Nam

其實唔一定要型男靚女，可能個人口味啦，自細有兩樣擇偶條件係唔會要，就係靚仔同埋富二代！總覺得靚仔的話，要守住會好累，錢方面，我比較鐘意個種同另一半由零開始挨出頭嘅感覺！我個人覺得個種共患難嘅感覺比咩都嚟得珍貴！

Nam

自從好細個係Richmond 見證過一個富二代兜把星個女友後，就敬而遠之，其實都試過同某些富二代去過吓街，但真係好難對一個同我講睇TVB 同 雜誌學到好多人生道理，兼話係唔同人生階段＆心態，去換車嘅人動心.....

Nam

靚仔唔係一定無本心，但無信心能夠做到或等到佢浪子回頭個一個女人囉！ 其實中學年代都同個一個靚仔，家底有嘅人拍咗幾年拖， 事隔多年大家都變成老朋友，真係無諗過佢同我講話有報應哈哈，佢話當年同我分手後，打後咁多年真係應哂，亦無諗過佢已經第二次被女食住食成咁！

Nam

我諗佢唔係呃我嘅，大家真係十幾年無見， 見返真係好次老朋友咁講返中間發生啲咩，點解無啦啦發神經唔再hea，肯接手老豆啲生意！當年分手後，發生咗好多野，佢講返俾我聽咩事，都忍唔住同佢講佢犯賤兼有有舖英雄病， 勸佢咪再執著啦，不過，見佢終於放低嗰個女神，肯同個正常人一齊，都戥佢開心！

原本以為十幾年無見，唔知會點，但真係家人feel 太重，連一個深情hug都覺得肉麻！

Nam

吓？ 佢整過嘅咩？

我老豆後生嗰陣都好靚仔，年紀大咗後咪又係禿頭阿伯？
我相信相又心生嘅，其實，最重要係對自己好，能夠溝通比較重要！