一條簡單嘅數學問題：一班由 40人減到 25人嘅話，一個學期教 7班，加加埋埋個老師可以改少幾多簿？老師首要嘅職責就係教導學生，一定程度嘅 administrative 工作雖然係無可避免，但實際上卻應該採取一個可免則免嘅態度來盡量減少不必要嘅 paperwork。但係香港教書係咪咁樣？！既然你係好老公嘅話，不如你話過我地聽阿麥太落堂之後用幾多時間來備課（呢樣唔受班上人數影響）、幾多時間改簿（呢樣直接受班上人數影響）、用幾多時間來做 administrative 野（呢樣唔受班上人數影響，但卻係教育局同學校嘅低能 policy 所決定嘅）等等。我話緊小班教學好嘅同時，亦知道並同意你所講教育局定埋好多低能 policy 要老師做好多無謂嘅報告、提案之類而食晒老師啲時間，而好多時呢啲低能報告直情比同教學生有直接關係嘅工作更麻煩、更花時間。如果唔係我鬧孫公來做乜？！
王永平係推行母語教學嘅其中一位千古罪人；飯焦冷血、涼薄之餘，更干預學術自由；李國章無敵勁 cut 大專 funding、干預學術自由、仲要響立法會同港大學生會會長開會嘅時候玩 Bejeweled；呢三個都係賤人。孫明揚相對地係好啲，但母語教學「微調」卻係搞到亂七八糟一鑊粥，卻依然 address 唔到點樣可以好好搞掂兩文三語呢樣咁重要嘅野。（Hint:語文呢家野一定要從小就學起，越遲學就越大鑊。）
Lik 發表於 2009-10-9 16:36 
以小弟既觀察, 太太既工餘時間分配大約如下:
1. 備課 - 我唔覺得佢會成日備課, 話哂教左咁多年書, 真係拎起本書就教到野的. 學期頭開左d 備課會, 有哂plan, 跟plan 去, 定期檢討就okay了.
2. 改簿 - 每日平均3-4個鐘
3. administrative 野 - 佢會o係學校KO哂先返屋企, 因為屋企做admin野唔方便. 除非係放長假啦.
不過, 我想講既係, 而家既教育制度係唔會比老師有好日子過的, 無論名校又好, 野雞學校又好, 老師都有唔同既野要做, 有唔同既壓力. 我太太放完產假之後, 每個星期六都要返學校幫d 學生補課, 因為小六學生下年暑假要考一個公開試, 全體老師都要返工直至考完為止! 學校就好似一間公司咁, 鬥業績, 鬥出名. 雖可悲, 但只乃現實.
小弟覺得, 小班並唔係一個解決問題既方案, 我唔會講到小班係萬能law. 要搞好教育, 有好多野要做, 好多野要配合, 呢d 野比小班更加緊要. 我發完up 風喇, 香港教育制度係點我有眼見, 比上不足, 比下有餘, 仍有好多進步既空間. 希望在位者能找到一套適合香港既教育政策啦~ |
發表於 2009-10-8 22:56
|