mcjohnjohn

無可否認, 香港真係有好多窮人.
但係, 有窮人既地方唔代表唔係一片福地. 如果想找真正既福地, 不如去信下教丫? 信耶穌, 得永生. 天國係一個永遠既福地law.

窮人, 有佢地過活既方法. 窮人, 並唔代表佢地既生活唔開心. 小弟窮過, 細個既時間一家五口住百幾尺既廉租屋, 但係小弟過得好開心. (當然小弟未窮到冇錢去睇醫生) 每個人都為左生存而努力, 窮人要生存, 有錢人都要生存. 窮人都可以過得好快樂, 有錢人都可以過得好失落.

小弟覺得, 如果任何人發現身邊既朋友(老人家, 新移民都可以係朋友)需要幫忙, 大家不妨去幫下佢, 關心下佢. o係度怨政府係冇用架.

mcjohnjohn

原帖由 Traum 於 2008-5-14 00:56 發表
News兄，

先撇開加拿大既 welfare system 唔講，以香港既綜援制度，$2300幾一個人。當你一家三、四口住響天水圍，四千幾蚊住響新界，唔出市區，無病無痛都勉強頂得住，但一旦屋企有咩市就會即刻大檸樂。好喇，你話去搵工，想過海去中區做清潔，一個月搵 $4000 （其實應該無咁多），每個禮拜返六日，每日 "只係" 做12個鐘（其實耗多要做14個鐘）。淨係巴士來回轉幾程閑閑地三、四個鐘車，仲要一日踏成百蚊，你唔食，齋搭車都去左一半有多啦？出左去返工，咁屋企細路仔邊個睇住呢？

好喇，我唔去中區打工，最少都要出油尖旺掛？唔過海慳得幾多錢，幾多時間呢？好，我再返近D，去荃灣打工，但荃灣人工又會差D，即係最後條大數都係差唔多。

好喇，今次個細路病左，夜晚發燒。可以去邊處睇醫生呢？好對唔住，全個天水圍連半間醫院都無。想睇私家醫生？你發夢都無咁早。公營既夜診服務亦好似只係攪過少少 pilot project 之類。要去急証室，飛的最少都要去屯門。唔理得咁多喇，帶左個靚仔去睇醫生先啦。攪左成晚，第二日返唔到工，工頭打電話來話今日返唔到工就以後都唔使返來啦。算啦，睇掂左個細路好返D先啦。

以上既故事好 typical，香港每一個社工都可以隨口 up 九百幾個更慘既過案比你聽。香港唔少既窮人都來自國內，可能係新移民，又可能係內地妻兒申請到落來香港。人生路不熟，又俾人歧視，佢地可以做D咩呢？佢地又係咪大部份都想做懶人既呢？我唔覺得會係咁囉。

-力

力兄, 小弟非常欣賞果d 含辛茹苦, 一心想自力更生既人. 老實講, 呢班人想脫貧既可能性係極之低, 佢地唯有希望自己既仔女可以讀好d 書, 將來可以做一份好工, 到時先可以真真正正咁脫貧. 香港既福利制度係唔會比飽飯你食, 因為怕養慣一班懶人. 當人人都覺得唔駛做都有一定質素既生活, 咁就會有一d 人去偷懶.

新移民問題, 閣下有否曾經諗過既然想團聚, 點解唔一氣麻甩佬番大陸同家人團聚, 而係申請老婆仔女黎香港團聚呢? 好多人好憎呢班新移民, 覺得佢地浪費納稅人既錢. 其實, 佢地都想自力更生既, 但係又好似冇乜辦法去幫佢地. 佢地知識水平低, 唯有做一d 體力勞動工作, 賺辛苦錢, 先至叫做可以維拎一頭家. 如果當佢地發現有d 同鄉食綜媛既生活都好過佢, 咁佢做黎仲乜? 呢個係一個惡性循環...

不過諗諗下, 一日番工十四個鐘, 一個月都係賺四千幾蚊, 拎綜媛如果多過呢個數, 仲有人去做野架咩? 冇人做野, 老闆就只好加人工嗎? 好難喇, 因為仲有大把人冇祺格申請綜緩, 大把人爭住做十二蚊一個鐘既工...

加綜緩唔係辦法, 爭取設立最低工資好過啦.

mcjohnjohn

原帖由 Traum 於 2008-5-15 03:31 發表
香港既貧富懸殊問題越來越嚴重，而聽D社工講，依家好多時個問提係隔代貧窮，亦即係老竇老母窮，之後個仔都繼續窮。其實呢件事都唔難理解。就當個仔讀書都算勤力，成績中上，有足夠能力去讀大專課程（成績上）。但屋企住響天水圍，老竇老母又一把年紀了，使問你做仔既又點忍心自己跑去讀書，而繼續叫老竇老母拿綜援養家呢？

可能小弟不孝, 如果小弟係果個仔, 小弟一定會去讀書, 繼續拿綜緩. 一定full grant full loan, 唔駛錢讀書, 政府又有車船津貼. 上完堂之後就可以去市區幫人補習, 可以搵到少少錢架!

原帖由 Traum 於 2008-5-15 03:31 發表
而 realistically，綜援又養唔養到家？你連買西裝既錢都無，又點去打社字樓工？屋企赤貧，又住得遠，又邊度有錢搭車出市區返工？結果又繼續留響天水圍附近，做D人工最低既工種，隔代都無辦法脫離貧窮。

綜援可以餓你唔死... 冇人叫你剩係食綜援, 梗係要出去市區搵下外快啦~ 補習唔係申報架! 小弟當年一個月起碼搵二三千蚊. 西裝, 五百蚊一套都有. 天水圍唔係好遠, 出中環唔駛一個鐘架.

原帖由 Traum 於 2008-5-15 03:31 發表
最低工資同最高工時呢兩樣野，你估無人講咩？李卓仁阿仁哥講左九十幾世啦。泛民亦大把議員有提案同支持，但因為立法會既制度問題，其實成個立法會只能提出問題，而無能力去逼政府做任何野。而響政府同大企業私商受受之下，大財團向政府施壓，政府又點會唔聽？

咁又係呀, 寧得罪窮人, 莫得罪富商...

原帖由 Traum 於 2008-5-15 03:31 發表
呢D全部都係社會問題，但社會問題係須要政府有合適既對策來應付。而政府一值係咁 cut 社福界既 budget，又向大財團同有錢人傾斜同作利益輸送，試問問題又點會解決到？

社福界d 錢去哂教育同醫療果邊...

mcjohnjohn

原帖由 Traum 於 2008-5-15 11:49 發表

我響荃灣坐小巴，再轉地鐵出中環都要成粒鐘啦。你天水圍響元朗再入D，仲要搭巴士同轉車，無兩粒鐘點過海呀？

另外，讀得下書就話嗟，唔係咁讀得果一群先至係最多人。就算你讀完預科，又可以做D乜？問政府借錢去讀副學士？上左佢當既 ...

天水圍出中環梗係搭巴士啦! 一程車一定唔駛一個鐘~ 大欖隧道一出就三號幹線跟住就到西隧直出上環.
車費係貴d, 要廿蚊一程. 但係中環番工既話應該afford得到.

mcjohnjohn

原帖由 大C姐 於 2008-5-15 13:23 發表
我發現好多人留言但係有好多人都唔好了解關懷呢一百萬人。

問題唔係呢班人唔做野問政府囉錢唔夠洗﹐係想做可能無人請(年紀﹐社會徑濟問題)﹐就算做足7日﹐D人工都係唔夠生活﹐而且手停口停﹐做少一日工都唔夠生活費。最慘係有D家庭係連食都無啖好食﹐D細路又無人教﹐想脫貧都真係唔易。

首先最起碼係有food bank同一D免費繕食俾呢D家庭(尤其細路同老人家)。有啖好食其實對健康同工作能力有好直接影響。

第二度地方都發生同樣問題唔代表呢個唔係問題。你哋D蛋散唔係切身處地就好輕易講句﹕車~好多地方都係甘架啦。問題係﹐一個城市﹐無理由容許一班肯做肯挨既社會支柱既一份子落後到無飯開。而家唔係打仗唔係大飢荒﹐社會進步有錢賺無理由容許社會一部份既人受難﹗

-- 大發人心大C姐

小弟覺得香港既市民應該做多d 野, 多d 關心身邊既人. 不過, 我地應該點樣關心佢地先係最有用呢?

mcjohnjohn

原帖由 Traum 於 2008-5-15 15:47 發表
5集裡面，第一集係 overview，第二集講女人，第三集講老人家，第四集講小朋友，第五集講男人。無錯，節目裡面無認真講過年輕人既貧窮問題，但佢地要面對既困難，你唔多唔少都可以從第 4集裡面想像得到。小學生升中，要面對沉重既課內外活動費用。中學生想去升學，四年之後要背負起兩萬幾、三萬銀既債務。佢地，又係咪你所講既 extreme case 呢？

小弟讀完三年大學之後, 共欠政府八萬幾蚊~ (當然係港紙啦)
仲記得讀完分開五年還, 每三個月四千幾蚊既日子. 冇香港政府既支持, 小弟一定冇能力讀大學.
小弟覺得, 年輕既一代, 只要有幹勁, 有抱負, 有負出, 就好有機會成功! 呢個就係小弟覺得香港係一個福地既原因~ 呢個世界上有好多地方, 根本你點努力都冇辦法出頭既.

原帖由 Traum 於 2008-5-15 15:47 發表
有唔少既赤貧人士，佢地以前係有份建設香港既中流砥柱。無錯，佢地可能一直係社會既機層人士，但咁並唔可以抹殺佢地對社會所作出過既供獻。好喇，依家佢地老喇，我地社會係咪用貧窮去答謝佢地以前所付出既呢？

如果佢地曾經係香港既中流砥柱, 佢地點會係赤貧? 87, 97 炒輸哂股票? 後生賭馬輸哂副身家? 小弟覺得壯年既時候係要plan下自己老左點算. 如果明知老左有人養, 小弟都會趁段生駛哂d 錢, 老左冇錢都有人照顧. 但係呢個世界又點會有咁著數既事呢?

mcjohnjohn

原帖由 Traum 於 2008-5-16 00:19 發表

我呢度講錯左，係每年要兩、三萬學費，再加兩、三萬生活費，對一個貧窮學生來講，呢全部都要問政府借，綜援唔會幫手。四年大學加埋就變左欠落 24萬銀既債務，而且仲要再加息，而息口仲要由借錢果日開始計。我地 Canada Student Lo ...

都係錯. grant係唔駛還既, 如果full grant就夠cover哂所有學費(小弟試過full grant). 至於loan, full loan 每年大約比40000蚊, 三年都係12萬. 分五年還, 每期大約還7千蚊左右啦. 借錢就梗係要利息架啦, 有乜野問題? 小弟記得年息係兩厘半至四厘, 都唔係好高息.

mcjohnjohn

原帖由 大C姐 於 2008-5-16 07:23 發表
點解赤貧﹖所為一百萬人的故事﹐每個人都有因由﹐唔係一定炒樓炒股票或者後生唔勞力所致。所以你甘講好唔負責任﹗有D人做地盤﹐正常收入但係突然外盤無得開工﹐每個月靠老本養家﹐一般家庭點會有甘多積蓄﹖又有D老人家為洗晒D錢落醫 ...

大c姐, 係人都知每個人都有因由, 亦唔係一定炒樓炒股票或者後生唔努力所致, 我只係舉個例, 妳咁就話我好唔負責任, 我就覺得妳就真係好唔負責任law~
地盤冇工開, 係唔係就可以o係度坐以代斃丫? 我呀爸o係我讀小學既時候因為意外而喪失工作能力, 咁係唔係一家攬埋一齊等死丫? 結果, 我媽媽去搵一份好辛苦, 好嫌惡, 但賺多d 錢既工, 而我就o係屋企摺下盒仔, chi下膠水, 去做外快搵錢.

小弟覺得, 人係應該自己解決問題既! 關懷當然好, 雪中送炭當然更好. 但小弟覺得呢d 野並唔係必然既. 始終都係要靠自己解決問題.

mcjohnjohn

原帖由 Traum 於 2008-5-16 01:28 發表
麥莊莊，其實你有無睇段片架式？第四集裡面既小男生同大專女生，佢地有無幹勁，有無負出呢？但佢地要行既路，卻一定比絕大部份既人艱辛。我好希望佢地可以能夠成功脫貧，但講真，如果現行政策同環景都無大改變既話，佢地繼續貧窮既機會絕對高過能夠成功脫貧既機會。

信我, 香港係一個福地, 只要佢地肯努力同揀arm自己條路既話, 佢地既前路一定有好多機會. 到時就睇下佢地把唔把握到果d 機會啦!
只要有夢想, 凡事可成真.

mcjohnjohn

原帖由 布小熊 於 2008-5-16 01:36 發表

You have to notice that HK went thro a very drastic change... almost ALL manufactory disappear in the early 90s. I believe a lot of the elderly back then lost their jobs (they were silked workers bac ...

當年一層樓只係需要幾千蚊.