Board logo

標題: 各位老友記, 如果你係當事人, 你會點? (Part 2) [打印本頁]
作者: jiujiujiu    時間: 2013-1-19 21:29     標題: 各位老友記, 如果你係當事人, 你會點? (Part 2)

本帖最後由 jiujiujiu 於 2013-1-19 21:30 編輯

呢個post, 係之前(大概1年前)嘅post"各位老友記, 如果你係當事人, 你會點?"之後嘅故事, 我真係好想問下, 如果你D朋友入面, 有劇咁嘅野, 你會用乜野形容佢(我講緊個男主角, 當然, 如果要comment 我個friend, 都無問題, 因為我都已經鬧到佢飛起already)!

因為個故事太長, 我用point form 啦! 賤量跟番事發嘅time line 啦!



以上都係個劇野嘅所作所為, 只有講少左講漏左, 但就絕對無添加! 仲要係重複發生....

我都唔知道我朋友點頂個劇野, 成日都話唔想個仔响單親長大, 但個仔响咁嘅環境長大, 都唔見得對個仔無壞影響, 分分鐘壞影響仲大過單親.... 次次踢走條佬, 都會開返門個佢入屋.... 到依家搞到咁大單, 都仲同我講, 會俾機會佢....  我真係speechless.... 不過, 又唔係我老公.... 我只可以每一至兩個禮拜, 就我朋友呻一次, 次次都係三幅被, 老實講, 聽到佢電話又覺得煩, 聽唔到佢電話又擔心.....
作者: fibbi    時間: 2013-1-19 23:20

與其個小朋友喺啲咁嘅環境長大，寧願單親家庭好過。

不過一個願打，一個願捱，無得講啦。
作者: randommike    時間: 2013-1-20 00:48

is this what they meant by 'girl like bad boys, nice guys finish last'

HK also have social services right? get your friend to give them a call.
best of luck, jiujiujiu
作者: lo_pak    時間: 2013-1-20 02:01

只要您朋友能夠"自食其力"，沒有什麼可可怕的……
女人，只要"你"能夠"証明"能夠"自食其力"……沒有什麼人可以傷害你們，除了子女……
作者: lo_pak    時間: 2013-1-20 02:08

回復 2# fibbi 伱説了，
你講咗，等如無講……
作者: fibbi    時間: 2013-1-20 02:17

回復 5# lo_pak


    個女嘅如果係識諗嘅就飛咗個男嘅好耐啦。所以就算旁觀者講咩都係等於無講架咋。
作者: lo_pak    時間: 2013-1-20 02:23

本帖最後由 lo_pak 於 2013-1-20 02:26 編輯

可以用來形容父親可以是"他"，也可以是"牠"，更怎者，也可以是"它"……
"他"，可以—世也忘懷不了；其它的"它"，只會是痛中的苦……
作者: reyes    時間: 2013-1-20 02:48

用個吸塵機個兩碌pipe 去追貓打---笑鳥
咁既男人冇形容詞可以形容到, 只可以講佢連'紙'都不如

香港都有好多好似呢D男人, 佢地有咩吸引力令個女可以一次又一次俾佢返入屋
作者: 大C姐    時間: 2013-1-20 14:04

回復 1# jiujiujiu


    首先，我冇睇過你之前個post，我唔係好知前文後理，但係你講完第一個point已經唔洗再睇落去，已經覺得你個立場好有問題。

我經常同人講，每個人都有老竇老母，兩位家長都有權同義務幫BB做決定。點解你會覺得個男人叫你朋友唔好生係咁不人道？掉轉講，若然個男人想要BB，女嘅唔想要，男人可唔可以逼佢生仔？

各位姊妹，真係唔好覺得個肚喺自己度就可以話晒事，你唔俾個爸爸有意見一意孤行，其實一樣咁自私。

有咗BB係兩個人責任，女方唔避孕或唔要求對方避孕，都係有錯。自己未成熟未了解家庭狀況堅決生仔，對個BB好唔公平。你個女朋友（可能包括你）覺得落仔好唔道德，同啲冇諗後果就養寵物嘅主人一樣，欠成熟兼不負責任。既然意外懷孕已經係錯事，點解要一錯再錯？

OK，你朋友可以好有條件去做single mom。可能屋企長輩可以照顧到BB，自己經濟上又負擔得起，好想有BB，咁都可以講得過去。但係精神上同心理上係咪ready先？今日從你口中數佢男友嘅不是，儘管個男人有幾衰，作為母親點都要將小朋友嘅利益放到最前，你朋友做唔做到呢？

永遠呢啲家庭悲劇都係有一個enabler去延續不幸事情嘅發生。亦有一啲自以爲好幫到手嘅朋友感情用事用迂腐同扭曲嘅道德去誤導個當事人。


老實講，你數臭嗰個男人幫到咩手？口口聲聲話對方嗰劇嘢，但係你朋友係受害者咩？（你係有心幫手就babysit幾個鐘等你朋友可以去剪個髮做個spa已經好夠）由頭到尾最受害係個BB，同埋可能最後要執手尾嘅公公婆婆。如果一開始成熟啲決定唔要個BB，可能咩事都冇發生，大家各走各路。

所以我一睇就覺得你有問題係因爲知道咗咁多事之後依然blame個男人叫你朋友落仔。對我嚟講，呢個係成篇嘢最合情理嘅行爲。
作者: jiujiujiu    時間: 2013-1-20 19:02

回復 9# 大C姐


你睇左前面part 1先啦!
作者: jiujiujiu    時間: 2013-1-20 19:38

回復 9# 大C姐


我立場確實好鮮明架! 我第一句就用"個劇野"形容個位人兄, 唔駛講都知啦! 我無話過我個朋友無問題, 但, 佢點有問題都唔係應該咁俾人糟質卦! 人人都有阿媽生架!
當條女一有左, 諗都唔諗就話"咁你去落左佢囉"既人, 對呢D人點會無立場呀!
你唔睇前文就批評話有問題, 你睇左part 1 先講啦! 你睇清睇楚我part 1 & 2 寫咩先回應啦! 我已經用中文寫呢2個post 架喇啵, 你無理由睇唔明卦!
我可以話你知, 你樓上個幾個人都有睇過, 因為人家之前有回應過....
我無話blame 人家有無叫人落仔, this is not the point!
當一個做人爸爸既人, 一個禮拜有最少3晚都叫人陪佢飲到半夜2點幾, 貓晒咁返屋企, 返到黎仲要嘈之巴閉咁, 個老婆就已經湊仔返工搞到日日唔夠訓, 搞到個老婆仲加唔夠訓, 嚇到個仔嘔黃膽水, 你唔覺呢個人有問題? <-- 呢個問題我有blame 過個劇野叫人落仔咩?
個老婆係要返工架! 諗住個老公無返工, 一早叫左個老公接仔, 但個老公為左响竹館(驚你唔明, 即係麻雀館)打牌打到唔去保母度接仔, 咁樣無問題? <-- 呢個我又有blame 咩?
自己有做野, 但就唔養家, 咩都老婆俾晒, 水電煤, 屋租, 保母錢, 奶粉尿片, 咩都老婆俾, 但自己搵個D就拿晒去竹館度輸, 咁無問題! 大佬, 食軟飯都要provide service 啦! 下化~ <-- 難道呢個有blame?
有咩都賴落隻貓度, 大佬, 畜牲黎架咋! 咪玩啦! 追貓打打到個新吸塵機個2碌喉爆晒, 發脾氣又踢到你新買個雪櫃凹鬼晒, 你話佢又有幾愛錫珍惜你買既野呀! 咁樣都無問題! <-- 好明顯呢個唔關落唔落仔啦!
自己懶唔做野, 就响嘈交個陣話"如果你唔拎走隻貓, 我就唔會做野!" 呢D係咩鬼爛excuse呀! 低能智障都唔會用啦! <-- 呢個我寫漏左既尋日, 但, 都好似唔關落唔落仔事啵...
如果你同條佬嘈嘈下, 你條佬突然入廚房拿把菜刀出來, 叫你一係劈死佢, 一係劈死個B, 呢個已經太over 啦! 係人身安全喇~ 難道又係話我blame 劇野好叫個女人落仔....

我都知道我朋友唔抵幫, 條路係佢自己揀, 但犯賤極, 個劇野都無理由咁對人卦!
作者: jiujiujiu    時間: 2013-1-20 19:42

回復 2# fibbi


係架! 絕對認同, 但, 老實講, 真係聽到電話就覺得佢煩, 但無電話到, 無whatsapp到, 真係擔心架!
我都真係戥我契仔慘... 有個咁既老豆...
我認得呢個B做契仔, 即係佢阿媽係我老死啦... 唉....
我認契仔, 係想開心架, 唔係擔心呀~
作者: jiujiujiu    時間: 2013-1-20 19:43

回復 3# randommike


呢個, 我真係答唔到你....
見到個老友搞成咁....  我可以講D咩呢..... 唉~
作者: mcjohnjohn    時間: 2013-1-20 19:47

人間悲劇...
來到呢一步, 唯有希望有人會痛改前非.
作者: jiujiujiu    時間: 2013-1-20 19:50

本帖最後由 jiujiujiu 於 2013-1-20 19:55 編輯

回復 6# fibbi
回復 14# mcjohnjohn

係架!
到今時今日都話俾機會劇野改, 咪玩啦! 劇野一番到家姐度, 俾全屋人片完之後, 夜晚又再飲過酒, 跟住打電話片個老婆, 話個老婆好响佢D家姐面前爆佢大鑊, 呢D人會唔會改呀! 白癡都會話你知道, 呢劇野絕對唔會改啦! 係要等我個朋友自己醒架喇, 無法啦! 人家寧願俾人糟質都唔想醒, 真係無人幫到佢架!
作者: jiujiujiu    時間: 2013-1-20 19:53

本帖最後由 jiujiujiu 於 2013-1-20 19:54 編輯

回復 7# lo_pak
回復 8# reyes


我就係諗唔到應該用邊個"他", 咁咪索性用"個劇野"來稱呼佢囉!
我驚叫佢"廢柴", 會侮辱左D"廢柴"; 叫佢"人渣"又會侮辱左D"人渣"咋~
作者: 大C姐    時間: 2013-1-20 21:43

回復  大C姐


我立場確實好鮮明架! 我第一句就用"個劇野"形容個位人兄, 唔駛講都知啦! 我無話過我個朋友 ...
jiujiujiu 發表於 2013-1-20 19:38



    恕我直言，總括成件事其實兩個字講晒，＂攬炒＂。

我都係冇咩心機睇晒你數其他人嘅不是，因爲個着眼點根本唔喺個男人有幾衰。我覺得你化太多篇幅去指摘人，我完全諗到你喺個朋友面前一樣數臭佢，甚至同啲三姑六婆説三道四講到口水花四淺翻雲覆雨....咁又如何？

我相信個男人係人辦，呢個你唔洗再prove。但係既然講到出刀恐嚇，係咪應該報警呢？點解講到咁兒戲仲係數緊人哋飲酒飲到三更半夜？？

我嘅意思係, you have a bigger fish to catch（唔知你識唔識英文睇唔睇得明）。你係有心幫，就正面啲去做有建設性嘅事。事情未到最壞係咪可以見family counseling呢？當你知道你朋友俾個男人攞刀指住都唔報警，係咪可以幫佢搵法律意見攞撫養權攞禁制令呢？

你唔可以見到有人俾車撞，你淨係一輪嘴數個司機，話佢點衰點衰，你係咪應該將個focus去幫個受害者呢？

呢啲個案好多時受害者／當事人都好唔清醒，唔覺得自己踩緊個凼。就係因爲咁，你作爲好朋友就更加要冷靜啲，理性啲去解決問題。
作者: 大C姐    時間: 2013-1-20 23:14

本帖最後由 大C姐 於 2013-1-20 23:16 編輯

我講漏咗一點，當初你朋友好堅決生叫個男人唔想要BB可以走嘅時候，唔係已經諗住自己湊大個仔？點解依家生咗出嚟又怨個男人唔喺屋企照顧BB，又話佢冇俾家用？

呢啲係一千年後都仲可以做故仔嘅經典橋段，個女人鍾意浪子嘅不羈同野性，又同時希望佢有一日浪子回頭會變成一隻綿羊做住家公。根本你朋友自己心裡好有問題。

正所謂一指錯滿盤皆落索，感情嘅投資都要搵止蝕位離場。仔又係你朋友一個人話要生，生咗出嚟就要兩個大人一齊承擔？一開始都已經唔想有細路嘅男人，點解到今時今日你哋班C９先嚟話佢對屋企冇貢獻，對個仔冇付出呢？有病嗰個係你哋定係＂嗰劇嘢＂？


儘管個男人有幾差勁，呢個根本係一個S&M relationship。揸住條鞭嗰個可能係個男人，但係自願上綁嘅係你個friend呀。
作者: sheep    時間: 2013-1-21 10:08

本帖最後由 sheep 於 2013-1-21 10:09 編輯
儘管個男人有幾差勁，呢個根本係一個S&M relationship。揸住條鞭嗰個可能係個男人，但係自願上綁嘅係你個friend呀

大C姐 發表於 2013-1-20 23:14



    你咁講
一句
一個願打一個願挨
咁唔等於各打五十大板
當事情轉壞
就要唔俾佢更惡劣
真面目出咗來
就要下定決心

do the right thing
作者: sheep    時間: 2013-1-21 10:11

都係嗰句
雞蛋與高牆
我永遠都係企響雞蛋嗰邊
作者: 布小熊    時間: 2013-1-21 10:26

我講漏咗一點，當初你朋友好堅決生叫個男人唔想要BB可以走嘅時候，唔係已經諗住自己湊大個仔？點解依家生咗 ...
大C姐 發表於 2013-1-20 11:14 PM


I think a very important information of part 1 is...
This couple is in HK. I don't think there is as much support in HK for family abuse as here.
Don't think HK police take domestic violence as serious as it here.

作者: 大C姐    時間: 2013-1-21 14:26

本帖最後由 大C姐 於 2013-1-21 14:31 編輯
Don't think HK police take domestic violence as serious as it here.
布小熊 發表於 2013-1-21 10:26



做少少research先講啦，唔好又誤導其他可能有家庭問題嘅香港人。

    香港家庭暴力條例制定於於1986年，屬於民事法例。至於涉及刑事犯罪的家庭暴力個案，則分別以《刑事罪行條例》（第200章）、《侵害人身罪條例》（第212章）、《保護兒童及少年條例》（第213章）、《精神健康條例》（第136章）等不同法令加以處理。

香港《家庭暴力條例》是香港政府於1986年制定的民事法例，主要就家庭暴力（當中包括性暴力和精神暴力）受害人的民事補救事宜訂定條文，使家庭暴力受害人──婚姻其中一方或同居男女的其中一方，可向法院申請強制令，以免受另一方的「騷擾」。同時，為未有打算提出離婚的人，提供快捷和簡便的措施，讓雙方在分居的時間冷靜下來處理問題，也讓有親密關係的人，因不願舉報同居者的暴力行為，而提供暫緩的補救方法。


社會福利署，家計會同其他私營機構都有唔同嘅婚姻輔導，心理治療：


香港心理輔導中心是一間提供全面心理輔導服務的私人機構，有十多位具備不同專長的治療師，為個人及家庭提供面談輔導服務， 可安排7天內約見，所有資料均會保密 。

婚姻輔導
婚後共同生活了一段日子，夫妻間有了一定的認識，包括對方的優點和缺點，如未能掌握彼此尊重和接納，很容易在生活上有不同程度的磨擦和不和，甚至考慮離異。婚姻輔導可協助受助者重新檢視婚姻關係中的問題所在，以及協助夫妻挽救關係或找尋合適的出路


家庭治療
家庭中每個人都背負不同的角色，功能良好的家庭裏每個成員都感到被接納和受重視，相反功能不良的家庭裏有很多的指責或逃避，家庭治療可協助受助家庭檢視和了解現時各家庭成員的關係和感受，並且按家庭需要重新建立良好的溝通模式和關係





http://www.hkpcc.hk/v2/zh-hk/index/
http://www.swd.gov.hk/vs/chinese/welfare.html
作者: 布小熊    時間: 2013-1-21 17:05

做少少research先講啦，唔好又誤導其他可能有家庭問題嘅香港人。

    香港家庭暴力條例制定於於1986年 ...
大C姐 發表於 2013-1-21 02:26 PM

Great, jiujiujiu can forward those to her friend and see if she will use it.
作者: sheep    時間: 2013-1-21 17:25

做少少research先講啦，唔好又誤導其他可能有家庭問題嘅香港人。

    香港家庭暴力條例制定於於1986年 ...
大C姐 發表於 2013-1-21 14:26


唔好玩喇
有服務唔等於幫到你
出咗事嗰陣你就知
作者: 大C姐    時間: 2013-1-22 10:56

唔好玩喇
有服務唔等於幫到你
出咗事嗰陣你就知
sheep 發表於 2013-1-21 17:25



    有警察唔代表唔會俾人打劫，報咗警唔代表一定攞得返晒啲失物，但係唔代表警方冇用，俾人打劫唔洗去報警。

我想強調係，好多好似你同jiujiujiu呢啲＂好心＂嘅意見，但係全部都係負面嘅點解？jiujiujiu就不斷dwell on個男人有幾衰，可能喺當事人同個小朋友面前都繼續數緊＂嗰劇嘢＂，但係傷害緊嘅唔係個男人囉我可以好肯定，你係傷害緊個細路同個女朋友，因爲個男人都係佢選擇嘅。

又到好似你嗰啲＂末日輝＂，咩都話冇用㗎，幫你唔到㗎，徙錢徙時間... 咁係咪喺屋企以戾洗臉，同啲女朋友呻個男人有幾衰就幫到件事呢？

我可以講，當呢啲女人走出自己屋企，去呢啲服務團體，認識其它個案，肯定會有啟發。呢個社會幾多家庭有問題，幾多父母對住啲智障細路要２４小時照顧，咁呢啲父母如果聽聽埋埋好似你呢啲人講＂傻啦，唔好玩啦，點會幫到你呀＂，係咪要攬住個仔跳樓死咗去？
作者: sheep    時間: 2013-1-22 13:04

回復 25# 大C姐


    我睇唔到你係建議佢去離開個男人
去自力更新
我收到你嘅信息係
佢自作賤
作者: 大C姐    時間: 2013-1-22 14:30

回復  大C姐


    我睇唔到你係建議佢去離開個男人
去自力更新
我收到你嘅信息係
佢自作賤 ...
sheep 發表於 2013-1-22 13:04


你理解能力差我幫你唔到，唔好意思。


我覺得任何問題出現只會針對點樣解決而唔係抱怨，莫講話世事無常好多事自己控制唔到，意外係意料之外，呢件事係絕對可以避免同當事人係絕對要負責。

首先如果我係當事人，我冇能力養，我未有一個隠定關係我唔會生。點解未生之前個男人唔想做老竇，生咗之後死都要逼人做稱職嘅爸爸？呢個係講唔通。

既然米已成炊，就面對現實啦。佢唔想做老竇就放生對方啦，放多啲心機喺自己個仔到，我諗個仔大個一定明白阿媽嘅苦心。如果仲有感情都可以繼續拍拖，不過可以自己負擔起所有做家長嘅責任，個爸爸想見嘅時候可以安排。我諗如果你唔要個男人付任何責任，９成嘅男人都唔介意得閒去見吓個仔嘅，係咪？

當你唔expect對方去做任何嘢，根本就唔會有任何其它嘅事發生，咩夜返，飲酒，賭錢，都唔關你事，合得來不合則去。今日佢唔係你想要嘅男人，聽日同後日都唔會係，不如學習放下自在。
作者: sheep    時間: 2013-1-22 14:58

回復 27# 大C姐


    你咁好辯才基本上你都係屬於
孤芳自賞之流
作者: ricrick    時間: 2013-1-22 16:18

放手，很容易卻很難
作者: rainbow-davie    時間: 2013-1-22 16:36

Your friend so dumb.  
finally she made the good decision and hopefully she will stick with it.  ( which I doubt).
Tell her, in this world, no one cannot live without someone.  The world so big and there are over billions of people, why has to stick with this idiot?  right?
作者: jiujiujiu    時間: 2013-1-22 19:12

回復 22# 大C姐

做左research 有咩用, 難道你覺得佢一去求助, 人家就一定處理佢呢個case 喇咩~ 人地大把file 响度處理緊呀~ 排到佢恐防佢唔係俾菜刀劈死左, 就係俾碌吸塵機喉打死左啦!

好老實講, 我知我個好朋友係自己拿黎賤架喇, 真係唔抵幫, 你咪我地呢D朋友得個講字呀, 我同埋佢個妹幫到佢好行, 撐到佢行架! 錢呀, 時間呀, 你諗到諗唔到既方面我地都幫佢架! 唔係得個講字架! 不過, 依家唔係我地黑心, 想搞到人離婚, 而係講緊人身安全, 已經超越左一個願打一個願挨呢個level 喇~ 連自己既人身安全都顧唔到, 點照顧個仔呀~ 咁簡單你都諗唔到呀~ 個仔有個咁既老豆, 會唔會唔學壞呀~ 一日到黑都見到個老豆响度糟質個阿媽, 一係就學到好似個老豆咁賤格, 唔係, 學似佢老豆咁一日到黑都掛住去竹館打牌, 咁夠好啦~ 下化~ put yourself in her shoe, 你諗下如果你係佢, 你會點....


你好彩, 你幸福, 你未遇過賤人, 我地唔係負面, 而係你太幸福咋~
作者: jiujiujiu    時間: 2013-1-22 19:17

回復 23# 布小熊


算把啦! 我同佢個妹都放棄佢喇! 到今時今日都仲話會俾機會個劇野!
唔係我睇死個劇野, 佢一定唔會改, 就算改, 都係三分鐘熱度, 眨下眼又會故態復萌!
一飲左酒就發酒癲, 返到屋企就咆哮, 次次都兇個老婆, 佢老婆好彩, 次次個劇野一郁手作勢想打個陣, 個B就會俾佢嚇醒左响度喊..... 個B救過佢都好多次啦~ 仲唔醒覺... 無得救架喇佢!
作者: jiujiujiu    時間: 2013-1-22 19:29

回復 30# rainbow-davie


nope! she's still dumb! extremely dumb! she didn't make any good decision, if she had made a good decision, she had already get rid of that fxxxing guy~
佢到依家仲話會俾機會呢劇野, 我聽到真係O晒嘴~ 到依家都仲話唔想個仔响單親家庭長大, 老實講, 有劇咁既老豆, 仲衰過無老豆啦! 下化! 呢D咁既老豆, 真係唔要都罷啦! 執到都喊三聲呀~
作者: jiujiujiu    時間: 2013-1-22 19:29

回復 29# ricrick

放手不難, 醒覺更難!
作者: reyes    時間: 2013-1-22 19:40

回復 33# jiujiujiu

想個仔响單親家庭長大都可以搵個個呀
作者: jiujiujiu    時間: 2013-1-22 19:53

回復 27# 大C姐


係架! 個劇野去死都唔關我事架!
不過, 個劇野爭我錢啵~ 仲要爭個老婆幾個朋友錢, 同個老婆個妹錢, 咁你話佢仲有無權利去賭錢?
但個老婆一個禮拜打黎幾次, 日日whatsapp 我, 都係講個老公點對佢, 雖然日日三幅被, 但日日都係新鮮發生, 你會點呢? 難道cut 佢線呀~ 做人唔係咁架~ 呢D唔係放下呀~ 我自問做唔出咁對一個20幾年既好朋友啵~
作者: jiujiujiu    時間: 2013-1-22 19:59

回復 35# reyes


well, 當一個人唔想醒, 係點都唔會醒, 講咩都無用!
作者: mcjohnjohn    時間: 2013-1-22 20:19

我自問做唔出咁對一個20幾年既好朋友啵~
jiujiujiu 發表於 2013-1-23 11:53

我以為你朋友只係十幾歲果D o靚妹... 識左20幾年, 冇30 都廿到炆...
咁大個人都仲未識諗? 我唔信. 會唔會佢知道一D 你唔知道既野, 所以成MAKE 呢個決定乍?
作者: reyes    時間: 2013-1-22 21:18

回復 37# jiujiujiu

所以我問隻佬有咩咁吸引, 定係你朋友俾佢催眠左
作者: jiujiujiu    時間: 2013-1-22 22:01

回復 38# mcjohnjohn


佢到今時今日都話會俾機會個劇野, 話唔想個仔响單親家庭長大
但我覺得佢係怕無面, 因為舊年2月先過黎溫哥華結婚, 但我已經寸過佢, 話佢選擇嫁呢劇野個陣, 已經响佢D親戚面前咩面都無, 因為我朋友成個家族都極之睇唔起佢老公, 超討厭佢老公架喇~
作者: jiujiujiu    時間: 2013-1-22 22:12

回復 39# reyes

我都好想知道.....
當初佢識呢個人個陣, 同我講話佢好靚仔, 好似老左既edison 咁, 雖然, 我唔覺得edison 靚, 但都叫五官OK啦, 普通土生仔咁囉, 一街都係咁上下
點之, 有次我返HK, 終於見過劇野個真身~ OMG~ 嚇死人! 頭尖額窄, 無厘貴格, 成個又老又削既新馬仔咁既款, 我個陣都仲未憎佢已經有咁既感覺喇~
總之就勉強都可以講係"五官儲齊"架咋! 不過, 連"五官端正"都算唔上囉! 同靚就簡直連邊都沾唔上囉~
作者: mcjohnjohn    時間: 2013-1-22 22:28

但我已經寸過佢, 話佢選擇嫁呢劇野個陣, 已經响佢D親戚面前咩面都無, 因為我朋友成個家族都極之睇唔起佢老公, 超討厭佢老公架喇
jiujiujiu 發表於 2013-1-23 14:01

所以未必關有冇面事.
作者: randommike    時間: 2013-1-22 22:34

回復  大C姐


係架! 個劇野去死都唔關我事架!
不過, 個劇野爭我錢啵~ 仲要爭個老婆幾個朋友錢, 同個老婆 ...
jiujiujiu 發表於 2013-1-22 19:53


Actually, just cut her off. tell her that if she wants to talk to you, she better not be complaining about her husband. When you can't help those who can't help themselves, it is time to move on.

There is nothing wrong with single family.
作者: 大C姐    時間: 2013-1-23 09:51

回復  大C姐

做左research 有咩用, 難道你覺得佢一去求助, 人家就一定處理佢呢個case 喇咩~ 人地大把file ...
jiujiujiu 發表於 2013-1-22 19:12



    你又去返嗰個位，我已經列明家暴條例同侵害人身罪條例。如果個男人真係出手，無論係咩原因，幾時發生，你知道之後都可以亦都應該報警！

唔好再俾咁多藉口去唔正面面對件事，你不停兜圈子，其實同你個朋友一樣咁執著。



當然家家有本難唸的經，你朋友唔接受輔導亦冇辦法去逼佢。作爲朋友我會潛移默化，俾多啲option佢去揀。最緊要係monitor住佢同小朋友嘅狀況，有咩事真係要報警處理。因爲呢啲第日都係追討撫養權嘅原因同證據，提醒一下你朋友啦。
作者: 大C姐    時間: 2013-1-23 09:55

回復  大C姐


係架! 個劇野去死都唔關我事架!
不過, 個劇野爭我錢啵~ 仲要爭個老婆幾個朋友錢, 同個老婆 ...
jiujiujiu 發表於 2013-1-22 19:53



    唔好話我又唱反調...不過呢個世界真係冇＂借＂錢呢回事，你有多餘錢就只可以俾人應急，但係唔好預有得還。


尤其你講到嗰個男人咁賴皮，而且你係咁數佢，俾著我係個男人都唔會還錢俾你啦！如果到今時今日你都仲咁naive覺得啲錢追得返，我會有少少睇你唔起...
作者: reyes    時間: 2013-1-23 14:56

回復 41# jiujiujiu

果真各花有各眼......
佢可能話好似edison 咁鐘意玩, 咁鐘意影相
作者: fibbi    時間: 2013-1-23 15:45

回復 46# reyes


LOL!
作者: ricrick    時間: 2013-1-23 17:55

希望你能提供大量相片，花生友才可盡量入戲
作者: mcjohnjohn    時間: 2013-1-23 18:30

希望你能提供大量相片，花生友才可盡量入戲
ricrick 發表於 2013-1-24 09:55

我又想入埋一份.
作者: jiujiujiu    時間: 2013-1-23 18:38

回復 46# reyes


佢識鬼影相咩~ 連電話sms 都唔多曉呀佢! 佢文盲黎架! 盲字都唔識多隻(我唔係講英文呀, 我講緊中文咋! 英文更加唔駛講啦!), 50歲人, 一事無成, 懶到出汁, 爛賭爛飲, 無錢無面, 無厘責任, 呃家姐兇老婆....

呢D就係佢特質, 簡直人間極品啦! 有買趁手喇!
作者: mcjohnjohn    時間: 2013-1-23 18:46

回復  reyes


佢識鬼影相咩~ 連電話sms 都唔多曉呀佢! 佢文盲黎架! 盲字都唔識多隻(我唔係講英文呀, 我講 ...
jiujiujiu 發表於 2013-1-24 10:38

點解咁都有人吼? 你個朋友係唔係夏蕙姨既質素?...
作者: jiujiujiu    時間: 2013-1-23 18:46

回復 44# 大C姐


佢都話佢仲會俾機會個劇野, 咁即係就算有咩資源, 人家立刻處理佢, 佢都唔會去求助啦~
佢响溫哥華結婚, 返到HK都無去入境處改番個status, 即係話, 佢燒左張加拿大結婚證書, 就等於無結過婚架喇~ 駛鬼搞咁多野....
作者: mcjohnjohn    時間: 2013-1-23 18:50

回復  大C姐


佢都話佢仲會俾機會個劇野, 咁即係就算有咩資源, 人家立刻處理佢, 佢都唔會去求助啦~
佢响 ...
jiujiujiu 發表於 2013-1-24 10:46

結婚證書燒左, 但會冇左record 咩? 就算比你個朋友燒左, 個男人都應該可以申請千千萬萬個hardcopy 吧~
作者: jiujiujiu    時間: 2013-1-23 18:56

回復 45# 大C姐


你睇清楚先啦!
我話佢爭我錢, 而且唔還錢, 但我幾時話過我要追佢還錢啵~

男兒天職保家眷呀~ 唔養都唔好糟質吖~
有借有還上等人, 唔係閒錢點會借俾人啦~ 我癲咋, 唔係低架!
呢個唔係我追唔追既問題, 而係佢確實係一個低等既人!
作者: jiujiujiu    時間: 2013-1-23 19:03

回復 53# mcjohnjohn


佢都唔會再响溫哥華結婚架啦! 有幾大問題呢~ 況且, 咩你唔知呢度結婚好兒戲架咩~
溫哥華結完, 再去多倫多結, 跟住再去Edmonton, 落埋Las Vegas 都仲得呀~ 係香港先咁麻煩要响註冊處門口貼張申請書咋嗎~
一舊水响notary public 搞掂張marriage licence, 基本上, 你call 到marriage commissioner 的話, 即刻都可以簽名啦~ total 兩舊水加幣搞掂架喇!
作者: jiujiujiu    時間: 2013-1-23 19:05

回復 51# mcjohnjohn

呢個, 你真係考起....
正常人都應該唔會架....
不過, 你都睇到我D post 架啦, 我個朋友咁唔正常, 真係好難講~
作者: mcjohnjohn    時間: 2013-1-23 19:10

回復  mcjohnjohn


佢都唔會再响溫哥華結婚架啦! 有幾大問題呢~ 況且, 咩你唔知呢度結婚好兒戲架咩~
溫哥 ...
jiujiujiu 發表於 2013-1-24 11:03

小弟真係唔知, 我只知道當年結婚搞左好耐, 要book 教堂, 又要搵神父, 又要彩排... 香港政府可能要革新, 用sms 或whatsapp 結婚啦! 哈哈~
作者: jiujiujiu    時間: 2013-1-23 19:11

回復 43# randommike


yup~
everyone knows there is nothing wrong about single parent~
but, if someone doesn't want to wake up, refused to wake up, what can u do about it?!
作者: mcjohnjohn    時間: 2013-1-23 19:12

回復  mcjohnjohn

呢個, 你真係考起....
正常人都應該唔會架....
不過, 你都睇到我D post 架啦, 我個朋 ...
jiujiujiu 發表於 2013-1-24 11:05

咁, 都好恐怖... 都好唔正常... 都好唔知點講...
通常, 小弟見到D 咁唔正常既野, 都會避之則吉, 或者逃之夭夭, jiujiu 你真的有情有義!
作者: jiujiujiu    時間: 2013-1-23 19:13

回復 57# mcjohnjohn


Vegas 仲快呀!
作者: mcjohnjohn    時間: 2013-1-23 19:16

回復  mcjohnjohn


Vegas 仲快呀!
jiujiujiu 發表於 2013-1-24 11:13

是嗎? 我只知道輸錢也會輸得很快! 哈哈~
作者: jiujiujiu    時間: 2013-1-23 19:19

回復 59# mcjohnjohn


我識佢個真好正常架啵~
不過, 人如果變得低級, 只要醒悟, 舊會回復正常, 但如果人變得低等, 咁就神仙難救喇!

當年佢同埋一班朋友貪得意, 去鬼左廟街睇相, 個睇相佬十幾年前已經話佢"人渣攝石, 唔衰o個個都唔黏得耐黏得實"架! 呢句說話唔係我講架, 真係個睇相佬講架! 所以, 你都咪話廟街個D睇相佬呃飯食呀!
作者: jiujiujiu    時間: 2013-1-23 19:23

回復 61# mcjohnjohn


我又唔覺得啵....
我去親Vegas 都係去睇show, shopping, 同埋食野, 我又唔賭錢, 所以, 唔會輸! 哈哈~
而且, Vegas D注碼細過澳門咁多, 唔怕啵~
作者: reyes    時間: 2013-1-23 19:50

回復  mcjohnjohn


Vegas 仲快呀!
jiujiujiu 發表於 2013-1-23 19:13


vegas 好似walk-in 就可以?
作者: jiujiujiu    時間: 2013-1-23 19:54

回復 64# reyes


都要去拿marriage licence, book chapel 都好方便, 連witness 都唔需要帶去...
我同我老公去Vegas 結婚, 都係借左間chapel 個photographer 做witness 咋!
但Vancouver 就要2個witnesses 囉~
作者: reyes    時間: 2013-1-23 19:57

回復  reyes


佢識鬼影相咩~ 連電話sms 都唔多曉呀佢! 佢文盲黎架! 盲字都唔識多隻(我唔係講英文呀, 我講 ...
jiujiujiu 發表於 2013-1-23 18:38


唔影相, 拍片
呃手無寸鐵既女人好多男人都鐘意

咁你朋友係唔係好索架? 索女配你形容既(男人)
作者: jiujiujiu    時間: 2013-1-23 20:01

回復 66# reyes


OK架~
但人地已經係中女囉啵~
作者: mcjohnjohn    時間: 2013-1-23 20:02

回復  mcjohnjohn


我識佢個真好正常架啵~
不過, 人如果變得低級, 只要醒悟, 舊會回復正常, 但如果人變得 ...
jiujiujiu 發表於 2013-1-24 11:19

"人渣攝石" 呢一個term 第一次聽, 正!
當年學校都有神父話我係"墳場姑爺仔", 我都唔敢話D 神父唔識風水面相呢! 只不過今時唔同往日了. 哈哈~
作者: mcjohnjohn    時間: 2013-1-23 20:04

回復  mcjohnjohn


我又唔覺得啵....
我去親Vegas 都係去睇show, shopping, 同埋食野, 我又唔賭錢, 所以, ...
jiujiujiu 發表於 2013-1-24 11:23

其實我都唔賭錢的, 麻雀我都唔鍾意打, 唔係因為怕輸, 只係唔想人地輸.
作者: mcjohnjohn    時間: 2013-1-23 20:05

回復  reyes


OK架~
但人地已經係中女囉啵~
jiujiujiu 發表於 2013-1-24 12:01

有林志玲質素的中女也不錯.
作者: reyes    時間: 2013-1-23 21:20

回復 62# jiujiujiu

咁準, 個睇相佬仲係唔係到?
想俾佢指點下
作者: reyes    時間: 2013-1-23 21:21

回復  reyes


OK架~
但人地已經係中女囉啵~
jiujiujiu 發表於 2013-1-23 20:01

又一對美女與野獸
作者: jiujiujiu    時間: 2013-1-23 21:41

回復 72# reyes


你錯喇~ 唔係野獸呀! 係禽獸呀!
作者: jiujiujiu    時間: 2013-1-23 21:45

回復 71# reyes


個睇相佬準唔準就唔知, 但我就好like 佢把咀囉~ 咁難諗都俾佢諗到個呢個形容詞...



歡迎光臨 溫哥華老友記討論區 (http://www.loyaukee.com/forum/) Powered by Discuz! 7.2