠.

所以, 幾千年後, 會有:
劉華, 字德華, 小名刀仔, 法號慧果, 生於香港, 與愛侶麗倩( ...
rainbow-davie 發表於 2012-11-22 16:54

EXACTLY我覺得就係咁啦。根本耶穌就係一個偶像明星，啲人越講越神化，當然有真亦有假，可能當年耶穌係一個表演者都唔定，自設不同角色，講無數＂舊約＂故仔。同金庸一樣，講講吓就有人信東邪西毒北丐係真有其人。亦好似依家都有人拜孫悟空，神打又無啦啦可以請孫悟空上身，咁係咪可以請埋多拉A夢同Q太郎呢？

我真心覺得劉德華可以做神囉，好似關二哥咁第日啲新紮師兄可能會拜劉華。

作者: satil 時間: 2012-11-22 17:11

應用這個詞 '無神論' 有問題，因現世現時，只有　’有神論’．

當你看不到，觸不到，臭不到，聽不到，沒有證據的情況下，你’相信’一個東西的存在，這是一個　’理論’．

正如’萬有引力’剛提出時是一個論，經多年驗證變成不是論，是客觀事實．現時只有提出無引力就是’無引力論’

當未能證明有神，需要用相信去提出有神的存在，’有神’才是理論，’無神’是客觀事實．　

my 2cents

作者: 大C姐 時間: 2012-11-22 17:19

應用這個詞 '無神論' 有問題，因現世現時，只有　’有神論’．

當你看不到，觸不到，臭不到，聽不到，沒有 ...
satil 發表於 2012-11-22 17:11

但係有神係主流，美國到今時今日宣報新總統都仲係講＂God bless America＂。無論你信亦或唔信，依家好多大嘅戰爭都係同宗教有關，宗教嘅影響力係不容置疑。儘管你話＂看不到，觸不到，臭不到，聽不到，沒有證據＂，宗教喺好多層面上都物質化。

作者: satil 時間: 2012-11-22 17:22

只現時宗教只係一群人用來控制一大群人的方法及手段．
他們自己都對自己的宗教都一知半解．

作者: 布小熊 時間: 2012-11-22 17:27

本帖最後由布小熊於 2012-11-22 17:28 編輯

只現時宗教只係一群人用來控制一大群人的方法及手段．
他們自己都對自己的宗教都一知半解． ...
satil 發表於 2012-11-22 05:22 PM

that I have to agree.
btw I have a different understanding of Karma. It's not about what fruit you "collect", it's just about planting good seeds. (looking for "reward" isn't really the right attitude)
I was so pissed when some girl who randomly "attacked me" while I was walking home one day. She asked what does Buddhas give you and your family? I was like... what, I just study it and follow the good deed. And she was laughing at this.. she said you believe in something that doesn't give you some benefit?! OKYEEE.. so that's what "her religion" tells her to do. Come and you get something very good for free. @_@ (e.g. a past to the "other better world")

作者: rainbow-davie 時間: 2012-11-22 17:27

仲有..幾千年後既希臘神話會有天馬流星拳, 同係會用日文同希臘文雜交後既文字黎寫, D 神既雕像唔會再淨係雄糾糾咁露大鵰, 而係會夾雜著D 粉樣美少年

作者: 大C姐 時間: 2012-11-22 17:31

只現時宗教只係一群人用來控制一大群人的方法及手段．
他們自己都對自己的宗教都一知半解． ...
satil 發表於 2012-11-22 17:22

我覺得宗教都係口買口倍，都係普通人去演繹＂神嘅意指＂。所以講到尾，信衆只係選擇啱聽嘅嘢嚟信，一知半解係理所當然。對好多人嚟講，信仰只不過係一個club大家志同道合互相依賴，當得到想要嘅心靈上嘅支持，其實宗教都不過係一個theme一個打開話題嘅藉口。

作者: satil 時間: 2012-11-22 17:52

回復 14# 布小熊

因果　是一個好的概念，能令人有一個責任價值．

做起事來，會諗多一重，顧多一點．

但我唔覺這是一個以一個或多個神為基礎宗教．

作者: mcjohnjohn 時間: 2012-11-22 18:13

我是教徒, 但不是很虔誠, 我沒有得選...

作者: 大C姐 時間: 2012-11-22 18:17

我是教徒, 但不是很虔誠, 我沒有得選...
mcjohnjohn 發表於 2012-11-22 18:13

你算虔誠㗎啦，有返church又剩，唔好怕醜啦，信主咪大方認囉。

作者: jiujiujiu 時間: 2012-11-22 18:22

講開宗教, 話時話, 有無發覺突然好多人自己話自己係信徒! 尤其係一D剛剛預到重大挫折個陣, 搵唔到自己究竟想要咩, 就會覺得信教會幫到佢! 跟住, 呢班人絕大部分就會變左嗰D"以為自己好虔誠"嘅"宗教狂熱份子"! 仲要係好hard sell 嗰種~ 我好記得我有個朋友(應該係話以前係朋友, 依家就真係"君子之交"囉), 有次我地一班人食飯, 佢就開始"sell"嘢喇! 佢叫我地其他人跟佢一齊跟佢去教會~ 因為神只會救贖教徒, 唔會救贖非教徒, 佢唔想第時得佢一個响天堂, 我地其他人就落晒地獄啵, 所以, 就想我地同佢一樣, 一齊去教會..... 我當堂O晒嘴啦! 你估黑社會咩~ 但嗰晚我真係抵唔住頸寸鬼佢, 我話, 天堂我唔去喇, 嗰度得cream cheese 食架咋! 我有lactose intolerance 架嘛~ 我咪要死完再死, 不斷咁死! 我知, 會有什麼得永生吖嘛, 咁仲大鑊, 我咪永永遠遠係咁suffer! 但我落到地獄, 大把friend 陪我不特止, 仲有永生不滅嘅地獄之火, 嘩~ BBQ啱晒啦! 港式BBQ又得, 鬼佬BBQ又得~ 幾好呀~ 跟住全枱人(除咗佢)就笑到趴响度, 仲話約埋18樓見! 但.. 佢就開始面黑黑, 但夾硬堆個笑容出嚟囉! 跟住次次出嚟都講D差唔多嘅嘢, 我地真係怕鬼咗佢, 無幾耐我地就慢慢咁疏遠佢喇~ 依家就真係唔多會搵佢添啦!
即係咁, 我唔係反對人信奉任何宗教, 好多時, 個宗教本身係無辜嘅, 只係佢D信徒點樣演繹佢信奉嗰個宗教啫!

作者: Quest 時間: 2012-11-22 18:25

本帖最後由 Quest 於 2012-11-22 18:29 編輯

I do believe in cause and consequence BTW.

@jiujiujiu: those religious nutcases are quite typical of certain major organisational religion (I have friends like the ones you described, and they cursed me for not joining their religion when they realised that I cannot be persuaded, but I laughed at them silly...and I still do all these decades).
Once again: to summarise: those major organised religions feasted on human being's fundamental fear of death. If you believe in death and the fear of it, you are "qualified" to join and further your believes in their "point of view".

In my case I'm not fear of death and anything associated with death (I only believe in fate and destiny laid down in my life, and I walk towards my death one step at a time, every day of my life)....so most of these organised religion has no bearing/meaning to me...they can't even persuade me to believe their religion to begin with.

In case you wonder: I grew up in 2 major organised religion schools when I was young, and succeeded in not to believe in either of them at the end....

*go figure*

Q.

作者: reyes 時間: 2012-11-22 18:29

講開宗教, 話時話, 有無發覺突然好多人自己話自己係信徒! 尤其係一D剛剛預到重大挫折個陣, 搵唔到自己究竟 ...
jiujiujiu 發表於 2012-11-22 18:22

仲有有D人入教係為左識女仔囉

我以前聽到有人 (朋友既朋友既朋友) 話有個中年岩岩入教會就個個星期都去教堂, 又做義工又剩. 之後識左個女性既朋友就影都唔見

宗教唔係咁信架

作者: mcjohnjohn 時間: 2012-11-22 18:31

你算虔誠㗎啦，有返church又剩，唔好怕醜啦，信主咪大方認囉。
大C姐發表於 2012-11-23 10:17

我絕對信主, 呢點唔會怕醜既. 可是我真的不算虔誠, 成日為左去玩而星期日冇去教堂的.

作者: 大C姐 時間: 2012-11-22 18:34

我絕對信主, 呢點唔會怕醜既. 可是我真的不算虔誠, 成日為左去玩而星期日冇去教堂的. ...
mcjohnjohn 發表於 2012-11-22 18:31

虔誠呢啲嘢係講心唔係講形式嘅，對我嚟講你算係虔心嘅教徒㗎啦。

作者: mcjohnjohn 時間: 2012-11-22 18:34

仲有有D人入教係為左識女仔囉
我以前聽到有人 (朋友既朋友既朋友) 話有個中年岩岩入教會 ...
reyes 發表於 2012-11-23 10:29

一樣米養百樣人, 呢個世界乜野人都有. 我都識人喜歡去教會媾女, 因為覺得D 女夠"乾淨"WOH.

作者: mcjohnjohn 時間: 2012-11-22 18:37

虔誠呢啲嘢係講心唔係講形式嘅，對我嚟講你算係虔心嘅教徒㗎啦。
大C姐發表於 2012-11-23 10:34

咁講心我又真係幾OKAY 架, 小弟儘量事事以心為本, 正如對LYK 咁多位朋友仔, 雖然絕大多數都是素未謀面, 但都真心真意當大家是朋友來的~

可惜, 呢個社會好多時都講金唔講心, 表面上小弟真係一D 都唔算虔誠了.

作者: reyes 時間: 2012-11-22 18:45

一樣米養百樣人, 呢個世界乜野人都有. 我都識人喜歡去教會媾女, 因為覺得D 女夠"乾淨"WOH. ...
mcjohnjohn 發表於 2012-11-22 18:34

用聖水洗過會潔淨D, 但係信佛個D好安全

作者: 大C姐 時間: 2012-11-22 18:49

講開宗教, 話時話, 有無發覺突然好多人自己話自己係信徒! 尤其係一D剛剛預到重大挫折個陣, 搵唔到自己究竟 ...
jiujiujiu 發表於 2012-11-22 18:22

門門派派形形式式，其實有咩人就有咩宗教。其實你都見唔少＂宗教＂有好多偏激行爲，連叫啲信衆集體自殺都有人信就知其實好多人心底裏都有一啲＂偏激因子＂，只要有同類集思廣益就會將理念化成行動。

任何組織都想有權有勢，做該個
類別嘅一哥。宗教都唔例外，非我族類當然留不得，一係你就入教一係就打壓你。就算個別信徒做唔出過激行爲，心目中亦覺得自己嘅宗教地位超然，自我感覺良好。

同埋宗教都係人組織而成，當然open to interpretation啦。好似聖經裡面，上帝叫abraham親手殺自己個仔奉獻俾主以示忠心。如果今時今日有人咁做一定俾人告企圖謀殺，亦會俾基督宗教視為異端邪教。

作者: mcjohnjohn 時間: 2012-11-22 18:49

用聖水洗過會潔淨D, 但係信佛個D好安全
reyes 發表於 2012-11-23 10:45

其實, 大個左覺得D 聖水應該唔乾淨. 呢個點一下, 果個又點一下, 點知有冇人剛剛撩完鼻屎就用聖水去潔淨一下自己既指頭...

作者: 大C姐 時間: 2012-11-22 18:53

仲有有D人入教係為左識女仔囉
我以前聽到有人 (朋友既朋友既朋友) 話有個中年岩岩入教會 ...
reyes 發表於 2012-11-22 18:29

或者上帝感召佢去教會認識另一半呢？如果真係搭上，仲係神嘅意指添！

都話宗教係咩都講得通。我又唔係好介意，我覺得都係正常社交圈子，健康社交活動啫。唔通啲人話去library識女仔你又話library唔係咁用，去coffee shop識人又話coffee shop唔係咁用咩！

作者: rainbow-davie 時間: 2012-11-22 19:09

本帖最後由 rainbow-davie 於 2012-11-22 19:15 編輯

二次創作

劉華, 字德華, 小名刀仔, 法號慧果, 生於香港, 與愛侶麗倩(字玉蓮, 外號小龍女)居於終南山古墓, 育有一女. 劉華為人重情義, 愛侶曾誤墮山崖, 劉華潔身自愛, 以大鵰為伴, 瀑布下練武, 同時亦苦練書法, 磨練功藝, 十八年後始與愛侶重逢.

劉華初出道時於邵仙人摩下, 與郭靖, 楚留香, 韋小寶, 及段譽為友, 仿遠古傳說中"蜀中五虎將"而合稱五虎將. 之後功藝大成, 武功蓋世,足跡遍踏神州大地. 在上海時, 與許文強聯手, 雄霸一方.

雖則精於賭術, 但為人俠義, 以賭會友亦以賭強扶弱, 為神聖俠中之俠者.

亦為四大天王之一, 熱心公益, 於神州大地傳播福音(樂), 救助無數少女心靈, 追隨者無數.
每每道出警世之言而令人敬愛. 其金句有:"今時今日既服務未夠架", 等等, 人人朗朗上口.

及後化名狄仁傑, 效力武后, 以無間之道平定亂黨. 因劉華以其電眼殺人於無影無形, 被賜與"影帝"之名. 之後中原大亂, 遠走西域.

老年出家為僧, 度人無數, 壽終時曾傳出天有異彩, 劉華乘其烈火戰馬, 於五台山飛升.
遺下無數影音光片, 後人及其粉絲編輯精選 "久音真經" 以傳後世. 內容包羅萬有, 不只歌影視,
亦有其他技藝, 如書法, 變臉及獨臂重生法等.

作者: mcjohnjohn 時間: 2012-11-22 19:35

二次創作

劉華, 字德華, 小名刀仔, 法號慧果, 生於香港, 與愛侶麗倩(字玉蓮, 外號小龍女)居於終南山古墓, ...
rainbow-davie 發表於 2012-11-23 11:09

老友, 慢慢寫, 一日寫一D, 召集多D 劉華FANS 去每人寫D, 寫埋劉華出世前既景象, 最好寫到同聖經差唔多厚, 咁我會嘗試去欣賞一下呢一個驚天地, 泣鬼神既集體創作~

作者: mcjohnjohn 時間: 2012-11-22 19:37

或者上帝感召佢去教會認識另一半呢？如果真係搭上，仲係神嘅意指添！

都話宗教係咩都講得通。我又 ...
大C姐發表於 2012-11-23 10:53

我相信是神既意旨叫我唔好在教會媾女... 所以, 從來都唔會(亦唔敢)在神聖既地方表現出腐敗既一面.

作者: 大C姐 時間: 2012-11-22 19:55

我相信是神既意旨叫我唔好在教會媾女... 所以, 從來都唔會(亦唔敢)在神聖既地方表現出腐敗既一面. ...
mcjohnjohn 發表於 2012-11-22 19:37

點解要係腐敗呢？

又唔係要你濫交，又唔係強姦又唔係婚外情，如果單身去認識異性，你情我願都冇咩咁腐敗呀。又唔係喺個教堂到搞嘢，認識朋友好正常之嘛。

作者: reyes 時間: 2012-11-22 21:19

我相信是神既意旨叫我唔好在教會媾女... 所以, 從來都唔會(亦唔敢)在神聖既地方表現出腐敗既一面. ...
mcjohnjohn 發表於 2012-11-22 19:37

有冇教友介紹下俾我腐敗一下

作者: reyes 時間: 2012-11-22 21:30

或者上帝感召佢去教會認識另一半呢？如果真係搭上，仲係神嘅意指添！

都話宗教係咩都講得通。我又 ...
大C姐發表於 2012-11-22 18:53

但係識完影都冇, 神嘅意指都唔會話俾左另一半你就黎都唔黎下呱

作者: mcjohnjohn 時間: 2012-11-22 21:45

點解要係腐敗呢？

又唔係要你濫交，又唔係強姦又唔係婚外情，如果單身去認識異性，你情我願都冇咩 ...
大C姐發表於 2012-11-23 11:55

小弟當年並不是活躍於自己的堂區, 因為小弟讀的是天主教中學, 所以參加彌撒都是在學校的聖堂. 如果為左媾女而在自己堂區打混, 我覺得實在有點兒那過吧.

作者: mcjohnjohn 時間: 2012-11-22 21:47

有冇教友介紹下俾我腐敗一下
reyes 發表於 2012-11-23 13:19

而家D 教友, 都是跟小朋友一齊參加兒童聖道禮而認識的.
人妻可以嗎? BTW, 你要回香港才可介紹給你啊~

作者: reyes 時間: 2012-11-22 21:55

而家D 教友, 都是跟小朋友一齊參加兒童聖道禮而認識的.
人妻可以嗎? BTW, 你要回香港才可介紹給你啊~ ...
mcjohnjohn 發表於 2012-11-22 21:47

人妻可以喎, 有冇後生D

回港冇問題啊. 或者空運過黎啦

作者: 大C姐 時間: 2012-11-22 22:32

小弟當年並不是活躍於自己的堂區, 因為小弟讀的是天主教中學, 所以參加彌撒都是在學校的聖堂. 如果為左媾 ...
mcjohnjohn 發表於 2012-11-22 21:45

come on baby，有咩問題呢？

我覺得都係一個地方一個場合，當然，我唔係叫你去到好似前世冇見過女人咁周圍擒，但係喺教會認識新朋友好正常喎，之後有發展亦好正常。

啲教友成日都話想同返教友拍拖同結婚，咁你唔去教會認識唔通真係叫上帝跌個俾你咩！

作者: mcjohnjohn 時間: 2012-11-22 22:38

人妻可以喎, 有冇後生D
回港冇問題啊. 或者空運過黎啦
reyes 發表於 2012-11-23 13:55

後生極都唔會十八廿二, 因為去得兒童聖道禮既, 都係有小朋友的.
三十零歲的可以嗎?

作者: mcjohnjohn 時間: 2012-11-22 22:42

come on baby，有咩問題呢？

我覺得都係一個地方一個場合，當然，我唔係叫你去到好似前世冇見過女 ...
大C姐發表於 2012-11-23 14:32

可能小弟當年叫做不愁寂寞, 大把地方識朋友, 又或者可以講係根本冇諗過認真, 非常害怕take it seriously 既感覺, 所以真係冇諗過在教會留情, 誤人誤己就不好了.

作者: 大C姐 時間: 2012-11-22 22:46

可能小弟當年叫做不愁寂寞, 大把地方識朋友, 又或者可以講係根本冇諗過認真, 非常害怕take it seriously ...
mcjohnjohn 發表於 2012-11-22 22:42

[youtube]ZB39OFZNSfY[/youtube]

咁如果你係全心欺騙感情嘅，就喺邊度，甚至夜店，都係唔好㗎啦。

作者: reyes 時間: 2012-11-22 22:51

後生極都唔會十八廿二, 因為去得兒童聖道禮既, 都係有小朋友的.
三十零歲的可以嗎? ...
mcjohnjohn 發表於 2012-11-22 22:38

十八廿二我都未必岩, 做朋友既幾多歲都冇問題

作者: mcjohnjohn 時間: 2012-11-22 23:34

咁如果你係全心欺騙感情嘅，就喺邊度，甚至夜店，都係唔好㗎啦。
大C姐發表於 2012-11-23 14:46

唔係全心欺騙, 只係知道根本不會有結果而不想因此給予任何人不設實際的期望而已.

作者: mcjohnjohn 時間: 2012-11-22 23:36

十八廿二我都未必岩, 做朋友既幾多歲都冇問題
reyes 發表於 2012-11-23 14:51

咁你覺得岩幾多歲?
LYK 大把筍盤, 遠在天邊, 近在眼前.

作者: randommike 時間: 2012-11-22 23:49

I'm agnostic. I believe there is a higher power but I don't think humankind will ever understand this higher power. For all I know, this higher power might not even have a will / conscious mind.

Also, I don't like organized religions; this stems from the fact that most religions do not recognize other religions. Religions might co-exist / tolerate other religions but fundamentally, organized religions create a us v.s. them environment.

I think we should keep the moral learnings from religious stories but we should move away from organized religions that create artificial boundaries between people.

Sadly, I don't see this happening any time soon.

作者: mcjohnjohn 時間: 2012-11-22 23:54

organized religions that create artificial boundaries between people?
At least, I think my religions does not teach/force/persuade me to create artificial boundaries between people. In my opinion, discrimination is not limited to religions.

作者: reyes 時間: 2012-11-23 01:15

咁你覺得岩幾多歲?
LYK 大把筍盤, 遠在天邊, 近在眼前.
mcjohnjohn 發表於 2012-11-22 23:36

你可以介紹既有幾多歲?
近在眼前唔通係mcjohnjohn 你?

作者: BiscottiGelato 時間: 2012-11-23 01:21

organized religions that create artificial boundaries between people?
At least, I think my religions ...
mcjohnjohn 發表於 2012-11-22 23:54

The origin of the religions might not have necessarily 'taught' or 'preached' extremism. Unfortunately people are like that. When a group deeply believes in something, and another group strongly believes otherwise, conflicts occurs.

It hard to deny that most wars in history were because of religion. The intent of the religions might not be bad, but the resulting wars throughout thousands of years are also undeniable. It's hard to say whether religions in general have a net-postiive or net-negative impact throughout human history. But for surely, a lot of people have been killed in the name of various religions. Hypothetically, some of these wars might not have occurred if religions isn't there for foolish humans to use as that extra excuse to drive each other to the ground...

作者: randommike 時間: 2012-11-23 07:42

回復 48# mcjohnjohn

Maybe you are not doing that but there are people who do. The examples I can think of is the mess that was in Ireland with Catholic and Christian and also the whole Sunni vs Shia in the Muslim world.

作者: Nam 時間: 2012-11-23 08:46

可能身邊親友都係信佛，我無辦法好似佢哋咁完全放低，不過，潛移默化下，好多時都會原諒人，或者會覺得因果循環，前世我對唔住人，今世咪還返俾人囉，同埋覺得就算再唔好嘅人，我亦都唔係完人，再差嘅人都有佢嘅優點，反正做人問心，對得住人，對得住天就夠啦

作者: 大C姐 時間: 2012-11-23 10:33

organized religions that create artificial boundaries between people?
At least, I think my religions ...
mcjohnjohn 發表於 2012-11-22 23:54

你未免太掩耳盜鈴。

係人都知幾千年來宗教分歧而產生嘅戰役無數，就算今事今日，Roman Catholic Church同其它天主教派系都不時有糾紛啦。

當然你可以覺得自己唔involve而處身事外，但係天主教本義信者得永生都係exclude其他人其它宗教，咁你嘅信仰已經分開咗教徒同非教徒啦。

作者: 大C姐 時間: 2012-11-23 10:36

可能身邊親友都係信佛，我無辦法好似佢哋咁完全放低，不過，潛移默化下，好多時都會原諒人，或者會覺得因果 ...
Nam 發表於 2012-11-23 08:46

我都係嗰句囉，我係絕對覺得宗教本義其實係一個道德標準。呢啲大道理我好buy，但係唔代表我信佛，或者會拜佛。我覺得任何原因令人做好事，寬恕別人，令自己釋懷嘅都係值得學習嘅。

作者: fibbi 時間: 2012-11-23 11:36

宗教都應該係導人向善嘅。

不過我聽到有教徒話因為想有永生才信教我就唔buy囉。好似係因為有着數先信。如果信，我會係因為佢嘅教義，同埋真係相信有嗰個神先至相信，唔係話信咗有好處（永生）先信。

作者: satil 時間: 2012-11-23 11:47

宗教都應該係導人向善嘅。

不過我聽到有教徒話因為想有永生才信教我就唔buy囉。好似係因為有着數先信。如 ...
fibbi 發表於 2012-11-23 11:36

唔單止咁, 用地獄永火嚟恐嚇你, 又用天堂永生來引誘你. 這些技倆十分令我反感.

作者: 布小熊 時間: 2012-11-23 11:54

宗教都應該係導人向善嘅。

不過我聽到有教徒話因為想有永生才信教我就唔buy囉。好似係因為有着數先信。如 ...
fibbi 發表於 2012-11-23 11:36 AM

yeah... really don't like that idea of 有着數...

作者: 大C姐 時間: 2012-11-23 11:59

講到最尾我係唔信死後仲有任何after-life。我覺得人死如燈滅，呢個世界咁多生物邊得嚟咁多嘢喺天堂，俾你見到恐龍同其它史前動物你唔驚呀。同埋大部份人都係老到有病先死，去到全部都係耆英都幾悶。

作者: fibbi 時間: 2012-11-23 12:59

本帖最後由 fibbi 於 2012-11-23 13:00 編輯

Heaven?

[youtube]23j1B4-lroM[/youtube]

[youtube]UjtwCf5WWUU[/youtube]

作者: Nam 時間: 2012-11-23 13:12

又或者佢哋係咪覺得以著數論會比較能說服其他人去信教呢？得罪講句，總係好怕某些教徒好似 sales 追 quota 咁叫人跟去，去一次半次，都唔俾消化吓，就每日一call 提醒你下一次嘅活動..........本來有興趣聽吓都怕鬼咗

作者: 大C姐 時間: 2012-11-23 13:18

又或者佢哋係咪覺得以著數論會比較能說服其他人去信教呢？得罪講句，總係好怕某些教徒好似 sales 追 quota ...
Nam 發表於 2012-11-23 13:12

我頂唔順要唱歌囉。

首先，啲詞填得非常求其，唔啱音不特止，又唔押韻純粹要將啲字或經文塞入去首歌。

作者: ricrick 時間: 2012-11-23 13:30

我信有造物"主"，這可以是ET或外星高智慧"東西"，或在第二個空間都未定
因為我吾信宇宙萬物無啦啦爆出黎，一定是精密的計算
至於這個"東西"，會否幫助我們日常生活? 我覺得是吾會，佢真係無甘得閒
我們又是否要worship佢？我覺得是不需

好似你養金魚，你需要金魚worship你嗎？

道德，做人道理，是人的哲學，如神無關

作者: 大C姐 時間: 2012-11-23 13:41

我信有造物"主"，這可以是ET或外星高智慧"東西"，或在第二個空間都未定
因為我吾信宇宙萬物無啦啦爆出黎， ...
ricrick 發表於 2012-11-23 13:30

有好多人覺得by worshipping，祈禱，返教會，就可以親近到＂神＂有個依靠，＂有人照住＂。咁呢個思想好似大太監一樣，希望服侍個有權有勢嘅主子，有個靠山就講句説話都大聲啲咁囉。

＂我係西太后嘅人，你不得無禮！＂

作者: BiscottiGelato 時間: 2012-11-23 13:42

講到最尾我係唔信死後仲有任何after-life。我覺得人死如燈滅，呢個世界咁多生物邊得嚟咁多嘢喺天堂，俾你見 ...
大C姐發表於 2012-11-23 11:59

Maybe that's what heaven consists of - dark matter~

作者: satil 時間: 2012-11-23 14:20

信宗教唔代表有道德，亦唔代表有正確的人生觀。

唔信宗教唔代表就冇道德，亦唔代表冇正確的人生觀。　這沒有必然的關係。

我覺得人生經歷，生活環境，教育對道德及人生觀有更大影響。當一個人受到宗教的規範，他的道德及人生觀反被限制及單一化，欠缺了不同層面及不同方向的琢磨。

啲教徒，自己半筒水（都無），自己都未知個教的全面，就去sale人，想要人人入會。自己都未搞清，幾咁唔負責。

得罪講多句，班神父牧師傳道同樣半筒水，有啲仲假話連篇，歪理多多，講到道德，那些人就是最好的壞見證。

作者: 大C姐 時間: 2012-11-23 14:31

信宗教唔代表有道德，亦唔代表有正確的人生觀。

唔信宗教唔代表就冇道德，亦唔代表冇正確的人生觀。　這沒 ...
satil 發表於 2012-11-23 14:20

呢啲我唔夠膽講，我驚得罪人，死咗唔知咩事。

我覺得宗教原本係要嚟set一啲當刻社會需要同接受嘅價值觀同道德。咁其實隨著時代轉變，道德都有唔同（唔同地區都有唔同道德標準啦）。又唔可以話用今時今日你個道德標準去judge某啲宗教幾千年嘅規則。

作者: fibbi 時間: 2012-11-23 14:55

回復 65# satil

咁講，如果我跟足十戒(from point 4 to 10)去生活，個人都唔會好差掛，起碼唔會作奸犯科。。。當然，好多人入教係別有用心，而且樹大有枯枝。。。

但係，我有時覺得啲人矯枉過正。有個朋友去日本京都旅行，但係佢唔入啲廟宇，佢話唔應該去拜喎（所以都唔知佢去京都做乜）。但係旅行咗喎。入屋叫人，入廟拜神，唔係話入去就一定信哂佢架嘛？打個招呼都唔得？鞠個躬都係禮貌嘅表現嗟。

講起踢人入會，我有次自己喺food court食嘢，有四，五個後生仔女坐埋嚟同我傳教，嚇得我，真係好似想踢我入會咁。有次喺RC行街嘅時候又係咁。唔通我好似啲迷途小羔羊？？？
但係咁嘅傳教方法真係好反感。

作者: satil 時間: 2012-11-23 15:07

本帖最後由 satil 於 2012-11-23 15:11 編輯

回復 67# fibbi

噢, 又是那誤傳、錯引的"十誡"　（出埃及記２０章） hahaha.　

你所指的十誡就正正一個例子, 不過牧師、教徒都錯，大家一起錯囉．

作者: 大C姐 時間: 2012-11-23 15:09

[youtube]qqVp516B4iA[/youtube]

都話當依索寓言就算啦，有啲故事都幾entertaining呀。

作者: fibbi 時間: 2012-11-23 15:14

回復 68# satil

i'm talking about these:
第四誡尊敬父母。
第五誡毋殺人。
第六誡毋行邪淫。
第七誡毋偷盜。
第八誡毋妄證。
第九誡毋願他人妻。
第十誡毋貪他人財物。

what i learned in catholic school.

作者: satil 時間: 2012-11-23 15:22

本帖最後由 satil 於 2012-11-23 15:26 編輯

回復 70# fibbi

聖經中沒有說過這是十誡，只係教會選擇性，攞嚟用亂用。因為講得好好聽，好似好有道德．

真正的十誡，唯一在聖經中有記載的”十誡”，記在出埃及記34章14-26

在出埃及記34:28 摩西在耶和華那裡四十晝夜，也不吃飯也不喝水。耶和華將這約的話，就是十條誡，寫在兩塊版上。

34:14 不可敬拜別神，因為主是嫉妒的神，名為嫉妒。

其他九條誡律是：
2) 不可為自己鑄造神像；
3) 你要守除酵節；
4) 你六日要作工，第七日要安息；
5) 在收割初熟麥子的時候要守七七節，又在年底要守收藏節；
6) 你們一切男丁要一年三次朝見主耶和華以色列的神；
7) 你不可將我祭物的血和有酵的餅一同獻上；
8) 逾越節的祭物也不可留到早晨；
9) 地裡首先初熟之物要送到耶和華你神的殿；
10) 不可用山羊羔母的奶煮山羊羔。

作者: ricrick 時間: 2012-11-23 15:24

努力傳教，為的是教會能繼續經營

其實大家有宗教自由，你有你信耶穌，我有我去幫人xx轉運
有緣你就有感召，有事發生係自己身上，吾信吾得
無緣就吾知好采定吾好采
總之自己心安理得就得啦

作者: rainbow-davie 時間: 2012-11-23 16:18

回復 fibbi

聖經中沒有說過這是十誡，只係教會選擇性，攞嚟用亂用。因為講得好好聽，好似好有道德．

真 ...
satil 發表於 2012-11-23 15:22

really?/ so outdated

作者: BiscottiGelato 時間: 2012-11-23 21:18

回復 fibbi

聖經中沒有說過這是十誡，只係教會選擇性，攞嚟用亂用。因為講得好好聽，好似好有道德．

真 ...
satil 發表於 2012-11-23 15:22

Wow, this is super new to me. I never knew the Ten Commandmants isn't really THE Ten comandmants. I actually did some independent research into the matter. Christian/Catholics might wanna pay attention to this and arrive at their own interpretation.

http://en.wikipedia.org/wiki/Ten_Commandments

It's seem to me that there are actually 17 lines to the Ten Commandments. And it does seem like the Catholic church did randomly chosen the 10 best marketable ones as their 10. Being deceived for this many years, it almost sounds like a fraud to me....

Just to declare my position. I am an athiest, but born in a Catholic family. My sister converted later to be a very devoted Christian. After being exposed to a good deal of formal education, including extensive Catholic teachings (but not the real deal being the Ten Commandments)... I simply can't take the superstition on and became an athiest.

作者: satil 時間: 2012-11-23 21:19

回復 73# rainbow-davie

唔係你outdated，這是教會努力誤導大家的結果。最主要是真十誡，第一誡更是說不得：

〔不可敬拜別神〕
英文KJV聖經為
34:14 For thou shalt worship no other god: for the LORD, whose name is Jealous, is a jealous God:
和合本翻譯為
34:14 不可敬拜別神；因為耶和華是忌邪的　神，名為忌邪者。（有那些文獻，Jealous係解忌邪呢？）
現代中文譯本為
34:14 不可敬拜任何別的神明，因為我─上主絕不容忍跟我對立的神明。（嘩！作得就作）

正確的字面譯法應該是
34:14 不可敬拜別神，因為主是嫉妒的神，名為嫉妒。
原來上帝的名字就叫「嫉妒」(Jealous)。

司馬超之心。你可以看得出，這一誡又怎可以常用常說，又點同教徒解釋“嫉妒神”，所以中文版都改了原意，十誡就更要用假的十項代替了。

這只係其中一個例子，為求傳“道”，不擇手段，講道德？！哈哈哈！

作者: ricrick 時間: 2012-11-23 23:20

本帖最後由 ricrick 於 2012-11-23 23:26 編輯

回復 rainbow-davie

唔係你outdated，這是教會努力誤導大家的結果。最主要是真十誡，第一誡更是說不得： ...
satil 發表於 2012-11-23 21:19

這個我識解wor

嫉妒=人有我無
神什麼都有又何需嫉妒?
神的嫉妒之心是源於愛
像老婆勾佬，老公就產生嫉妒之心，因為愛，老婆是老公的，不許老婆勾佬
人拜別神，神就產生嫉妒之心，因為愛人，不許人拜別神
如神不愛世人，他就不會嫉妒。人這麼卑微，竟令神產生嫉妒之心，更顯神偉大的愛

在聖經出現又點會對神有傷害？當然解釋buy吾buy由你

作者: Ovaltine 時間: 2012-11-24 00:59

本帖最後由 Ovaltine 於 2012-11-24 01:02 編輯

回復 70# fibbi

interesting..i just stole flowers to give to a girl yesterday, i was told it was more romantic than actually buying the flowers. in a way i think living with principle means a happier life, but it doesn't have to be Christianity. if you have the guts and the courage to try other life models, then you have a greater chance of success.

I think it was Soren Kiergsgard who said "anxiety is the dizziness of freedom" man is right about that, man gotta live within certain guidelines.

作者: rockypath 時間: 2012-11-24 13:44

當未能證明有神，需要用相信去提出有神的存在，’有神’才是理論，’無神’是客觀事實．
satil 發表於 2012-11-22 17:11

我想知道如何證明“無神”是客觀事實？我個人觀點是“無神論”也是一種信仰或理論。並不是建立在客觀事實證明之上，只是個人選擇是否接納和相信。

作者: satil 時間: 2012-11-24 14:52

本帖最後由 satil 於 2012-11-24 15:11 編輯

回復 78# rockypath

配合你，先引用你所提的　無神“論”是否宗教／信仰：

無神論是否一種宗教？

在回答這樣的問題之前，必須先弄清楚「宗教」的定義。我們一般地把宗教定義為相信和崇拜超人的控制力量。無神論不相信更不崇拜任何超人的力量，顯然不屬於通常意義上的宗教。如果為了把無神論也包括進去，而改變「宗教」的定義，那麼科學、政治、體育等等各種各樣的人類活動都會變成了宗教。

就算無神論不是嚴格意義上的宗教，那麼它是否跟宗教一樣，也是一種信仰？

在回答這個問題之前，我們也必須先弄清楚究竟什麼是信仰。

信仰首先要有「信」。對於弱無神論者來說，他們僅僅是不信神的存在，因此不能說那是信仰。如果要狡辯說「不信」也是「信」，那就等於說「沒病」也是「病」。強無神論者相信神不存在，有了「信」，比較接近於一種信仰，但也未盡然。我們所謂的「信仰」，一般是指沒有任何證據（甚至有反面的證據）就完全地、確定地相信某件事，但是即使是最強硬的無神論者，在討論神的有無時，首先強調的也是證據的重要性。

我們在做判斷時，無法完全依靠證據，而總要相信某些無法證明的假設。即使是最重視證據的科學，也有某些無法證明的假設，比如它假設任何觀測者所觀測到的物理定律都是相同的。但是，科學並不因為相信這樣的假設而成為信仰。無神論採用盡可能少的假設，事實上，無神論的假設可以說跟科學完全相同。如果說無神論是一種信仰，那麼，科學也就成了信仰，而這是一般人所無法同意的。

無神是否一個理論？

首先看看“理論”的定義：　
理論（英語：Theory），又稱學說或學說理論，指人類對自然、社會現象，按照已有的實證知識、經驗、事實、法則、認知以及經過驗證的假說，經由一般化與演繹推理等等的方法，進行合乎邏輯的推論性總結。
接近科學的學說是科學的，反之則是違背科學的或者說偽科學；任何自然科學的產生，源自對自然現象觀察。人類藉由觀察實際存在的現象或邏輯推論，而得到某種學說。任何學說在未經社會實踐或科學試驗證明以前，只能屬於假說。如果假說能藉由大量可重現的觀察與實驗而驗證，並為眾多科學家認定，這項假說就可被稱為理論。

“事實”的定義：

事實這個字可以指在過去和現在被驗証且中立的信息。

舉個例子：
在一個全黑無光的世界裏，有人用了很多的計算引證，提出這世界是可以／存在一種叫做光的東西，這光從未被實際檢測過有這東西的存在，這就是在“全黑無光”的客觀事實上，有光是一個理論，可稱為“有光論”。

從邏輯上來說，不斷說有神，但從來不能驗証，這"有神"還是停留在理論階段，所以應稱之為“有神論”。

實際要推翻“無神”這個到了今時今日都是客觀事實這一個處境，很簡單！就是找可任何一丁一點的可檢測、可驗證的神，以後這‘有神’就變化為事實。完全推番"無神"，到時，連”無神論”的資格都無埋。能做到嗎？數千年，有嗎？在未能找到神之前，無神明顯是客觀事實。

再一個例子：
一隻空杯，客觀事實，是杯內空無一物（唔好拗有空氣咁廢話），我無需要提証，這不是甚麼“無物論”。相反，你硬說杯內是有東西，你就是“有物論”。

接納和相信一個無驗證的理論當然是個人選擇，我同意喎。

作者: satil 時間: 2012-11-24 15:10

回復 76# ricrick

嘩，得喎，你有潛質寫甚麼譯經，釋經，解經，讀經指南。

作者: 大C姐 時間: 2012-11-24 22:47

回復 rockypath

配合你，先引用你所提的　無神“論”是否宗教／信仰：

無神論是否一種宗教？

在回答 ...
satil 發表於 2012-11-24 14:52

有啲嘢例如神同信仰，係好抽象，有時唔洗咁執著個字眼。置于＂論＂定唔論，都係各有各講。當然有宗教背景嘅人會有幾萬種理由同證據去證明佢哋嘅＂神＂嘅存在，所以對＂無神＂之説確實只係一個（荒謬）理輪。

同空杯個例子唔同，＂神＂確實喺唔同時代唔同文化都有舉足輕重嘅記錄同演繹。如果一樣嘢係咁＂理所當然＂唔存在，正如空杯，會唔會咁多人喺唔同時代都咁歇斯底里去崇拜呢？

正如你所講，有冇神都係未知數，如果有神係鐵一般事實（聽日耶穌開個press conference表演升天），無神論根本唔成立，唔通呢個世界有無貓論？無狗論？

既然有神唔係１００％肯定，無神都一樣唔係１００％確定，兩者都可以係理論。難道依家科學可以１００％解釋得到世界嘅創造源頭？I don't think so。冇人可以舉證宇宙萬物唔係嚟自造物主（神），所以無神並非一個客觀事實而係一個理論。

一個班房啲學生走晒有本書留低，個個都話本書係Mary嘅，你問＂有咩證據話本書係Mary㗎？＂冇人講得出確實證據，你就判斷＂本書並非Mary所有＂係一個客觀事實？講唔通。

作者: satil 時間: 2012-11-25 11:33

本帖最後由 satil 於 2012-11-25 11:36 編輯

回復 81# 大C姐

你講得啱，“無神論”一詞確是“有神論”的一群，強行推翻科學邏輯，強行身份對調的手法，”有神”的從來都未能驗證，只叫信徒”相信”，但又話自己的一方是事實，令人覺得“有神”是事實，“冇神”是理論的手段。

我相信你沒有就theory同fact的科學邏輯關係，配入去這在“論”的討論上。理論的出現是建基於有一個概念有別於“現時的客觀事實”。請你緊記，客觀事實是現在及以前，不包括未來，因下一秒都有可能因為驗證而變出一個新的客觀事實。

你說〔＂神＂確實喺唔同時代唔同文化都有舉足輕重嘅記錄同演繹。〕，但是因為沒有在“這一刻”及之前得到驗證，所以“神”只停留在“合乎邏輯的推論性總結”，“假說就可被稱為理論”。

實際，“有”同“冇”的關係十分簡單，“冇”要１００％沒有，如何證明“冇”？是因為沒有驗證到“有”的出現。這是絕對簡單的相對性。“這一刻”就停留在“冇”的階段，任何暫時未能驗證的都是理論階段。

你的世界源頭論點：
是以未被驗證“有神論”中提出未被驗證的“創世論”，強推出給“冇神”的一方，因“冇神”不能驗證“世界源頭”，這不代表“有神”是事實，“冇神”還是現時的“客觀”事實。你混淆了。而且，舉證的責任是提出理論的一方。

班房與書本：
原本，班房中看不到任何書，是“冇書”事實，若言有人提出班房係應該有書，同學們都“相信”有書，但又拿不出，找不到任何一本書，在書未出現之前，未被驗證之前，“有書”就只是理論。班房中確是無書，你點可以話“冇書”只係一個理論。

“在現階段”，有人留咗本書，即時，“有書”變為客觀事實，簡單驗證了，相反“冇書”自然站不住腳，若有人這時提出應為無書，才引出新的“冇書論”。

至於本書屬於邊個，是另一個問題，〔個個都話本書係Mary嘅〕而無驗證，“書係MARY既”還停留在有待驗證階段，是一個理論。現階段，本書“暫時”不屬於MARY是客觀事實。MARY出現舉證，狀態就會改變。

想問一問，邏輯上，若現時今刻今秒，冇神是論，有神是論，那甚麼是現時的“客觀事實”？在”有”與”冇”的絕對相對性，你沒有可能處於一個沒有“現時事實”的狀態。

作者: 大C姐 時間: 2012-11-25 13:56

回復大C姐

你講得啱，“無神論”一詞確是“有神論”的一群，強行推翻科學邏輯，強行身份對調的手法，” ...
satil 發表於 2012-11-25 11:33

我唔係完全唔同意你講法，你講得都合邏輯，如果呢個世界只係得兩個option，但係我睇嘅嘢闊啲，我覺得無神同有神以外存在非常多可能性，或者得一個地球有生物我哋真係咁得天獨厚係石頭爆出嚟，又可以個世界係好多個神開會建設出嚟，又可以係輪迴轉世一個宇宙變另一個宇宙好似self-sustaining aquarium但係冇源頭都唔定。

我個比喻或者可以解釋得清楚啲，事實係班房有一本書留底，正等如呢個世界的確存在，呢個係result，我哋想知係點得嚟。一班３０幾人冇人知本書係belong to邊個，有人話係Mary留低嘅，呢個係一個理論等如係＂有神論＂先算，咁你話冇證據或唔夠證據確定本書係Mary嘅，你選擇唔相信呢個推論，喺法律層面你可以話本書暫時唔屬於Mary，呢個合理。但係置于代唔代表你可以話客觀事實擺到明本書唔係Mary嘅，從普通日常理性層面，我覺得咁講講唔通囉。講到事實就好似已經塵埃落定，水落石出，而事實上我哋都仲係估估吓，其實班上面有幾多個學生都未知，因爲本書有權係Mary又或者班上面其他同學嘅。

作者: satil 時間: 2012-11-25 15:15

回復 83# 大C姐

有同冇是直接相對於一個單一原素，你不斷列出混淆方法，放入不關的‘可能性’。每個原素應獨立處理。“神”就是這討論中的原素，有冇另一個宇宙，有冇輪迴等，都冇關。石頭爆都可以有神，有另一個宇宙未必代表有或冇神。

你的班房例子，用了一個理論去支持另一個理論的邏輯問題，套用在有冇神的問題上，
是“有Mary”與“冇Mary”，係唔可以用有本書出現，又有人話本書係Mary，就反證有Mary。
整個例子欠缺了Mary的驗證，Mary究竟曾否出現過，雖然很多人話有？但是否真有其人？在Mary未能驗證的現在，“有Mary這個人”與及“本書係Mary既”是停留在理論階段。

希望你能分得清　

作者: satil 時間: 2012-11-25 15:54

這討論真暢快，唔似之前嗰啲，又人身攻擊，又粗言穢語．好品的對手真難求，要讚吓大Ｃ姐　

作者: 大C姐 時間: 2012-11-25 18:11

這討論真暢快，唔似之前嗰啲，又人身攻擊，又粗言穢語．好品的對手真難求，要讚吓大Ｃ姐　 ...
satil 發表於 2012-11-25 15:54

我開中名義話我係支持有宗教，好多人係選擇跟隨不同信仰我係理解同接受，所以喺呢個大前題底下我係冇詆毀任何宗教人士。

你嘅理性分析當然係重要啦，但係在我而言，信仰從來都唔係科學，我覺得似一個藝術多啲。我個題亦都講到明係大C姐嘅心靈分享，我係用靈性上去睇呢個話題。我嘗試去用你嘅方法去演繹，當然大家係冇一個共識。因爲你係以＂innocent until proven guilty＂若然唔夠證據定罪，一日未判個疑犯或被告就係無罪，你嘅睇法係black and white，呢點我好明白。但係俾著我，法官未有定斷之前，我諗我唔會好似你咁勇敢去conclude話個＂客觀事實＂係個被告係無辜。

講到尾我唔同意用科學方法去驗證一種咁抽象，咁虛無縹緲嘅精神或心靈上嘅信念。根本好難去define一個paremeter，因爲實在太複雜同千絲萬縷。就算okay你可以說服所有人＂有神＂係論點，＂冇神＂係＂客觀事實＂，咁又如何？與其去簡化到只係有神同冇神，不如退後一步諗自己相信啲乜同對自己人生觀有咩影響。

作者: mcjohnjohn 時間: 2012-11-25 18:15

回復 mcjohnjohn

Maybe you are not doing that but there are people who do. The examples I can thi ...
randommike 發表於 2012-11-23 23:42

你地都講得有道理, 一樣米養百樣人, 小弟絕對認同教徒都唔一定係好人, 就咁睇我MJJ 咁衣冠禽獸就知道了! 哈哈~

-- 唔該唔好問我有幾禽獸的 MJJ

作者: mcjohnjohn 時間: 2012-11-25 18:19

你未免太掩耳盜鈴。

係人都知幾千年來宗教分歧而產生嘅戰役無數，就算今事今日，Roman Catholic Ch ...
大C姐發表於 2012-11-24 02:33

其實我成日同我個囡都有糾紛的... 有人既地方就有糾紛, 尤其是有利益衝突既時候.

作者: 大C姐 時間: 2012-11-25 18:20

你地都講得有道理, 一樣米養百樣人, 小弟絕對認同教徒都唔一定係好人, 就咁睇我MJJ 咁衣冠禽獸就知道了! ...
mcjohnjohn 發表於 2012-11-25 18:15

絕對啦，大把神父搞細路，我覺得咩信仰都係人一個，邊有話信咩就一定係好人上得天堂呀。

作者: mcjohnjohn 時間: 2012-11-25 18:20

唔單止咁, 用地獄永火嚟恐嚇你, 又用天堂永生來引誘你. 這些技倆十分令我反感. ...
satil 發表於 2012-11-24 03:47

仲有人咁傳教? 佢應該要去再培訓了~

作者: mcjohnjohn 時間: 2012-11-25 18:24

我頂唔順要唱歌囉。

首先，啲詞填得非常求其，唔啱音不特止，又唔押韻純粹要將啲字或經文塞入去首 ...
大C姐發表於 2012-11-24 05:18

哈哈~ (真心的笑)
天主教D 歌真係得啖笑, 十首有九首D 詞真係亂咁填! 不過間中都有D 正常既, <<我是主的羊>>是小弟唯一覺得真係可以叫做一首好聽D 既歌了.
基督教果D 歌好聽好多, 我N年前第一次聽<<愛是不保留>>, 我覺得這才是人聽的歌! 哈哈~

作者: mcjohnjohn 時間: 2012-11-25 18:26

好似你養金魚，你需要金魚worship你嗎？

道德，做人道理，是人的哲學，如神無關
ricrick 發表於 2012-11-24 05:30

如果有條金魚識worship 我, 我一定會對佢好好, 一定會帶佢周圍表演比人睇~
BTW, 你的比喻真的非常有趣~ 謝謝~

作者: mcjohnjohn 時間: 2012-11-25 18:28

得罪講多句，班神父牧師傳道同樣半筒水，有啲仲假話連篇，歪理多多，講到道德，那些人就是最好的壞見證。
satil 發表於 2012-11-24 06:20

有D 神父會講得好聽D 既. 正如SALES 都有高手和低手, 睇下你遇唔遇到一個ARM 聽既SALES 之麻.

作者: jiujiujiu 時間: 2012-11-25 18:35

回復 90# mcjohnjohn

有架~ 仲有好多架! 我唔想特別去標籤某D宗教, 但以我所見同埋所受到嘅"恐嚇", 基本上都係嚟自基督教嗰D自以為好虔誠嗰D信徒囉~

作者: mcjohnjohn 時間: 2012-11-25 18:38

回復 rainbow-davie

唔係你outdated，這是教會努力誤導大家的結果。最主要是真十誡，第一誡更是說不得： ...
satil 發表於 2012-11-24 13:19

我MJJ 呢D 草民, 真係完全沒有想過用歷史既角度去分析自己既宗教...
十誡呢一類野, 我聽過就算了, 講真, 剩係"守瞻體主日"呢一點已經足以打我落十八層地獄, 所以, 都是"選擇性吸納"吧~ (都說小弟不是虔誠教徒來的)
新約既出現(應該是說耶穌的出現), 已經把很多舊既約定推翻了. 耶穌說: (1) 愛天主, (2) 愛人, 這很適合小弟簡約的生活模式, 感覺自在很多.

作者: jiujiujiu 時間: 2012-11-25 18:40

本帖最後由 jiujiujiu 於 2012-11-25 19:07 編輯

回復 91# mcjohnjohn

哈哈哈哈哈~ 都唔算吖~
本"頌恩"我都由幼稚園唱到中學畢業啦! 哈哈~ D歌詞梗唔update 啦!
但"愛是不保留"算係流行曲嚟架嘛, 點比較呢...

作者: 大C姐 時間: 2012-11-25 18:48

仲有人咁傳教? 佢應該要去再培訓了~
mcjohnjohn 發表於 2012-11-25 18:20

再偏激嘅傳教方法都有，唔一定係講天主教啦當然。

有兩個簡單例子，一個朋友經歷，話說佢係一個同性戀者，佢屋企有去開church，學你話齋算係唔太虔誠嘅天主教徒。咁大大吓個朋友知道個church係反對同性戀就冇去教會啦，但係父母依然有去而且係接受咗個仔係gay。點知個church知道呢件事就向個媽施壓，話明你同意你個仔搞gay都係唔得到神嘅認同，你哋會被懲罰，上唔到天堂，blah blah blah。

另一個係自己親身經歷。話說幾年前某親人因爲長期病患要住醫院，咁醫院係有啲唔知牧師定神父喺度做counselling工作，可能幫教友祈吓禱又順便傳吓道等等。咁起初冇咩嘢，當關心咁問有咩幫到我哋，佢哋班弟兄會同我個親人祈禱，咁ok啦我哋好禮貌咁見到面都打個招呼啦。點知就開始落藥啦，問我哋病人有冇受洗呀，如果病情唔樂觀又唔想死後繼續suffer，可以得到解脫，就幫佢領洗啦。

作者: jiujiujiu 時間: 2012-11-25 18:50

本帖最後由 jiujiujiu 於 2012-11-25 18:58 編輯

回復 95# mcjohnjohn

係架! 舊約有好多野已經俾人推翻左好耐添~
好似"挪亞方舟"咁, Discovery Channel 已經响若干年前已經有個program 講左, 阿挪亞先生並唔係响God度收到風會有什麼flooding, 而係一個生意失敗嘅生意佬, 生意失敗, 執晒D家當, 帶埋自己老婆仔女夾帶私逃咁走佬避債咋嘛~仲有一個program 講摩西, 原來佢唔係咁勁拿碌棍响地下篤幾下(唔記得篤一下定幾下喇, 事但啦!), 然後紅海分開左可以過河, 因為人家found out 左嗰度有一截係如果到左水退, D水就會退到好低, 見到河底, 好似"尬"水過去就可以到對面岸囉~

作者: 大C姐 時間: 2012-11-25 18:54

哈哈~ (真心的笑)
天主教D 歌真係得啖笑, 十首有九首D 詞真係亂咁填! 不過間中都有D 正常既, 是小弟唯一覺 ...
mcjohnjohn 發表於 2012-11-25 18:24

[youtube]ZTE9Q_T49uM[/youtube]

係咪要多啲明星唱潮天主教歌會好啲呢？基督教依家聲勢浩大都係得啲名人爭住認係信徒同不斷分享見證。

我就見證住好多人擘大眼講大話，同講一套做一套。

作者: mcjohnjohn 時間: 2012-11-25 19:02

絕對啦，大把神父搞細路，我覺得咩信仰都係人一個，邊有話信咩就一定係好人上得天堂呀。 ...
大C姐發表於 2012-11-26 10:20

其實, 我覺得唔相信既人, 天主是會比機會佢去相信.
我想像(梗係相像啦! 我都未經歷過!) 一個唔信教既好人, 死左會見到天主, 天主會解釋比佢聽, 問下佢想唔想上天堂, 想上就帶佢上LAW.

-- 斷估冇辛苦 MJJ

歡迎光臨溫哥華老友記討論區 (http://www.loyaukee.com/forum/)