[中餐館] 好滋味 @ Parker Place food court

本帖最後由 sdk 於 2010-7-7 15:50 編輯

今日返工4點先放 lunch, 諗住去 Parker Place food court 食個快靚正啦. 去到見到開左間新既叫 "好滋味" 係咖喱小廚同越南飯之間. 諗住見佢D裝修幾靚, 試下佢.. 點知..................... 發覺係一個極度錯誤既決定. 叫左個 "今日精選" 粟米蟹柳燒雞飯. 開個飯盒, 得D粟米同白灼既雞肉係D唔知咩汁入面 (無蟹柳). 4點先食 lunch, 以經好肚餓架啦.. 見到個飯盒咁既樣即刻無晒胃口.. 條氣好唔順, 拎個飯盒返去同佢講. 佢話唔好意思無晒蟹柳..................... 我心諗你無蟹柳係唔係應該同個客講聲先哩? 而唔係整個飯盒出黎係走蟹柳俾客人囉. 之後佢入廚房講兩句出返黎又話有蟹柳........... 我即刻 wtf 左.. 跟住佢話整過盒比我, 我即刻要求煮過另一個, 叫左泰式燒雞炒飯.. D雞仍然係白灼出黎既.. 好難食. 講真, 佢D野就算半價$3一個飯盒我都唔會再返去. 我本人未試過係 food court 買野食係難食既. 唔係麻麻, 唔係一般, 唔係差, 直頭係難食. 依家有D心理唔平行, 被人呃左$6