庫房浸瀉 回水一萬蚊！ 民生, 高通

Lik

政團最後衝刺施壓逼派糖
財爺網誌預告：為保民生須「干預」2011年02月21日

【本報訊】財政司司長曾俊華本周三公佈新一年度預算案前夕，多個政團紛紛到政府總部請願，要求庫房嚴重水浸下派糖「洩洪」，紓解民困，不能在市民高通脹生活壓力下做「孤寒財主」。曾俊華則在網誌撰文預告，市場未盡完美時，政府必須作出干預，保障市民生活。　記者：許偉賢

政府總部示威人潮昨天川流不息，工聯會、民建聯、人民力量及基層民生聯席等不同政團先後拉隊到場請願，要求曾俊華在即將發表的預算案提出具體措施紓解民困。「紓困扶貧，派米派糖」，約 30名工聯會成員要求當局在庫房水浸下開倉「洩洪」，身兼立法會議員的黃國健警告政府在財政儲備充足下若不推出具體紓困措施，會惹起市民不滿。  

財政盈餘料 800億

民建聯則要求當局更加照顧中產人士需要，例如盡力協助中產置業上車。人民力量認為當局應直接向全港市民每人派發一萬元現金紓困，主席麥業成強調「政府每人派一萬蚊嘅抗通脹金，先至令市民真正受惠」。

自由黨本月中訪問逾千名市民，逾八成受訪者認為政府財政儲備過多，應該還富於民，逾六成受訪者則支持當局調低薪俸稅，紓緩中產人士壓力。主席劉健儀估計特區本年度的財政盈餘高達 800億，認為政府庫房大水浸，應該全民大分紅，與市民分享經濟成果，切忌做孤寒財主。民主黨副主席單仲偕亦指政府的財政儲備已經高達 6,000億，應該投放更多資源改善民生，批評當局只顧「做靚盤數」是不負責任的行為。

提出「大社會」概念曾俊華昨天在網站撰文，未有透露預算案內容，卻意有所指地稱，奉行「大市場、小政府」模式之時，一旦市場未盡完美，政府就必須作出「干預」，才可保障市民生活。他強調此說非「革命性」說法，例如香港過往大量投資在教育、房屋、基建和社會民生福利等，都是明顯干預純市場的運作，以補充市場之不足，強調當局會在市場與干預其中取得適當平衡，以免扼殺經濟活力及社會創新能力。

曾俊華又指在政府與市場之間其實有一個相當活躍的「大社會」，暗示當局可以和民間組織一起解決問題，並希望商界更好地履行社會責任，共同推動關懷社會。

Lik

需要指出嘅係，早兩年毓民、大舊、毛哥、蕭若元等人早已經指出過呢個庫房水浸嘅問題，而蕭生更自己um荷包來登全版廣告去譴責特衰政府。而無記錯嘅話，當時蕭生係要求特衰政府每人派＄5000，而我亦有響呢處 post 過佢地當時個聲明。

當然，當時嘅幾個五毛仔亦一如所料咁出言反駁。但事實勝於雄辯，好明顯睇得出邊啲人係先知先覺，而邊啲係走狗。

-力

Lik

呢啲係香港金融管理局自己公佈嘅數字：

2011-02-09
http://www.info.gov.hk/hkma/chi/press/2011/20110209c3.htm

香港的最新外匯儲備資產數字
**************************

香港金融管理局（金管局）今日（星期三）宣布，香港於2011年1月底的官方外匯儲備資產為2,732億美元（2010年12月底為2,687 億美元）（表1）。

連同未交收遠期合約在內，香港於2011年1月底的外匯儲備資產亦為2,732億美元（2010年12月底為2,689億美元）。

根據最新公布數字，香港的外匯儲備額在全球排行第九，次於中國內地、日本、俄羅斯、沙特阿拉伯、台灣、印度、巴西和韓國（表2）。

為數2,732億美元的外匯儲備資產總額，相當於香港流通貨幣的8倍多，約佔港元貨幣供應M3的55%。

香港金融管理局貨幣管理部助理總裁劉應彬先生評論過去一年外匯儲備的增長趨勢時表示：「與新加坡、泰國及印尼等亞洲部分地區的外匯儲備近月錄得顯著增長的情況不同，由於在2010年香港並沒有資金淨流入，因此香港的外匯儲備增長溫和。」

表1及表2

香港金融管理局
2011年2月9日

英文版亦都有，不過我唔 quote 喇。
http://www.info.gov.hk/hkma/eng/press/2011/20110209e3.htm


（重要）圖表1＆2：
http://www.info.gov.hk/hkma/chi/ ... ch/20110209c3a1.doc

不爭嘅事實係，自97年嘅928億美元開始到2011年1月嘅2732億，每年嘅外匯儲備基本上都係不斷水漲船高，坐擁龐大儲備，但偏偏香港卻淪為全世界最貧富不均嘅地方，擁有住全世界最高嘅堅尼系數（Gini coefficient）。

以香港小小一個城市，金融儲備卻係同其他國家相比都可以高據第9位。政府如此守財，但卻唔肯舒解民困，正係善財難捨、冤枉甘心。

我係咁易計咗一計，今日香港坐擁嘅呢2700幾億美金，以香港大若7M人口，平均分晒佢嘅話，每人可以分到HKD$30萬咗右。就算每人只係分港幣1皮（即＄1萬），個儲備依然有＄2640幾億美金，根本就係九牛一毛之數。但呢每人1皮卻能夠為香港帶來不知幾大嘅經濟效益，更能夠為基層人士解決不知幾多迫切性嘅生活需要。

但偏偏財爺咁多年來卻連一個崩都唔肯派，就連對低收入人士嘅＄600交通津貼都要搞家庭式嘅資產審查，正一缺德兼賤格到無倫。

-力

Lik

派錢不如將D錢買起巴士地鐵同隧道好過﹐經營賠錢就當社會福利。
soli 發表於 2011-2-21 23:07

雖然係執人口水尾，但呢個都不失為一項德政。

而且收購／國有化晒所有嘅巴士公司，仲有另外好多好處。因為其實依家各巴士公司有好多路段都有服務重疊，國有化晒所有嘅巴士公司之後，重疊嘅路線就可以取消，減輕路面塞車嘅情況之餘仲可以減低空氣污染。

而係就應該順手收返晒領匯手上所有嘅管理權。

-力