mcjohnjohn

But then, the Kowloon-Canton railway was the world's most expensive railway per km when it was first built.
peter236 發表於 2009-11-27 13:22

係咩? 真係唔知woh...
小弟都覺得香港起既野都貴, 可能因為我地要求用料好, 所以一定唔會有豆腐渣啦!

mcjohnjohn

五毛懵仔，

菜園村一事，唔該你自己去 check 清楚啲 facts 先走出來鳩up。接受賠償嘅好多根本只係有菜園村地權，但本身再無響菜園村入面住嘅人。真係響果度住嘅，特別係啲老人家、老村民根本就唔想走。

高鐵概念本 ...
Lik 發表於 2009-11-27 14:02

耶~ 好衰架~ 仲乜話人係五毛woh~ 我係兩毛啊~
小弟覺得高鐵一定有用既, 高鐵唔係貫通珠三角咁簡單, 應該可以遠少少, 去上海搭高鐵都應該幾好. (再遠d 就寧願坐飛機lu)
而家問題係選址問題之麻. 小弟形住形住其實選邊度都會有人媽叉的...  小弟總覺得一定會有選址比西九好, 只不過小弟不才, 我一定諗唔到架喇, 所以只好睇下大家仲有乜既好提議啦!

mcjohnjohn

相信最重要係亜爺認為此舉更加體現主權
遲D重要駁埋去澳門
再一條海底隧道連接台灣
嫓美英法隧道
sheep 發表於 2009-11-27 14:56

唔係呀化... 海底隧道連接台灣咁激?
唔知會唔會駛埋去台灣既高鐵呢? (唔知compatible or not)

mcjohnjohn

傻仔，mjj愛邊邊都討好，你吾係以為找到知心友？笑死人
ricrick 發表於 2009-11-30 12:53

我邊有邊邊討好woh...
宏觀d 就比人話邊邊討好, 可怒也!

mcjohnjohn

民賤聯號稱全港最大黨，而上次選舉每區都有第二梯隊嘅成員唔夠票而選唔到入立法會（當然，果啲友仔亦只係志在參與吓咁，儸返多少經驗，磨多幾年先搏可以好似搓胸勤咁上位）。但既然上次正式選舉有參選，作為新手嘅佢地補選卻唔敢出戰，呢啲唔係怕輸、唔係輸唔起仲可以係乜？！你怕輸而唔敢參加公投補選嘅話，本身就正正代表着你已經輸咗！

正常選舉嘅比例代表制又好、補選嘅隻揪隻又好，阿爺派兵出戰嘅話就一定會用晒所有合法「賄選」嘅渠道來谷票、配票、同「買票」。如果泛民支持者唔企出來投票，而令到五區公投補選失敗，泛民議員選唔返入議會，咁 unfortunately 呢個亦係民意嘅結果。社民連三子夠膽提出五區公投呢個建議，就預咗有輸呢個可能性，亦無數次咁講過會欣然接受選民嘅意向，因為佢地真係相信民主呢個理念，亦百份百咁尊重民意。你估好似民主黨班老鬼契弟咁係無膽匪類，驚輸就唔敢出來算咩？！公民黨支持得五區公投呢個提案，相信亦接受唔一定可以選返入議會。
Lik 發表於 2009-11-30 15:56

小弟覺得民建聯一定會派人出黎選, 只係會睇下蔡素玉仲會唔會選港島區. 雖然佢o係港島區有一定既票源, 但一定會輸比陳淑莊的. 不過, 如果只得社民連三子請辭, 咁港島區就唔駛補選了, 唔知玉姐會唔會空降呢?

力力, 唔好賄選前, 買票後咁難聽. 你寫到咁明, 而又冇證冇據, 人地有權告你誹謗架... 如果你有證據就快d 向選委員投訴, 唔好咁低莊o係度胡亂指控人地賄選同買票喇. 小弟明白社民連三子夠膽提出五區公投呢個建議, 就預咗有輸呢個可能性, 但身為香港民主既支持者既小弟, 真係唔想見到佢地輸, 議席一個都不能少! 每少一個議席, 就令泛民(政府心中既"反對黨")既力量減少...

mcjohnjohn

從目前可見嘅事實來睇，五區邊相公投依然係誓在必行，社民連同公民黨嘅兩幫人依然係 on track 咁去斟酌同安排辭職公投嘅細節。最後會唔會只係得社民連三子來做個辭職抗議呢啲咁無謂嘅揣測，我覺得響現階段講來都係多餘嘅。

如果告得入嘅話，人地要告咪告囉。難聽係難聽㗎喇，但我自問寫得好清楚，係咪誹謗咪等個官判囉。擺明蝕晒大本嘅蛇羹、旅行、燒野食，你夠薑咪學澳門咁請人地食餐投票前後嘅一蚊大餐囉。做到咁揚，唔係合法「賄選」、谷票、配票、同「買票」仲可以係乜野呀？
Lik 發表於 2009-12-1 13:05

既然補選已經係勢在必行, 唔知我既新界西會有邊個泛民去參選呢?
千祈唔好派長毛過黎... 小弟真係唔係幾想投佢一票. 如果真係長毛, 小弟應該會o係張票上面寫上"支持2012普選", 投廢票就算了.

蛇羹、旅行、燒野食既類型既活動, 已往o係港島東區生活既小弟真係見識不少~ 見到d poster 話幾十蚊就玩足一日, 真係好抵玩! 為左燃燒民建聯資金, 小弟當年係極度推介親友戚友參加呢d 活動~

mcjohnjohn

食窮民建聯，票投社民連？
ricrick 發表於 2009-12-1 13:58

哈哈~ 前者是對, 後者則未必~
小弟唔係太like 社民連過於激進既行徑, 所以投票係會投民主黨or 公民黨的~
過去兩次立法會+一次補選, 小弟分別投左余若薇, 陳四萬, (搬左屋)李永達.

mcjohnjohn

新界西應該係大舊陳偉業。如果百鴿黨肯有返多少承擔、有返多少腰骨，呢個位本應係何俊仁去嘅。

響任何人準備投票俾百鴿黨之前，我想問吓佢百鴿黨呢廿幾年來爭取過、同爭取到啲乜野呢？香港人俾佢呃咗廿幾年，由八八直選到依家，得到嘅民主晉程有幾多呢？話晒毓民隻蕉一出，啲公公婆婆就即刻袋多 ＄300 生果金，而呢一年來議題、抗爭、同議會文化都不斷改進。

一個呃咗你廿幾年，一個即刻有 result。有得揀嘅話，點解仲要投俾個無鬼用嘅政黨呢？

-力
Lik 發表於 2009-12-1 14:54

陳偉業既話, 我都可以投佢既. 不過, 我都擔心會有人唔like 社民連既作風, 而唔投佢地票. 新界西真係危過危地馬拉...
如果係公民黨or 白鴿黨既人就會感覺比較良好. 話就話想用補選作公投, 但真係好難投一個o係譏會搞事既議員架...
好老實講, 我都好想2012普選, 但都唔想選長毛出黎代表我law.
希望社民連千祈唔好出長毛, 否認此議席會凍過水, 我唔想見到泛民少個議員.

mcjohnjohn

71# mcjohnjohn
其實泛民邊個出來選都無分別，因為今次要選嘅係議題，係香港人要唔盡快普選。2012又好，普選路線圖又好，港人要申訴嘅係

「我地要普選！！！」

，而唔係選唔選返邊個泛民代表入議會。

MJJ，如果你唔明呢一點嘅話，咁你就完全 miss 咗今次變相公投嘅真正意義啦。

-力
Lik 發表於 2009-12-1 15:48

力力, 小弟想講既係, 香港人唔係你想像中咁單純... 「我地要普選！！！」 唔代表要投一個自己唔like 既人入立法會.
小弟明白呢次公投嘅真正意義, 但係亦深信有好多人唔係咁諗. 小弟覺得白鴿黨都有呢個顧慮...

小弟覺得「我地要普選！！！」之餘, 仲要「一個都不能少！！！」. 不過, 小弟都係得個講字, 應該唔會去幫手拉票... 泛民都係聽天由命吧...

mcjohnjohn

社民連可會派陶君行選？
ricrick 發表於 2009-12-1 16:30

新界西, 如果係社民連既話, 好有可能係陳偉業, 因為佢一直都係o係呢個區服務市民的.