jiujiujiu

講開宗教, 話時話, 有無發覺突然好多人自己話自己係信徒! 尤其係一D剛剛預到重大挫折個陣, 搵唔到自己究竟想要咩, 就會覺得信教會幫到佢! 跟住, 呢班人絕大部分就會變左嗰D"以為自己好虔誠"嘅"宗教狂熱份子"! 仲要係好hard sell 嗰種~ 我好記得我有個朋友(應該係話以前係朋友, 依家就真係"君子之交"囉), 有次我地一班人食飯, 佢就開始"sell"嘢喇! 佢叫我地其他人跟佢一齊跟佢去教會~ 因為神只會救贖教徒, 唔會救贖非教徒, 佢唔想第時得佢一個响天堂, 我地其他人就落晒地獄啵, 所以, 就想我地同佢一樣, 一齊去教會..... 我當堂O晒嘴啦! 你估黑社會咩~ 但嗰晚我真係抵唔住頸寸鬼佢, 我話, 天堂我唔去喇, 嗰度得cream cheese 食架咋! 我有lactose intolerance 架嘛~ 我咪要死完再死, 不斷咁死! 我知, 會有什麼得永生吖嘛, 咁仲大鑊, 我咪永永遠遠係咁suffer! 但我落到地獄, 大把friend 陪我不特止, 仲有永生不滅嘅地獄之火, 嘩~ BBQ啱晒啦! 港式BBQ又得, 鬼佬BBQ又得~ 幾好呀~ 跟住全枱人(除咗佢)就笑到趴响度, 仲話約埋18樓見! 但.. 佢就開始面黑黑, 但夾硬堆個笑容出嚟囉! 跟住次次出嚟都講D差唔多嘅嘢, 我地真係怕鬼咗佢, 無幾耐我地就慢慢咁疏遠佢喇~ 依家就真係唔多會搵佢添啦!
即係咁, 我唔係反對人信奉任何宗教, 好多時, 個宗教本身係無辜嘅, 只係佢D信徒點樣演繹佢信奉嗰個宗教啫!

jiujiujiu

回復 90# mcjohnjohn


有架~ 仲有好多架! 我唔想特別去標籤某D宗教, 但以我所見同埋所受到嘅"恐嚇", 基本上都係嚟自基督教嗰D自以為好虔誠嗰D信徒囉~

jiujiujiu

回復 91# mcjohnjohn


哈哈哈哈哈~ 都唔算吖~
本"頌恩"我都由幼稚園唱到中學畢業啦! 哈哈~ D歌詞梗唔update 啦!
但"愛是不保留"算係流行曲嚟架嘛, 點比較呢...

jiujiujiu

回復 95# mcjohnjohn


係架! 舊約有好多野已經俾人推翻左好耐添~
好似"挪亞方舟"咁, Discovery Channel 已經响若干年前已經有個program 講左, 阿挪亞先生並唔係响God度收到風會有什麼flooding, 而係一個生意失敗嘅生意佬, 生意失敗, 執晒D家當, 帶埋自己老婆仔女夾帶私逃咁走佬避債咋嘛~仲有一個program 講摩西, 原來佢唔係咁勁拿碌棍响地下篤幾下(唔記得篤一下定幾下喇, 事但啦!), 然後紅海分開左可以過河, 因為人家found out 左嗰度有一截係如果到左水退, D水就會退到好低, 見到河底, 好似"尬"水過去就可以到對面岸囉~

jiujiujiu

係咪要多啲明星唱潮天主教歌會好啲呢？基督教依家聲勢浩大都係得啲名人爭住認係信徒同不斷分享見證。
...
大C姐 發表於 2012-11-25 18:54

咁... 即係應該由牧師傳教定應該係由D所謂名人明星仔歌星仔咁hard sell 傳教呢?
如果係話名人都可以, 咁就好誤人子弟啦! 我唔係話信基督教係教壞人, 但嗰班人有幾了解個教嘅本義呢? 真係令人質疑!
唔係話得閒唱吓神歌, 話自己成日查經, 仲爭住認係處女嗰班人傳的話, 我覺得真係好可笑! 如果咁都唔係誤人子弟, 咁係乜!

jiujiujiu

....神棍我就見得多．想sale我，我早就準備有過百問題來考他們，有料過到關先講...
satil 發表於 2012-11-25 19:13

絕對認同!
小妹由幼稚園到中學畢業, 都係讀同一間天主教學校, 佢地用十幾年都說服唔到我... 我諗唔多會有人可以說服到我去信任何一個宗教!

話說我Form 2嗰年, 有一日上RS(religious studies)嗰陣, 個Miss 講緊 Garden of Eden, 我就好大膽咁問咗一個問題, 咁... 我成個Form 2嘅RS都未合格過喇! 我問乜搞到咁大鑊? 我咪就係問佢, 如果天主淨係做咗Adam & Eve, 咁, 就算佢地係咁生, 大家都係只兄弟姊妹, 要搞到個地球咁多人, 咁咪要不斷咁搞亂倫囉? 佢當堂俾我問到口啞啞, 跟住.... 我Form 2咪無pass過RS囉!

jiujiujiu

回復 110# mcjohnjohn


我都知道我能人所不能架喇! RS想唔合格, 實在都好難, 而我就能就輕而易舉咁做得到~ 我都覺得自己好堅! 哈哈哈哈哈~

jiujiujiu

可能佢都係想為你好... 而且佢地可能覺得你受硬唔受軟... 或者, 下次會綁起你, 吊起你來迫你入教! 哈哈~ ...
mcjohnjohn 發表於 2012-11-25 19:04

哈哈哈~ 我遇強越強架啵~
就算我隨口up, 話"我拜神架, 咪sell 我啦!"咁, D人都死纏爛打咁係都要話"陪你去教會"... 我都叫番佢地陪我去觀音廟拜神架! 佢地都仲好厚面皮咁話觀音廟佢地就唔去喇, 但就可以"陪我去教會"囉~ 你話係咪當堂O晒嘴吖~

jiujiujiu

其實我也不徨多樣... 當年A-LEVEL 跟CHEMISTRY 老師結怨, 結果那需要向考試局呈分的LAB SCORE 被評為全校 ...
mcjohnjohn 發表於 2012-11-25 20:10

但我比你好彩啵~
話說我Form 4嗰陣, 教中文個miss 問我, 點解我科科D成績都咁好, 就淨係中文唔多好兼且成日都唔交功課, 我見我橫掂都決定Form 5 畢業之後, 就會嚟加拿大讀書, 我咪豁出去, 好直接咁同佢講, 我唔鐘意讀中文囉, 從嗰日開始, 佢就從未理過我有無交功刻喇! 但我中文都仍然可以合格啵~ 呵呵~

jiujiujiu

我都好多親戚朋友係信教，他們都好”認真”sale我去教會，每當我又”認真”同佢地講解／分析／討論他們的宗 ...
satil 發表於 2012-11-25 20:27

咁通常都係咁架啦~
越了解, 就越接受其他人唔同意見, 越唔了解, 就越唔接受其他人意見, 因為佢地自己知自己事, 知道自己一定唔夠理據同人"討論"! 呢D係好正常嘅human nature 啫!