Lik

條新聞係偽君子日月報轉栽新華網嘅報導而出嘅。當我睇見佢今日攞咗來做網站頭版第一條，我只係立即諗到：好喇，中宣部又開始做野，又要繼續一貫嘅喪事當起事辦嘅報導，用呢啲千中選一嘅賺人眼淚新聞來做主打，而會令有關當局難堪嘅負面新聞就只係用來做旁枝。

當然，日月報賤格，都唔係今日第一日開始嘅事。

-力

Lik

個人認為，即使係新華社嘅前線記者應該都仲有多少人性，會盡能力範圍之內去採訪。但一上到中高層之後就一定係黨員，所以會壓晒落來。

但其他報紙，特別係某幾份成日都會擦邊球嘅幾份，就真係會不停去測試黨嘅底線。

-力

Lik

回復  Lik

I just hope that 楊峰 won't be another 趙連海...
lo_pak 發表於 2011-7-26 10:32

趙連海確實係一個異數，因為佢果一份執著確實係令人敬佩嘅。

相對地，楊峰老哥睇個樣都知道係新光鏡靚嘅中產新貴。無人會怪佢唔堅持，但面對國家機器打壓嘅恐嚇，我唔認為佢會好似趙連海大哥咁企硬。而從微博嘅訊息來睇，佢亦都響別無他法之下要放棄繼續爭取了...作為老公同爸爸，我相信呢個會係佢一生最痛苦嘅決定。

-力