mcjohnjohn

其實政府搞呢個強積金, 我覺得就係全民退休保障既一部分, 呢部分比較容易令供款人受落, 因為總算係一個自給自足既政策. 香港人可能慣左自己食自己, 要佢地照顧埋其他人, 其實真係唔容易. 你諗下, 大陸黎既新移民, 每日都總有人話佢地浪費納稅人既錢... 所以話強積金係一無是處我就唔能夠認同, 起碼行出左第一步, 之後d 野會好做d.

當然, 香港係唔係需要全民退休保障絕對值得討論. 對基層市民人來講, 有退休保障係一件好事. 對於中產人仕來講, 佢地自己照顧到自己, 仲乜鬼要佢地照顧埋其他人? 呢個係心態問題. 香港一直都唔係一個福利既社區, 鬼叫你窮, 頂硬上啦!

mcjohnjohn

更離譜嘅就係，佢將普通打工仔嘅血汗錢，從高昂嘅管理費、佣金之類嘅渠道，轉去俾本來已經非常有錢嘅銀行、金融業、基金佬等等，完全違反社會公平原則，亦變相令全世界貧富懸殊最嚴重嘅香港變得更加貧富懸殊。
Lik 發表於 2011-11-27 09:07

流汗... 唔搵班擬似精英幫我manage, 唔通搵街邊d 露宿者去幫我manage 咩? 唔好話唔應該搵邊d 人去manage, 不如你講下應該搵乜野人去manage? 我都好有興趣了解一下.

mcjohnjohn

所以話你懵吓懵吓。點解打公仔啲血汗錢一定要交晒俾班fund佬，然後等佢地從中抽佣攞着數？如果呢條橋係好嘅話，鬍鬚曾舊年話注資6千蚊落MPF度嘅時候就唔會俾人小到屁股開花啦？

稅金交俾政府，再以財富再分配返嘅形式落返人民身上我條氣都仲可以順少少。但其實本來就係人民自己嘅錢，咁就梗係由人民自己決定點樣用係可以最用得其所，對佢自己發揮到最大嘅 utility 㗎啦？有乜理由將啲錢明益一眾本來已經非常有錢嘅銀行、基金等等？咁樣唔係加劇貧富懸殊又係乜野？
Lik 發表於 2011-11-28 14:47

呢個係一個根本既問題. 香港一直都冇退休保障, 除非你真係窮到"農", 否則福利唔會幫到你. 呢個強積金, 好明顯係想將一部分既責任交比香港市民, 迫係儲錢, 儲落等退休唔好仙都唔仙下, 唔駛下下攤大手板靠政府. 係人都知自己既錢最好自己決定點樣用, 但係如果有人好不負責任, 將d 錢用光哂, 冇諗過自己既將來, 咁政府係唔係可以睇住佢死唔救佢? 係既話, 我贊成取消強積金.

咁有筆錢就梗係要有人manage, 唔比銀行、基金manage, 咁有乜野人更信得過呢? 當然, 我唔介意有人比d 錢我manage, 我唔收charge 又點話丫, 不過我只係諗住幫手將d 錢鎖入夾萬架乍.

mcjohnjohn

你可不可以向ＭＪＪ解釋一下加拿大的退休基金ＣＰＰ是如何運作的？ 我相信ＭＪＪ一定有興趣知道。 ...
rockypath 發表於 2011-11-28 15:20

不如你解釋啦~ 唔一定要指定邊一個人去解釋的.
最好解釋得簡單一d 仲好, 最好好似executive summary 咁, 千祈唔好就咁send 條link 比我睇.

mcjohnjohn

俾佢班fund佬蝕咗嘅，再加埋啲無敵手續費，分分鐘真係鎖入夾萬都仲多錢剩過供入強迫金呀！

-力 ...
Lik 發表於 2011-11-28 15:13

力兄, 唔係吹水, 我自供款以來, 而家條數係好過鎖入夾萬. 當然, 我懶得計通脹, 唔知真係係賺or 蝕.

mcjohnjohn

我當然唔否認（亦從來無否認）有人嘅強績金戶口有賺錢，但我所認識、聽過、同睇報紙所得到嘅綜合訊息就係 ...
Lik 發表於 2011-11-28 16:00

可能我好彩, 我d 朋友都係賺的(帳面上), 應該係因為我地都係100%高風險吧...
話時話, 我真係唔知道連保本都會蝕的(帳面上). 我以為保本就一定會有個本, 而手續費應該低好多好多先係架woh.

mcjohnjohn

我先唔會幫阿力解困。 看他將強積金踩得一無是處。我也想知道他如何點評加拿大的退休基金，因為它與強積 ...
rockypath 發表於 2011-11-28 16:04

大家一場朋友, 講下比我聽唔駛死丫麻, 駛唔駛咁孤寒呀...

mcjohnjohn

加拿大的退休基金也一樣是強積金。 夠簡單了呱？
rockypath 發表於 2011-11-28 16:13

唔係呀化, d 錢咪落哂去d 十惡不赦+窮凶極惡+殺人不見血既基金佬個袋入面? 可惡也~

mcjohnjohn

好似比人擺左上table...
算啦, 雖然我有求知慾, 但我可以搵其他慾去壓抑一下我既求知慾, 我唔去了解你地既ＣＰＰ 了.

mcjohnjohn

加拿大退休金，可以說是一個大鑊，人人都要放錢入去，自己人工4.95%+老細4.95%，到65歲就係裡面羅，羅幾多 ...
ricrick 發表於 2011-11-28 18:49

ricrick 兄, 都係你夠朋友, 小弟又學到野了! 謝謝~

你地加拿大退休金係一隻大鑊, 我地香港MPF係各人有一隻飯碗. 其實我唔明白有乜分別, 因為你地隻鑊係就係大d, 但係"原則上，供款愈多及年期愈長，則將來可領取的退休金金額會愈高", 咁同自己食自己碗飯好似冇乜分別. 當然"原則上"呢一個term 好有可塑性.

其實你地隻大鑊係唔係冇乜錢(因為應該會有人不斷拎丫麻)? 如果有錢, 都應該要炒一炒先至可以令隻鑊入面d 料更香, 可能我係香港人啦, 真係覺得唔炒過唔安落的. 哈哈~