Lik

雖然有少少 hard sell，但其實有政治立法無問題，最緊要就係有理據去支持自己嘅政治取向。而且，華人報紙、傳媒傾向一面倒咁支持自由黨，所以睇到令一面亦都係好嘅。

當然，對於某啲人來講，有錢收、有阿爺照住就已經足夠成為佢去舔人屎忽嘅理由。

-力

Lik

Harper最差勁嘅地方就係佢霸道。但過去兩屆嘅少數政府，佢都焗住要唔多唔少咁同其他政黨合作，政策上唔能夠為所欲為。而體制裡面本身已經 build in 咗一套 check and balance 嘅系統就正正係民主同多黨制比一黨專政最優勝嘅地方。

-力

Lik

我同意選保守黨做4年大多數政府, 由人民及傳媒做監察, 做得好, 比多4年, 做得唔好, 4年後由人民推佢落台. 過去幾年反對黨根本沒有代表人民做好監察角式. 反對黨根本自私自利. 你用小數黨政府把他縛手縛腳, 沒法發揮, 又話佢做得唔好, 似乎不合道理.
閒人一個 發表於 2011-4-16 15:52

我都曾經同師兄嘅想法一樣，但過去呢好幾年所法生嘅事話俾我聽，Harper 處事實在都幾霸道。好在，佢只係一個少數政府，吓吓都俾其他黨派揸住個春袋唔敢太過亂來，而且亦要同大家四四六六咁拆掂條數、顧及各方面利益。所以其實我唔太介意再一次見到 Harper 帶領嘅少數政府。

最重要嘅係，我相信加拿大人嘅集體智慧同埋我地國家所有嘅制度。我有信心加拿大人會挑選一個稱職嘅政府，而就算我地真係蠢咗，三四年之後（甚至更早）人民都可以再一次當家作主。

如果國家無一個最少係相對完善嘅政治體制，咁又邊度配稱自己為央央大國？你估真係財大氣粗、有錢大撚晒咩？

-力