大C姐想問﹕無facebook係咪好out? facebook, internet, access, email, 朋友

大C姐

一向自認走在時尚尖端嘅優雅教主大C姐baby呢一年本載不停俾人問﹐"你俾你個facebook account我﹐我send翻d相俾你。"

恕我低B﹐但係以我所知坊間有好多site都可以upload相之後再email俾朋友。點解D人咁執著一定要upload上facebook? 同埋老老實實﹐自從有internet同digital普及開始﹐我已經千分咐萬分咐我D朋友千祈唔好放我D相上網﹐尤其一D任何人都可以access嘅網。

當然﹐你可以話facebook係俾D朋友聯誼﹐都係圍內人click入去朋友D相簿。但係我想講﹐今時今日好多蛋散係好濫咩人都add。同埋以我所知﹐你只要有一兩個呢D"濫交朋友"﹐好多三唔識七嘅人就可以搭上搭揾你。起初好多人都粹我開account揾翻D舊朋友。但係當其時我已經VO左一句﹐"我唔同呢D人keep in touch都不無道理﹐最好唔好俾我見翻添啦﹗"

講開呢D"濫交"facebook人﹐真係好討厭。講唔夠兩句就問人囉facebook﹐但係我真係想講﹐我都唔知你係乜水﹐個account咁多私人資料﹐personal過電話number。對住呢D人講話無facebook的話﹐就會俾佢哋啤同埋用一個好嚴厲眼神﹐好似話緊你﹐"你好舊﹐好out唧。咩字頭呀﹐中女﹗" 好多人都好鍾意對號入座﹐覺得無facebook就係同社會脫節﹐唔識用電腦。

但係我想講﹐我真係不曾有一刻係諗過要開account。我係咪好out?


-- 無facebook account但依然存在嘅C Cup達人

大C姐

我想Delete我個Facebook account 好耐，但唔知點整。 為有從個 ‘Friendlist' 著手，delete灑D無謂人，盡量精簡。

大師姐你無開到Facebook account，好明智啊！
Yui 發表於 2009-9-1 23:48

緊係明智啦﹐你upload咁多個人資料其實好危險。當然﹐無事發生係大家當我危言聳聽啦。但係有起事上嚟其實有跡可尋。你同咩人來往﹐去開邊度玩﹐邊到返工﹐去過邊度旅行﹐呢D資料對大部份人係無value﹐但係真係要起你底做壞事就好輕易成目標囉。

同埋我真係唔係好buy而家D人好依賴facebook。咩都話facebook講左啦﹐你唔知咩? 你無收到invite咩?

我真係講左N次﹐你有心約我﹐就打個電話再唔係SMS都personal呀。你求求其post上facebook﹐好無誠意唧。

-- 舊派人大C姐

大C姐

聽完好多人講自己嘅意見﹐其實我又唔係反對人哋去開﹐但係唔好expect呢個世界所有人都要有個facebook account囉。同埋我知好多人用facebook做生意揾食﹐對於好多promoter嚟講﹐都係一個宣傳媒體﹐絕對有市場價值。

當然我無judge過facebook好與唔好﹐我連account都無﹐唔知點解有蛋散要challenge我唔識裡面D function。我根本用唔著﹐點解要花時間去研究? 同埋好多日日夜夜去update自己個account嘅人﹐都有一個共通點﹐就係好得閒。無論返緊工返緊學搭緊車屙緊屎都好想check住有無人message你。我又可能已經過左呢個階段﹐你話見翻D舊同學...我想講﹐返學已經係戰前嘅事。又唔係個個keep到好似我咁﹐你想約人聚舊人哋都未必想見你。

但係anyway﹐我都係想講唔好再放人哋D相上網﹐好缺德。真係一張相係包涵好多資料﹐所以我而家都甚少同一大班人合照﹐因為永遠唔知會去左邊。

-- 戰前遺物大C姐

大C姐

facebook果然威力強勁﹐一講起就令好多人七嘴八舌。

當然我係唔知你哋講緊咩啦﹐online game對於C姐嚟講可以話係......好遙遠嘅事。我要好小心講﹐唔想得失一眾機神。

不過我真係從來無迷過打機﹐我係一D耐性都無﹐要我費神不如訓個覺好過啦。

-- 唔搞機嘅大C姑

大C姐

其實大家都仲講漏一點(唔係我胸前果兩粒)﹐係我根本唔想俾人揾到我。

一D真係朋友﹐會聯絡係唔會用到facebook﹐我打個電話就ok。一D唔係太識嘅人無啦啦add你﹐你又唔係好想寒喧但係唔add又唔知會唔會好大牌﹐但係老實講add左又無謂﹐因為呢D人根本十年都無兩句。我覺得好多人生交叉點囉﹐好多呢D人﹐難為知己難為敵﹐唔好要我選摘啦。

再講﹐我大C姐人面廣﹐識人多﹐要add真係有排add。每人彈句hi我都無時間check得晒。我連email都懶check真係唔好要我多一樣煩啦。唔通我叫我個小賓賓扮我覆人咩﹗


-- 神通廣大又神出鬼沒嘅大C姐