之前有電視台來訪問我，問我對「建國60周年」有何看法，我就簡單直接地答：「真係唔好意思講，我講咗你又出唔到街！」最終答了一句「徹底失望」就算數！其實我想講，大陸應該改名為「中華國」，因為他們既不顧「人民」，又無「共和」，叫中華國就最貼切。友人搭咀道：「就如《人民日報》就無「人民」，《真理報》就無「真理」一樣！」哈哈！
記得在美國的時候，碰見一個從北京來的人，對方氣昂昂的瞧著我說：「你喺美國做個二等公民，點解有大中國嘅公民你又唔做呢？……」待對方發表完她一番偉論後，我就答她說：「無錯，我喺美國係二等公民，但係舊金山市長我都有份選喎！你喺北京住咗咁多年，北京市長換咗咁多個，你最近嗰屆選咗邊個呀？」對方聽了，即時「語塞」。自己連選舉權都無，仲覺得好光榮，呢啲絕對係做慣奴隸的人的言論。
文壇幽默大師林語堂就曾經講過，中國人有一種思考習慣好奇怪，明明自己在最低層，但就用最高層的思維嚟思考，而甚麼事情只要中國鬼一上身，就不一樣了，認真幽默。 |
發表於 2010-2-9 01:08
| 