jiujiujiu

回復 61# chunsh


人家講真講笑我唔會唔知道, 如果我咁容易分化到佢屋企, 咁應該係我問題定佢地問題呢.....
如果佢老豆當初對我好, 我又點會咁.... 你估真係淨係結婚單野就可以搞到咁? 唔好天真啦~
人人都有阿媽生, 我屋企人點對我老公同我老公個老豆點對我, 我老公自己知道, 連佢阿媽都知道, 針唔吉到肉係唔知痛架!

jiujiujiu

回復 66# chunsh


  不如問你一個問題吖，如果你帶個女朋友第一次返屋企食飯，你阿媽筆湯過你老豆，但唔覺意筆得滿咗DD，跟住你老豆就算有外人(你女友)响度，居然用粗口片你阿媽，仲要片足成餐飯，但原來你阿媽有冇做錯嘢都好 ，响街定喺屋企，總之唔feel like 就揾粗口片你阿媽，你覺得你老豆會對你女友(或者老婆)可以有幾好呢！

jiujiujiu

回復 65# reyes


咁又唔算難為，我從來都係遇强越强㗎啦！道理在我手，我怕咩呀！我仲可以笑住同佢食飯，幾憎佢幾唔妥佢幾睇佢唔起我都唔會no show，我唔會俾任何把柄佢揸手嘅！

jiujiujiu

回復 66# chunsh



咁又唔得噃！我唔會令自己老公難做，咁咪即係揾自己笨同自己過唔去！而且，咁就唔會有把柄俾佢老豆揸手，佢老豆就點都入唔到我啦！我唔係好醒，但同佢老豆玩心理戰，我都綽綽有餘！

jiujiujiu

回復 76# chunsh


我有幾辣佢領教過架喇~ 我呢D讀過書嘅人, 點會俾D咁嘅人咁容易開到口鬧我吖~
我可以調教到我老公咁貼貼服服, 佢都知道我唔容易對付啦!

jiujiujiu

回復 77# chunsh

查實好簡單咋嘛, 係人都曉啦!
D人係咁用粗口片人, 其實係想draw 所有人嘅attention 咋嘛, (well, at least 我老公個老豆係啦!) 你只要全部人行開, 擰歪面, 唔show 佢, 佢好快就收聲啦! 對佢真係萬試萬寧架! 駛乜同佢一般見識, 大大聲响度互片呀~ 呢D自己拿來丟架嘅事我係唔會做架! 要丟臉要肉酸就等佢自己一個人丟飽佢囉~ 响街遇到佢發神經, 我立刻彈開扮唔識架! 不過, 我都好少同佢地個家人一齊去街....

jiujiujiu

回復 74# reyes


如果我老豆咁樣片我阿娘, 我一腳伸死佢都似! 不過, 我一定唔會! 因為我老豆係個有家教嘅小朋友黎嘅!

jiujiujiu

回復 75# reyes


你唔好添呀~ 我呢D人, 肯定激死你!
哈哈哈哈哈~  

jiujiujiu

回復 78# lo_pak

哈哈~
即係咁, 一樣米養百樣人, 你估人人都係咁野蠻, 有佢講無人講, 大大聲就代表一定佢o岩晒, 認為所有女人都係要俾男人騎住來hub 咩~
所以...... 當我唔好彩, 亦當我老公個老豆比我更唔好彩囉~ 遇著我呢個新抱....
哈哈哈哈哈~

jiujiujiu

回復 86# mcjohnjohn


感謝你呀~ 莊莊兄~