soli

凡事要有比較先知真相。
當年山卡喇o甘遠﹐洗千幾億(大概現在二千幾億)去赤臘角起機場時﹐英國佬幾時又有徵求過香港人同意﹐力少又做緊乜? 班顛狗屁都唔敢放一個。
而家巧威威﹐港人治港﹐有言論自由唔洗怕俾英國佬逮解出境/捉去白屋坐監﹐咪乜都嘈餐飽囉。

聽聞單2009年外匯儲備增加左成5千幾億﹐即係金管局又印左5千億港幣﹐如果就o甘派晒俾700萬港人﹐每人咪分到七萬幾?發達囉。
咩高鐵六百幾億﹐少意思啦~

soli

好學唔學, 學埋美國佬d 衰野...
我地洗大左唔可以好似人地咁印銀紙架...
mcjohnjohn 發表於 2009-12-3 19:30

而家咪印緊囉﹐今年印左五千億﹐夠唔夠洗呀?

soli

唔係投資﹐係印銀紙印左五千億

soli

投資? 你有得分架？上面就有得分
ricrick 發表於 2009-12-3 19:56

又九唔搭八

soli

想當年啟德響九龍城市中心，接近民居／擾民不特只止，飛機升降同一旦發生意外嘅安全性同處理都係問題。加上啟德嘅飛機升降本身已經超越飽和，所以興建新機場其實係有實際上嘅需要。反觀家陣嘅高鐵，政府報嘅載客量話每日有 9萬人次，但呢個數本身卻無預計其他中港交通新建設／擴建（例如港珠澳大橋）嘅 extra capacity，所以人流需求方面嘅理據根本唔成立。

無人話無需要起﹐但點解幾要起去山卡啦大嶼山?
為左要起條超貴﹐淨係去機場用既橋同鐵路? 定係貪個度可以填海﹐第日機場會不停沉降﹐創造多D就業機會黎維修保養?
當年香港儲備唔過1千億﹐用千幾億去起一個唔急用﹐山卡啦機場叫做派定心丸? 力少如此替殖民地政府脂抹粉﹐覺唔覺核突呀?
仲有﹐當年英國有無徵求過港人同意? 有無民主?

soli

如果唔係大嶼山，起係邊？？
如果唔係大嶼山，敵敵尼有冇可能係鐵路沿線建呢？
大嶼山係香港最大既島嶼，大過香港島，一條所謂「超貴」既鐵路／橋係長遠發展大嶼山呢塊土地既藍圖一部份。
讀讀香港地理先再講，五毛S ...
MoiRhapsody 發表於 2009-12-4 00:26

你真係要讀讀地理﹐唔讀書都可以用google map, 爭大屎眼睇地圖﹐發展大嶼山? 我諗你連大嶼山既地理係咩樣都唔知﹐真係同你講多都晒氣。
都係黃子華講得好﹐以前去旅行﹐就要去機場。
而家直情係去機場旅行。