soli

原來力哥係傾向共產主義既~

soli

福利多如加拿大﹐訓街既同執垃圾開檔黎賣既人依然存在﹐貧富懸殊一樣無解決﹐而且仲不斷惡化。
o甘既情況下﹐阿力哥響加拿大投票卻投最右既保守黨而唔投新民主黨﹐又反對各工會罷工﹐支持政府減稅。種種舉動﹐令人懷疑阿力哥批評香港貧富懸殊其實只係反對港府既籍口之一。

香港有好多人死都唔肯領綜援﹐寧願打2-3千蚊份工養家﹐我認為呢個先係最大問題﹐唔先解決呢個問題﹐綜援俾多多都都無用﹐在職貧窮既照樣窮﹐只係益左D真正懶人。
呢十幾萬不肯領綜援人士/家庭直接地拉低左基層職位工資﹐惡性循環﹐亦令政府難以預測潛在綜援開支﹐無法大膽調高綜援金額。
但主張叫人領綜援可以話資本主義社會既禁忌﹐就算係社民連班顛狗都唔敢公開鼓勵人辭工領綜援﹐真係無奈呀~

soli

我覺得我唔係貽笑大方o個個窩~
福利再多都一樣有上面所講既問題﹐即係話問題唔一定係響錢個方面﹐死蠢~
無錢會有問題﹐但派多左錢又會有新既問題出現﹐D窮人照樣要訓街執垃圾賣。
而加拿大貧富懸殊係不斷惡化﹐保守黨無cut福利係因為政治壓力﹐但要保守黨傾向窮人就無可能。如果你真係o真心想降低貧富差距﹐就一定唔會選保守黨。所以話你其實只係一個偽君子而已。
唔領綜援好大程度係因為社會價值觀既關係﹐領綜援既人常被歧視﹐要靠宣傳改變人民想法﹐但香港無政黨敢出黎勸在職貧窮人士領綜援﹐政府自然樂得俾少D錢﹐所以我話班癲狗就係無出色。

[ 本帖最後由 soli 於 2008-5-16 15:31 編輯 ]

soli

條片裡面有領綜援既長者﹐其實係咪真係有需要執垃圾賣維生呢? 我睇未必。
試想下一個人勞動半生﹐人到老年﹐無兒無女﹐無工作無閒錢娛樂消費﹐如果唔找些事黎做﹐好可能會顛架。
依我睇片段裡面既長者﹐執垃圾賣都只係過下日神﹐打發時間﹐又或者用黎證明自己仍然有賺錢能力而已。賣一晚垃圾都買唔到個飯盒﹐真係靠賣垃圾就真係死得囉。
加拿大福利好﹐相比起香港﹐領綜援既都會有閒錢花﹐無所事事但有錢洗﹐會用黎做乜呢? 睇下溫東就知道﹐一旦染上酒隱毒隱賭隱﹐就萬劫不復﹐最後咪又要訓街乞食執垃圾賣。
所以我認為﹐一味增加綜援生果金未必幫到老人家﹐好似加拿大o甘開設多D俾老人長駐活動既地方﹐俾D老人家響裡面捉下棋打下麻雀耍下太極﹐加上茶點召待﹐o甘比起派錢更幫助到老人家吧~
講到貧富懸殊問題﹐其實貧富懸殊未必係壞事﹐最緊要係睇點樣貧法﹐因為貧富係相對關係。北韓全民皆窮﹐又或新中國成立初期﹐堅尼系數接近零﹐又代表D乜呢?
香港貧富懸殊嚴重但卻未貧到無飯食無醫療無書讀(如果肯領綜援)既境況﹐所以其實還可接受。
其實好多人都知道阿力係社民連地下會員架啦﹐隔離post有人話阿力想做溫哥話陶傑﹐其實阿力哥係想做溫哥話顛狗至o岩﹐一個完完全全既反對派嘛~
但就算係顛狗﹐都唔敢公然叫人領綜援﹐思想仍停留晌舊框框。
上個post阿力睇錯野﹐即刻發晒矛o甘否認社民連叫人領綜援。如果社民連敢上街反低工資﹐挺領綜援﹐我就話佢地好野~

[ 本帖最後由 soli 於 2008-5-16 20:58 編輯 ]

soli

頂﹐剛剛睇左第二集﹐個阿媽一個禮拜返92個鐘都只係賺四千幾﹐同領單親家庭綜援金額一樣o甘濟。我睇到尾但吳君如竟然無問“點解唔領綜援”。就算個阿媽未住夠7年無得領﹐個仔都可以領到2千蚊。o甘樣死捱其實係害左自己同個仔~