溫哥華老友記討論區 - Powered by Discuz! Board

標題: 馬國明畀女點爆粗 [打印本頁]

作者: tiffiant 時間: 2015-9-18 21:58 標題: 馬國明畀女點爆粗

馬國明畀女點爆粗

無綫男神馬國明天然呆迷死女，可是日前他與音樂人林敏驄踢波時，男神竟「麻甩」爆粗！阿驄更忍唔住把「罪證」短片放上Facebook，片中清楚聽到馬國明說：「依家廿六、七點好X高！」爆粗教壞細路的他，竟有網民讚夠Pure夠True，逾1.5萬網民觀看，果然係不一樣的男神，難怪阿驄踢爆他成日畀女點，點開都有廿六、七個！

馬國明踢波期間失言，不過他形象健康，相信男神地位不會受影響！

採：影視組　文：專案組

作者: tiffiant 時間: 2015-9-18 21:59

圈中「筍盤」男神馬國明近日相繼跟唐詩詠和黃心穎傳緋聞，畀「女」搞到一頭煙的他惟有鬆一鬆，日前孖住波友林敏驄及吳家樂踢波，可是阿驄卻在Facebook開心Share馬國明在賽後的爆粗短片，片段中馬國明衝口而出：「依家廿六、七點好X高！」即引起全城熱話，片段上載短短三日，截至昨晚已有逾1.5萬網友觀看。其後阿驄在片中再問：「呢排搞咁多女？」馬國明又傻笑說：「我梗係啦！我哋呢啲……」短片便完結。儘管馬國明「麻甩」爆粗有失斯文，不過這位男神反而被網友派Like，有人留言：「馬明男神。夠真。正。。撐！」又有人讚他夠真性情！但年輕Fans你哋唔係男神，爆粗就咪學喇！
小生中最多女

馬國明昨日接受本報電話訪問，對於爆粗一事，他笑說：「我唔回應喇！（嬲林敏驄？）咁我又唔會嬲佢！」而身在日本的阿驄接受電話訪問時貫徹搞笑形象：「我好肯定把聲唔係佢（馬國明），係吳家樂，後面有好多嘈雜聲。」他又大讚馬國明一向活潑，更指馬國明爆粗夠Man：「Man啲仲好，形象百變，唔使成日做小生！」問到廿六、七點的意思？他踢爆馬國明多女埋身：「佢（馬國明）成日畀女點，點開都廿六、七個！咁多小生中，佢最多！」最後他再次強調：「我好肯定把聲唔係佢！」
睇AV流露真性情

其實馬國明表露真性情已非第一次，早年他在無綫頒獎禮上，當頒發視帝給黎耀祥時，就被拍得「天然呆」神情，他接受雜誌訪問時又曾自爆會睇AV，還笑說：「我話冇睇你都唔信啦！」而在智能手機普及的年代，他依然堅持用黑白機，笑言一向不愛追款式，覺得有必要用新功能才會買新機，建立起單純親和的形象。

歡迎光臨溫哥華老友記討論區 (http://www.loyaukee.com/forum/)