曾俊華年年計錯數 今次最離譜 收益

Lik

曾俊華年年計錯數　今次最離譜

【本報訊】財政司司長曾俊華再次「亂咁估」庫房收入，在 2010至 11年度財政預算中，嚴重低估政府收益，由最初預算虧蝕 252億元，至昨日公佈修訂預算，竟有 713億元盈餘，相差多達 965億元，是他上任以來預算差距「最離譜」一次。

預虧蝕實盈餘　誤差 965億  



曾俊華昨日公佈 2010至 11年度的修訂財政預算，收入由最初預算 2,920億元，大幅增至修訂後的 3,748億元，尤其是賣地收入、印花稅等嚴重低估，令原本巨額赤字變成豐厚盈餘。他在記者會被問及嚴重低估本年度財政盈餘時，依舊死不認錯，辯稱由於去年 1月進行財政估算時，本港出現衰退情況，所以在美國可能出現雙底衰退情況下，當時預計本港有 4%至 5%經濟增長，已算相當進取。他指政府過去數年收入波動相當大，上下波幅約近兩成，還自我安慰說：「呢個錯誤（錯估盈餘），我係接受嘅。」公民黨立法會議員湯家驊批評，曾俊華本年度 965億誤差屬歷年新高，「真係錯到離晒譜」。他認為《基本法》規定政府「量入為出，收支平衡」，現時卻在政府嚴重錯估收入下，出現「量入不出，收支失衡，政府肥到襪都着唔到，但窮人就皮包骨」情況，完全違反《基本法》精神，「只係想派糖塞住市民把口。」建制派工業界立法會議員林大輝也狠批曾俊華，指政府財政預算連年出現嚴重偏差，已令港人失去信心，同時令人質疑 2011至 12年度將有 39億元綜合盈餘的預測。他建議政府應立即全面檢討財政預算方法和系統，使每年收支預算更準確，並釐定適當的儲備水平，避免無休止地累積儲備，造成官富民窮的不合理現象。曾俊華上任後首三份預算案均預測政府會有財赤，惟最終全部錄得巨額盈餘，以本年度最為顯著。本報翻查過去 10年預算案，除 08至 09年度外，全部預算與實際情況均出現逾百億元的嚴重誤差，其中以 07至 08年度最離譜，當時擔任財政司司長的唐英年預計政府全年只得 255億元盈餘，最後實際收益高達 1,237億元，差額達 982億元。

Lik

計錯數唔係問題，但係有無邊個政府好似特衰政府咁折墮，條數錯到咁離普？10-11嘅差額係965憶，原本預會蝕200幾億，但實際就賺咗3x有多嘅錢。09-10、07-08、06-07、同04-05果條數都完全失晒預算。我不如叫個小學生亂up個number仲好啦？

-力

Lik

You rubbish moron. Who the fu king care, as along as they err on the good side? And Hong Kong has  ...
peter236 發表於 2011-2-23 17:44

Err on the "good side"? When the miscalculations are as huge as almost HKD$100B, that reeks of nothing other than utter incompetence. Government policies are invariably based on available budgets. When your actual fiscal spendings run a surplus to the tune of $100B, it means tons of social, economic, and development projects that could have taken place did not take place because of the miscalculations. It isn't just a misuse of available resources -- it's a complete abuse of government resources.

In anywhere else, someone as incompetent as that most certainly would have been fired on the spot.

When you don't know shxt, shut the fxxk up la, PK!

-Lik

Lik

退稅梗係好過直接派錢啦，台灣同澳門都做過，但係真係唔覺有咩成效，我都收左澳門3年錢，啲親戚朋友咪最多夾錢！食餐好嘅，或者修祖墳就攞個啲錢囉

或者香港可以學吓澳門派醫療券，依樣真係幾好，每人係custom border 用身份證一beep 就有500 ，好似我咁後生，唔係話多病痛，用唔哂就可以簽個名 pass 俾直接親屬（i.e. 父母），咁變相其實真係幫到社會！
Nam 發表於 2011-2-24 13:04

阿南，

個成效咁顯住你都睇唔到？你同屋企人收咗錢就去食餐好，咁係唔係即係將啲錢立即投放返去去個經濟體系裡面？酒樓又係咪要去買食材同call啲夥計返來開工？豬肉佬出咗貨，又係咪有錢攞去使？夥計有工開、有糧出，係咪亦即係有能力再去使錢？啲錢一層一層咁去，呢個咪正正係經濟學裡面所講嘅 multiplier effect 囉。

另外，我會不厭其煩咁再講多次：直接派錢嘅話人人都可以受惠，因為基層市民好多本身已經唔需要交稅，所以退稅根本一啲都幫唔到佢地。響今日香港呢個貧富懸殊咁嚴重嘅地方，你再退稅都幫唔到最需要幫助嘅窮人，而只會令貧富懸殊加劇。而特衰政府坐擁鉅額儲備，派錢對佢來講只係九牛一毛嘅事。

此外，我之前唔記得咗講一樣野：全民派錢係成本效益最大、交易成本最細嘅做法。你搞埋咁多醫療券、特別 program等等，一來要搞多好多 admin野，費時又失事；二來有好多人根本無辦法知道所有政府推出來幫佢地政策。好似無記個報導裡面，被訪問個阿伯都唔知道有醫療券係點樣攞㗎啦？再講，醫療券後生嘅自己用唔晒就只能夠簽俾直系親戚，亦即係最多都只會幫返自己屋企人，而屋企人都用唔着嘅話就即係再幫唔到其他人，而政府亦可以慳返筆啦？相對地，錢係邊個都用得，亦一定會用，更能夠為每一個人做到佢所認為有最大成本效益嘅事情。

-力

Lik

政府反駁話咁會推高通脹
不過
佢又唔話啲阿婆阿伯會儲起慢慢搣
無錢
響香港
真係好慘

通脹
係被嗰啲日日魚翅撈飯嗰啲人推高嘅sheep 發表於 2011-2-24 14:01

特衰政府根本就低能到連香港點解會有通脹同通脹嘅性質係乜野都唔知道。又或者佢地知道，但礙於唔敢得罪阿爺，所以詐唔知。

其實香港嘅通脹根本就係從大陸輸入過來嘅。樓貴係因為大陸熱錢流入而炒貴晒啲屋；食物貴亦係因為國內糧食價格升高。你鬍鬚曾話退稅／派錢會令通脹惡化之說，根本就係大話。

你特衰政府係有心抗通脹嘅話就好應該改變個房屋政策（復建居屋係其中一個辦法）。物價貴咗你嘅 take home pay 都不變就即係剝削緊市民嘅消費能力。

係變個害香港人？顯而易見啦～

-力

Lik

直屬親戚其實變相係保護公帑，唔怕不法嘅人販埋者！無野係ideal 嘅，如果你話食餐飯係振興經濟，咁政府處理依啲錢時嘅admin overhead亦變相加工作職位！

派錢起初覺得好好，但睇新聞，澳門其實好睇唔好食，貧富亦都係問題，庫房都好勉強，但一到年頭就被傳媒追問今年有無錢派，大家就係咁等聽住， 感覺上市民變得依賴，遲早都唔知會唔會變到好似加拿大咁......
Nam 發表於 2011-2-24 14:07

Admin overhead係 inefficiency。如果你要攞佢來同使錢食飯、整祖宗山墳來比較嘅話，咁你就變埋好似五毛三劍俠咁樣打橫來講㗎喇。

澳門又點會係好睇唔好食呢？不爭嘅事實係澳門雖然樓價高咗，但平均薪水亦升咗好多（因為賭場人工高，亦拉起晒全馬交嘅平均薪金）。而且澳門聽阿爺話，所以佢老人家開大水喉放錢、放遊客落來，個場旺到簡直可以踩沉澳門咁滯。相反，香港樓價就同澳門一樣俾大陸熱錢炒貴晒，但人工卻可以過去十年不變不特只，仲分分鐘要收得少過之前。（當然，高官同副局長呢班廢人就個個升官發財啦？）

-力

Lik

澳門其實表面風光， 係做賭場係風光，但係基層嘅人呢?Nam 發表於 2011-2-24 15:18

所以澳門咪派錢囉？最直接、最有效、最能夠解決生活需要嘅實際行動。馬交政府做得啱、做得好喎？大佬華有腦，而肥崔亦唔傻㗎！再講，肥崔本身係做開慈善工作嘅，所以我絕對唔擔心澳門政府會漠視基層人士嘅利益囉？

我有朋友係做director ，的確係好風光，成十萬月薪加投資有道，但反觀上咗年紀嘅上一代呢? 後生可以做荷官，我啲表弟妹個個大學畢業都唔愁無野做，但係長輩個個都係死慳死抵，日子唔算話太苦，但亦睇得出唔係真係好似社會吹得咁旺，咁唔通全市都做casino 同 government job? 個社會價值觀亦都被twist 得太緊要， 依個亦都係我唔回流嘅原因，當你係個到接觸民生，你會感受到說不出的問題，主要係民生嘅價值觀好twisted，有少少似大陸暴發戶個種感覺！
我有朋友係做director ，的確係好風光，成十萬月薪加 ...
Nam 發表於 2011-2-24 15:18

澳門只有單一主要工業（賭業、娛樂事業）確實係一個社會問題，但最起碼民生好過、亦公平過香港。而澳門賭業響社會一旗獨大，呢個同財政預算無關，我地另有機會先再講啦。

-力

Lik

Nam 發表於 2011-2-25 09:26

話晒澳門點都派咗3年錢，有錢落袋之後，就同政府講：夠喇～不如做吓其他野仲好。咁我又唔覺得有任何問題喎？

但你香港果邊各方面嘅問題都遠遠嚴重過澳門。之前都講過，屋嚴重地貴過澳門，人工同澳門相比亦有好大分別（因為好多香港人過去十年都無加過人工，工作時間又超長，而澳門平均薪金升咗好多、賭場、旅遊亦造就咗好多工作機會）。所以香港嘅民怨深過、嚴重過澳門好多。

-力

Lik

就因為澳門連續派了３年錢，澳門人以自己的親身經歷體會到現金不能對他們的生活困難的改變有太多的幫助。 ...
rockypath 發表於 2011-2-26 15:39

去仆街啦你！

人地澳門就係前後袋咗4、5次錢，生活壓力減輕咗啲，而且澳門本來面對嘅貧富懸殊就遠遠無香港咁犀利，所以就可以繼續下一步嘅要求。

反觀香港...diu...理由我講咗9萬幾次喇。而且，香港嘅財政儲備，就算係端人頭計都遠遠咁高過澳門。人地澳門少咁多錢都肯派俾自己澳門人，你香港特衰政府就偏偏要做守財奴？

啲狗官需要同你條撚樣一齊去仆街死！

-力

Lik

而且，香港嘅財政儲備，就算係端人頭計都遠遠咁高過澳門。人地澳門少咁多錢都肯派俾自己澳門人，你香港特衰政府就偏偏要做守財奴？
Lik 發表於 2011-2-26 18:19

To further elaborate on this point, the HKSAR government is so filthy stinking rich at this point that it is entirely capable of both giving out money AND take further actions to alleviate social problems. It isn't like they can only choose to do one or the other, but not both. There is so much money in the reserves that they can take on all sorts of actions to lower living costs and fight inflation and STILL give out money.

When you don't know shxt, please, just STFU.

-Lik