Lik

完全明白。原來假如牛爸、牛媽、牛嫂是但一個心臟病發而命繫一線嘅時候，我地牛哥原來係絕對唔會出現關心則亂嘅情況嘅。而且原來牛哥亦認為詢問處秉公辦理，搾正來做，個病人唔行到入ER都唔會肯 call 醫生來搶救係做得o岩。

相信牛兄亦認同原來醫院係唔可以酌情處理咁偏離指引而推架輪椅、叫D醫護出門口幫手送個病人入急症室。

照小弟淺見，我諗牛哥實話個詢問處姐姐應該要升績加人工添啦？

牛哥果然係人中龍鳳！

-力

Lik

原帖由 mcjohnjohn 於 2008-12-22 00:42 發表
抬入醫院? 萬一抬抬下個病人死左, 跟住第二日某某日報大字標題話"好心做壞事 有救變無救 心臟病病人無辜慘死", 咁抬個病人果班友仔都幾慘. 最好都係call 白車, 跟住搵下附近有冇人識急救好D.

唔好咁話牛哥啦, 牛哥佢只係現實少少, 我諗好多人都係覺得自己比別人重要的.

麥莊莊呢隻心理同 Bowtie憎、（唔使）問責局長、同公務員果D "少做少錯、唔做唔錯" 嘅心態咪又係完全一樣？！唔怪之得成個香港今日折墮得咁緊要...

係人都會有多少自私，但自私得來都要睇情況掛？響於己無害嘅情況之下都見死不救，咁呢D又算係咩人呢？

-力

Lik

眼見近日香港所發生嘅事，整個城市變得越來越折墮卻真係不爭嘅事實。

由上至下，全民都抱住呢個 "少做少錯、唔做唔錯" 嘅心態，有咩事就擘大喉嚨同阿爺叫救命，再唔係就歎開手板問阿爺儸錢。好喇，到受唔住輿論壓力嘅時候就出來道個歉，但責就唔使問，花紅就照收。明愛呢鑊係咁，泰國（無）包機果鑊係咁（記憶中阿憎好似咩都無講過，淨係得件唐唐出來廢up話要 "集體（唔使）負責"），生果金係咁，警權過大、濫用警權又係咁，處理三聚氰氨事件都係咁！總之爆親鑊就鑊鑊新鮮鑊鑊甘！試問咁樣唔係折墮又係乜野呢？

昔日香港人腦筋轉數最快，最曉得變通。估唔到今時今日回歸十一載，港人卻竟然好學唔學，只懂得 "安守本份、少做少錯" 呢條新金科玉律。以前事頭婆雖然只係教我地點樣去做一班好嘅技術性官僚，但係都無好似依家咁卸膊同縮骨...

早兩日阿力仲聽緊歌神隻洋紫荊，但依家再睇返 chorus 裡面最正、最有感染力果幾句，心裡面卻又係另一種感受了...



做乜鬼野特區呀？安安份份做個中央直轄市咪算囉～

-力