mcjohnjohn

當你懶得聽, 亦唔想聽一班你唔like 既人講野, 而你又唔係一定要留o係度聽, 就可以選擇離開呢個地方.

衰就衰在佢地果個陳議員(我覺得係民建聯派佢出黎做丑人)要求點人數, 點完人數唔夠一半, 主席就要宣佈流會啦. 如果唔係要點人數, 請辭既5位議會都可以繼續佢地既發言的.

mcjohnjohn

大家都係玩策略之麻.
泛民又好, 建制派又好, 佢地只不過o係呢一個舞台上面爭取對自己最有利既情況.
今次建制派又咁做, 你吹佢唔脹架woh. 正如泛民琉請辭搞一個變相公投, 建制派都吹佢地唔脹的.

你而家支持泛民, 當然會覺得民建聯好小家; 但另一方面, 建制派既支持者又會覺得班泛民搞屎棍之麻.
唉, 只要佢地班友仔做既野係合法, 我呢d 小市民又可以點woh, 唔通有少少唔順眼就要出黎苦行咩, 慳番啖氣暖肚好過.

mcjohnjohn

4# mcjohnjohn

而家就係叫你呢啲咁嘅人
企出泥 要邊樣 開句聲
冇人抓住槍 指住你 要你效忠 要你支持民主
sheep 發表於 2010-1-29 01:15

我當然會開聲啦~
五區公投我一定會去投票! 不過, 除左投票之外, 千祈唔好expect 我做d 乜野激進既野去支持普選law, 我一定唔會同班o靚仔o去衝擊立法會.
我咁都有錯? 我只係覺得自己係一個斯文既人之麻...

mcjohnjohn

你我都知mjj=mojj
no dog use
habitrailspace 發表於 2010-1-29 03:07

你呢d 咁既激進份子, 同你講都o徙口水, 我決定退席! 羊羊主席, 唔該幫手點一點人數, 睇下過唔過半數, 唔過半數就請宣佈流會~ j/k
唉, 好彩流會就唔會o係LYK發生, 你可以繼續暢所欲言啦~ 你有係狗up, 我就當你係食左弗得.

mcjohnjohn

響麥莊莊嘅眼中，和平嘅快樂抗爭又算唔算激進呢？狗官同班保皇犬（特別係功能組別班廢柴）不斷咁去強姦民意，佢地又算唔算暴力呢？

-力
Lik 發表於 2010-1-29 14:49

和平嘅快樂抗爭, 我一向都做緊啦, 就係有票就去投~

你話狗官同班保皇犬強姦民意, 小弟又唔多認同. 特別係功能組別班廢柴, 小弟覺得佢地都只係為左自己既界別既刮益而投票, 都叫做聽取佢地既選民既意見啦, 又點可以怪佢地woh. 要怪, 就怪點解唔可以普選, 功能組別班廢柴係無辜law. 唔同既議員代表緊唔同既選民既意見, 如果班保皇犬真係如力兄所講咁"強姦民意", 市民又點會去選佢地呢? 你都要尊重果班投票比保皇犬既市民呀!

mcjohnjohn

麥莊莊，

你啲咁嘅說話都算人話嘅話，我真係O晒嘴...費事去駁你。

不過我唔該你去睇下有幾多件功能組別嘅「議員」係自動當選，其餘嘅又每人有幾多票。佢地有認受性？佢地代表民意？！

-力 ...
Lik 發表於 2010-1-29 16:32

我就係想你駁下我, 我都想睇下其他人既睇法, 我好open 的, 最like 吸納唔同人既意見, 從其他人既意見中massage 過再選擇適合自己既一套, 所以, 力兄既意見對小弟黎講真係好有用的~ 你唔係對牛彈琴, 你只不過係教緊一張白紙之麻.

功能組別嘅「議員」係自動當選, 點解呢? 點解會冇人同佢爭呢? 會唔會係因為佢o係呢一個界別已經係公認既專家, 所以就冇人敢challenge 佢? 功能組別既議員, 梗係為自己組別入面既會員爭取最大既權益, 而權益通常都同錢有關. 而家阿爺咁關照d 商家, 成日都好似會派錢咁樣, 試問一個功能組別既議員又點會做d 野得罪阿爺呢? 你一個人得罪阿爺, 容乜易令成個行業唔受阿爺既聖恩啊~ 而家唔係功能組別既議員有問題, 而係有功能組別呢樣野有問題, 你明白嗎? 我真係唔覺得功能組別既議員想保障自己既行業有乜問題law.

至於認受性, 小弟一向都覺得功能組別冇乜認受性. 所以, 夠哂資格做功能組別既選民既小弟, 從來都冇諗過登記做選民. 至於民意, 佢地真係代表左某小撮人既民意, 呢方面我唔會懷疑, 因為如果佢唔聽自己選民既意見, 根本冇人會選佢.

而家係個遊戲規則有問題, 遊戲就點都要玩落去, 只不過睇下有冇人可以改一改個適合大家口味既遊戲規則. 可惜既係, 適合得A 既口味, B 又可能唔like, 做成好多社會既矛盾同衝突law.

mcjohnjohn

MJJ，

學梁家傑話齋，當你明知道呢個係個不公義嘅制度，但又咩都唔做，咁你即係想點？！明知遊戲規則嚴重地有問題都繼續玩落去。大佬，回歸都過咗 12年啦！再玩落去嘅話叫做戇X鳩！而且我唔該你去思考一吓，點解香港會榮登全世界已發展地方堅尼系數最高嘅地方、咩叫做官商勾結、咩叫做領匯、點解每個香港人要無啦啦俾成皮野來起高鐵！而呢啲野又同功能組別議員想保障自己既行業有乜關係？點解咁樣你依然可以覺得無問題？！

辭職之前，毓民講過呢兩句說話：

正其誼，不謀其利，明其道，不計其功。
求名當求萬世名,計利當計天下利。

呢啲先至係人講嘅說話。功能組別？保皇狗？政府狗官？去「不該」死啦！

-力
Lik 發表於 2010-1-30 01:42

力兄,

好老實, 小弟絕對係香港繁華經濟下既受惠者. 如果唔係香港既經濟情況理想, 就算小弟幾叻, 讀幾多書都好, 都未必好似而家咁叫做"脫貧"成功. 香港一直都以自己為資本主義既自由經濟體系為賣點, 以往靠住香港既獨特地位, 商人們都撈到唔少"油水", 時而勢逆, 北望神洲係一個必然既趨勢, 香港人好明顯o係要靠中國呢一個金礦來保持經濟上o係地界性既領導地位.

事實係殘酷既, 絕大部分既香港人想有高度民主既同時, 亦唔希望香港既金融業o係全球既領導地位有任何動搖. 好明顯, 大家都知道最能夠動搖呢一個地位既人(地方or政府)就係我地既主權國 - 中華人民共和國. 可笑既係, 如果叫人揀民主定係財富, 小弟相信over 50% 既香港人都會選擇後者, 因為其實我地而家都有"一定程度上"既民主, 然而, 如果要想爭取"更高程度"既民主但會令"財富"銳減, 我相信唔係咁多人會咁選擇law.

小弟既意見, 絕對可以反映某個圈子既人任既意見, 大家可能覺得唔順意, 但情況就係咁樣. 家家有本難唸的經, 身為一個局在人, 當然可以暢所欲言, 下下都話果d 唔勇於爭取民主既人係走狗, 係漢奸, 但小弟覺得一個人有頭髮都唔會想做"lar lay", 話唔定, 大家口中既走狗同漢奸先係o係背後最維護你既人.

mcjohnjohn

快D補選啦﹐我好想看白小姐點樣揭顛狗底牌。
不過聽聞顛狗想縮沙﹐怕左白小姐大揭秘而唔肯出選﹐希望唔好啦~

MJJ﹐ 阿力一向都當選建制派既選民唔係人﹐佢地既意見唔算民意﹐所以講多都徙氣。 ...
soli 發表於 2010-1-30 10:45

白小姐出名"phone人phone語", 當佢講既野係茶餘飯後既笑話聽下就好喇.
至於力仔, 佢又真係好多時都唔會顧及其他人既感受既. 算啦, 政客就係咁架喇, 成日都掛住抽秤人同攻擊異見份子, 每次選舉都聽唔少呢d 攻擊架啦, 慣左lu.

mcjohnjohn

一而再
再而三

狗口長不出象牙
sheep 發表於 2010-1-30 11:29

今次佢又唔算乜野狗口既, 你放過佢啦~
你專心食我呢條牆頭草好喇, 唔好走出食其他野喇. (除左紫芯蕃薯外)