playingtoy

【三毫子一擔蛋散】

秘制家鄉蛋散新鮮出爐三毫子一擔埋黎睇埋黎揀。送禮自用派街坊餵小動物增磅瘦身。做頭盤做甜品宵夜下午茶打邊爐麥當勞。過年過節喜慶宴會老少咸宜。租約期滿全面大清貨一件不留埋黎睇埋黎揀。三毫子一擔蛋散三毫子一擔。

謹祝

聖誕快樂，新年進步。

playingtoy

回復  playingtoy


    你唔係又嚮河景有搬返出來吓嘩？
sheep 發表於 2010-12-27 08:36

你唔係想搵人拉返我入去吓嘩，你有咩證據先？

playingtoy

失禮，小弟自幼開始執垃圾，樓下四五樓劈一大疊漫週，我全部據為己有。喂獨有一次，有一玩具停車場被棄置於大廈梯間，小弟年幼欲往比家長止住，乃因該玩具停車場上有一狗糞，可惜可惜

playingtoy

不願致評

playingtoy

呢個平台係我用黎接觸一啲我平時接觸晤到或者唔會接觸我既人。我的自言自語自問自答式既甫士。你可以當係我既signature style。你可以當我係同自己同埋你地做緊實驗。觀點與角度，個社會點睇，我會意識到並且同時對該觀點與角度進行一定評價。台上面係演員，落左台就要privacy。至於邊個先至係我，我認為係同一個人。「同一個人？你仲唔係傻既？」呢曾就要再深入去了解現實同非現實超現實既關係。我都要做好多功課有好多野都唔明。

playingtoy

進入貧窮

很多人害怕逃避貧窮，尤其係我家族本身，於二戰期間經歷過「無比異常痛苦」。我身為後輩都係聽他們口述歷史。但可想而知貧窮跟痛苦一直以來係我既觀念上直接掛勾。我本人於某年月日對知識既認知與認同抱有高度性質疑，於是乎我於某刻決定付諸行動直接進入貧窮狀態。

資源上缺乏一直係焦點所在，然后我問自己究竟要到那一個程度才是定義上既富足。究竟是真正既缺乏資源還是思想上。於是我把我所擁有的都放棄。親人朋友學歷甚至某程度上既知識。一切我所認知而做就成當日既我。最後去到既田地係我感覺好像什麼也不知道。然後呢種感覺帶比我無比既快樂。不是藥物不是煙草不是酒精不是性愛不是其他方面既成就。純粹係思想解脫。

當然其中係我巧妙咁安排自己去到一個地方，我無必要知道些甚麼特別的東西，例如一個路人在街上逛。只要會看交通燈過馬路便成。當警察走來查身份證明，知道明白然後遞出證件便成。肚子餓，知道要到那裡吃，然後知道那裡有公共廁所。然後我真的在問自己我真正知道些什麼。

路途上我認識不少同道人，他們的抱負有的跟我不謀而合。唯一可惜的是，我很少碰見另一個從香港來的跟我一模一樣。這方面於我來說長期性導至某部份既我感到無止境既孤獨。不過與此同時，可以說，這種生活模式沒有什麼可塑性既保障。直到現在我仍然感受到某程度上既冒險性。當你四周圍杳無人煙，然后在漆黑中看見一個人，朝住你既方向走近，或者站着不動。

我現在比較有進一步既認知：原來對方也是這樣在看我。最后還是要自問：我怎樣看自己。

playingtoy

其實我真係
開罪過好多人
尤其係我半成熟既
英語思維系統
只有性愛，哲理，和法律
沒有人情味因為我不是在這裡成長

如果我以前曾經
令你難受
現在我正式向你
賠罪

謹以此銘記
我難以彌補既錯

playingtoy

我暫時會將個英語思維系統擱置並試圖積極進行改良但前景並不明朗

playingtoy

~ 做番豬仔去排隊 ~

其實我都算叫做對加拿大既福利政策有些少了解和體驗。諗返以前早午晚排隊等派飯派麵包。都有一年或以上。呢個係加拿大政府用黎招待窮人既招數＆政策，大部份位於DTES（Downtown Eastside）溫市中心東端既免費餐都唔需要登記。總之排隊就有先到先得遲到無份。既然係咁政府又唔查你收入，日日都係任食，個system會唔會被人濫用。我既經驗係：首先你要提早一至二小時排隊，競爭甚大。有些全職食政府既一日走幾場。還要預備有啲大嬸扶老攜幼專門按時黎打尖。或者帶住幾個細路真係大條道理既，小朋友既小生命真係好可貴。膳食質素方面無異議。皆因係免費，都係為求溫飽。甚至可以話貧民區入面有一種生命力係其他任何地方搵唔到。話時話前幾日先至去完foodbank返黎。本來慣左跳入dumpster搵食，最近有個minor injury所以暫時做唔到其他野剩係打到字。唯有做番豬仔去排隊。每一件我在foodbank拿回家既食物，我望住它，然後感受到個價值：（雖然有兩條麵包過左期）全部都係用我既人格換返黎。