Lik

Total fail.  Have they heard of verbal violence?  I agree HK gov't is **** but I don't think they are help at all, just stir **** up and call it their career.  They aren't even real politicians in my mind, more like opportunists.
zoids 發表於 2009-12-26 15:43

兄弟，你無病呀化？使唔使 check 吓個腦有無事呀？ Political opportunist? 淨係推動五區公投呢吓野，就算順利重返議會，社民連三子每人最少唔見 100個。一個可以大哪哪唔見 100個嘅機會，我又唔見民賤聯班擦鞋仔出來做？又唔見白鴿黨班無膽匪類出來攪？

毓民論盡中港台時事同政治事件廿幾年之多，佢嘅政治水平之高，真係當下立法會裡面無人能給。大舊（陳偉業）亦從政廿幾年，五度當選立法局同立法會議員，你估同張文光果啲垃圾一樣廿幾年來都係死丫住個功能組別來做議員㗎？毛哥嘅政績以前講過，你自己去睇下咩叫做竊聽條例同 JR啦。

自己目光如豆就出少句聲，咪出來顯醜露乖啦。

-力

Lik

今次嘅變相公投可唔可以爭取到民主，其實真係無人知。但諗返轉頭，03.7.1 嘅時候啲群眾行出來，有真係又幾多個人諗到阿董之後會落台？23條會過唔到？葉劉會敗走他鄉？

其實唔止大舊，因為白鴿黨嘅縮骨同抽後腳，其他四區我都只係敢話九龍西毓民同港島區嘅陳淑莊勝算高啲，但亦唔一定贏（而本來如果白鴿黨一早肯出面支持就五區都一定贏硬）。不過講到尾，今次嘅變相公投，本身意義唔在於公社五位能否從返議會，而係要切切實實咁俾香港人一個一人一票嘅機會，清清楚楚咁話俾全世界聽香港人要唔要普選，而從中亦為每一位香港人切實咁上一課民主同公民教育堂。

好持平咁講，社民連嘅出現，對香港呢個嚴重右傾嘅社會來講係一件好事。因為無咗佢地，濟弱扶傾嘅左派理念就完全唔能夠響香港受到任何人嘅關注，而基層同弱勢社群嘅利益就會更嚴重地被剝削。香港已經係全世界堅尼系數最高嘅地方，假如再無人為基層同弱勢社群發聲嘅話，咁貧富嘅差距同公義嘅欠奉只會變得更差。

而正如 ricrick 所講，社民連對香港嘅另一供獻就係佢地好成功咁令到香港人（特別係年青嘅一輩）對香港嘅公民責任、政治、同民生議題都多咗興趣同認識。對香港人來講，無論佢嘅政治觀點響光普嘅邊一個位置，呢個都係一件好事。

-力

Lik

盲丙 Zoids，

肥膨曾經已過來人嘅身份講過，同中共政府週旋、打交道嘅時候，你依照君子之禮來同佢講係完全無用嘅。你讓佢一分﹐佢係唔會禮尚往來咁讓返你一分、見好就收﹐而係會得寸進尺咁步步進逼。要有效咁同中共角力﹐除了須要有智慧之外﹐更須要識得企硬。中共見佢大你唔到嘅時候﹐就自然會退讓多少。

現今嘅特衰政府，無能同可恥之餘亦將好多野卸晒俾阿爺（例如政改方案）。你唔去抗爭，結果只會好似白鴿黨咁廿幾年來乜Q野都做唔到。

-力