費青當道

家, 白, 能力

費青當道

上星期五早上坐車聽到電台新聞話咩「家長幫啲仔女攞表格…」，我心想不知又是那家幼稚園或小學的招生情況。原來搞錯曬，當日系5千白表名額免補地價購買居屋計畫正式派表及接受申請，而排隊嘅不乏家長，之後當然就系俾曬錢送埋個仔上車。由讀書找樂搵工結婚置業養仔（孫），都一手包辦，無微不至，港產家長堪稱當代父母的典範。晚上睇番新聞片，見訪問其中一位滿頭白髮嬤級女士，她徐徐回答：「（子女）冇能力買私人樓嘛。所以咪幫佢攞表。」冇能力買私樓，我尚能理解，但連「排隊攞表」都要勞煩個老母，「自顧」能力真沒話說。

港產家長子女認真唔話得

記起早前友人轉來的電郵，雖不明言是否親身經歷，卻擔保出處。重溫事件，再對照眼下「費青（費事親為的青年）」當道，其來有因。以下案發經過：
噚日喺九龍分區郵局見到一個中學生，拎住袋嘢企喺我前面，以身高估算應該系高中生，睇住佢走埋去問郵局職員。

中學生：「我想寄呢袋嘢。」

郵局職員：「你包好佢，填左份form再過嚟。」

中學生（疑惑）：「要包好佢？我袋起咗啦噃。」

郵局職員：「用紙袋裝起，我哋系唔收架。」

中學生：「點樣包？」

郵局職員：「你可以用個紙盒pack好佢。」

中學生（緊張）：「要我執紙盒？」

郵局職員：「我哋有得賣紙盒。」

中學生（困擾）：「咁要裝起呢袋嘢要用邊隻紙盒？」

郵局職員：「你試下呢個啦，X蚊啫。」