溫哥華老友記討論區 - Powered by Discuz! Board

標題: 大C姐鬧爆香港屋宇署 [打印本頁]

作者: 大C姐 時間: 2009-3-28 13:41 標題: 大C姐鬧爆香港屋宇署

最近大C姐消聲匿跡﹐浪跡天涯﹐大家以為好富貴又去旅行﹐其實死窮鬼去左大戰香港屋宇署。

我忍左好耐﹐已經俾足夠時間屋宇署條查﹐但係俾我嘅答覆係強差人意。所以我逼不得以先開post鬧爆政府機構﹐唔好又話有個野蠻港女網上喪鬧人。

事源係個多月前我老豆收到封信﹐信中內容其實簡單嚟講係一個由屋宇署發嘅invoice﹐有關我屋企附近surrounding嘅斜坡維修以及水渠收理嘅費用共達港幣$470,000.00。

當然老人家打個突﹐即刻撥個輪叫我返去處理呢件事。話說上年政府有關部門的而且確係有喺我屋企住址﹐以及周圍一帶﹐做一連串維修工作。幾經轉接﹐最後面對面同屋宇署某部門總管對質。其實起初我哋係好平心靜氣﹐只係想個invoice清楚D列明費用點計出嚟。因為我哋呢D死窮鬼﹐你估半個生係我嘅咩?得果幾百尺斜坡係屬於我哋﹐無理由個費用會咁貴。同埋我哋都唔係一開口就話唔俾﹐我哋講到明﹐收我哋廾幾萬都係合理。

點知果條蛋散﹐好恢氣講句﹐"成個project做左百幾萬﹐政府已經俾左兩份三﹐淨係收你三份一已經好合理。"個面口係好似益左我哋﹐好似佢囉果百幾萬出嚟。我咪即刻得佢囉﹐40幾萬﹐好多人打幾年工都無﹐(我唔敢講﹐"叫你囉40萬cash你都未必囉到啦﹗")我哋唔係唔肯俾﹐但係又無survey﹐連D咩去水渠連appraisal fee都分三份一俾我哋﹐條渠唔係我哋架大佬﹐係公用﹐而且我有俾稅有差晌有咩理由無端端要我補貼你政府項目?

之後條蛋散依然好似食左懵仔丸﹐講句"咁好啦﹐我叫同事出過封detail D嘅 invoice啦。"直頭係好似事不關己﹐好無人情味﹐好涼薄嘅態度。我心諗﹐我呢D都算係中產﹐真係要俾40幾萬都俾得起﹐一般打工仔﹐仔細老婆嫩真係破產都唔惦。有咩可能以一個"益左你"同"已經收得好平"嘅態度對人呢? 呢個咩時勢? 我唔係買架車40幾萬慢慢供﹐你係一張invoice寄嚟收我40幾個﹐你唔清唔楚仲要咁嘅面口?

好彩我識得人多﹐今次用晒友情牌﹐叫晒我班architect同律司friend都要出封信。同埋呢個case話我知﹐做政府機構班蛋散係完全遠離民眾。可能佢哋月薪十幾萬﹐覺得係小數目啦﹐我唔知﹐但係完全唔洗指意會體諒你班茂利同流邏。貫徹香港政府"你死你賤"作風。

-- 對住香港政府機構嘔血嘅大C姐

作者: ricrick 時間: 2009-3-28 13:48

有對兄弟幫到你

作者: Lik 時間: 2009-3-28 15:35

2# ricrick
建議大C姐搵區議員／立法會嘅人幫你出頭，同政府講數。當然，我會叫你去搵D有牙力、幫到事民嘅人。

至於邊個有牙力？講真，你係親建制嘅話，可以去試吓搵磋胸勤果班，幫唔幫到你就你自己諗。唔係嘅話，搵顛狗黨去試吓幫你咬死班狗官都好。其他果D蛋散，絕對係廢柴來嘅。

-力

作者: 大C姐 時間: 2009-3-29 10:48

3# Lik

力哥好叻呀~

我真係有﹐個區議員好勁﹐好快同我出左一封信﹐完全講到我心聲﹐呢度應記一功。

但係都係得個等字。我唯有安慰住我老豆﹐果少少錢我頂啦﹐唔好要個老人家擔心啦。確實覺得俾得唔值姐﹐又唔係無嘅。

-- 大C姐

作者: RayRay 時間: 2009-4-2 21:45

好叻 , 好勁

歡迎光臨溫哥華老友記討論區 (http://www.loyaukee.com/forum/)