hangfat

吃晚飯之際，原來電視直播立法會財務委員會辯論高鐵撥款，泛民大打拉布，問完又問，沒完沒了，自不然搞到夠晒鐘。用咁嘅方法，財委會都唔知開會開到幾時先至可以就撥款投票。馬主 H與一班馬主都係支持派，認為興建高鐵合乎香港長遠整體利益，碰啱馬主 M亦係工程師學會會員，馬主 M全面贊同香港工程師學會之高鐵專責小組之觀點，認為公共專業聯盟提出之錦上路方案內容甚多工程技術考慮不足之處，並不可行。而佢哋對「錦上路方案」造價可以慳好多之說，一致認為不可接受，質疑公盟可能估價不足。此乃工程師學會之整體意見，如果有人話唔信工程師學會嘅專業意見，而相信一班為咗一個目的而臨時召集走埋一齊之人，無話可說。
眾位馬主之中，有商人、有旅行社東主、有律師、有出版界高人、有工程師，眾人（不代表馬主協會）一致支持高鐵，用潮流術語講，使唔使申報利益呀？出版界高人講：「總之公開自己之職業就得啦，譬如講西九文化區，高志森企硬支持，當然係代表佢自己業界利益，唔通你唔畀高志森在西九發展發表意見咩。譬如工程師學會，支持興建高鐵，佢哋認為工程技術可行，你都唔能夠抹殺佢哋意見嘅啫。電影界得到政府支援，成立一億元電影基金，你話啲導演、演員唔去支持爭取咩。」
香港政界有個清潔癖，洗白白要白過白色，在中國最崇拜之美國，夠晒民主喇啩？工會代表為咗醫療改革法案直情入白宮見奧巴馬爭取利益，工會以前又捐過好多好多錢畀奧巴馬競選總統，佢哋究竟有冇利益衝突？現實政治就是如此，奧巴馬競選之時，成日講改革（ change），充滿理想，到入主白宮之後，做事作風與以前白宮主人毫無分別！在高鐵問題上，所有香港人都係持份者，人人可以發言，不能話邊個有利益衝突就因人廢言。

    *

      （左丁山）

hangfat

he's much fairer much cheung mo kei,  both are from appledaily, or used to be, who said the other day that every supporter of the system, or for that matter, everyone who support the govt. is from the left, all communist, sometimes i just hate him commentating like that, so bias,  may be that's why he lost his morning show!!!

hangfat

唉，真的很失望。
高鐵的idea不是不好。去日本我都很喜歡坐新幹線。但現在說的是＄660億，不是＄660，為的是什麼？經濟效益嗎？它快多少？就算快了 20 分鐘，免除了一些上上落落的轉車時間，它值嗎？政府有＄660億都 ...
fibbi 發表於 2010-1-18 02:25

社福界「聯署聲明」指「政府與其用作興建一條只會惠及少數富豪階層的天價鐵路」，何解高鐵只會惠及富豪階層，惠及跨境富豪呢？好唔明。他日搭高鐵去廣州之人士，唔通只限富豪級人物？五千蚊一張車票呀？現時好多廠家、有錢人去廣州多數係坐司機駕駛嘅平治或豪華七人車，他日高鐵建成，未必會改變此習慣。睇番日本例子，高速鐵路從東京去大阪，乘客之中，不少係平民百姓。如果只係靠富豪級人士搭高鐵，呢條鐵路執笠咯。
另一個論點係與其花 669億元興建高鐵，何不用諸於房屋、醫療、就業及社會福利。以此說反對任何公共建設都可以，譬如起新機場做乜吖，不如咁……起西九做乜吖，不如咁咁咁。起郵輪碼頭做乜吖，不如咁咁咁。在公共建設及公共財政上，應該辯論乃建設是否有社會回報（ social return），政府是否可以負擔，如果改為辯論「基建 vs民生」，就係另一個議題，牽涉到意識型態，可以講多一年。