竊竊C語之又到性誕... office, 夜生活, social, hello, party

大C姐

喂喂大家好呀。在遠方的C姐與各位問好。

大家...食滯未呀? 我已經去左5個Christmas Party﹐食肥左不特止仲笑到牙較痛。你知啦﹐去social event講嚟講去三幅屁﹐都係"(笑)嘩好耐無見... 最近忙緊咩呀? Christmas會去邊呀? 係咩﹐你個仔上小學嗱? 我轉左新工﹐呢個係我張卡片。阿邊個邊個都嚟左﹐我同佢say hello先﹗(笑)"

一向對節日冷感嘅C姐嚟講呢﹐Christmas真係過過好__多次。咩都玩過﹐咩都見過﹐當然好多辦公室男女都係由office party開始搞埋啦﹐我都親眼目擊唔少... 不過留翻下年再開<夜生活女王2010>先分享。

其實我好唔鍾意逼﹐我真係寧願俾貴D都唔想排隊入去mall同人逼。但係過時過節﹐我都係一個正常女人﹐都一定會被個氣紛影嚮去構物。當然﹐價錢都好吸引啦﹐好多地方都減得幾多﹐同埋其實唔係我想像中多人囉。都執到幾件平平哋返工衫﹐算有新衫過年啦。

講左咁耐都未入題... 首先想祝大家過節開開心心啦﹐今年始終係大起大跌之年﹐好多人失業又反彈﹐但係總算平安渡過。不如回顧今年有咩大事大非﹐小事小非值得recap啦。我就覺得豬流感都真係幾流﹐累我搭飛機心驚膽跳﹐驚俾人捉走。另外都想提醒一班血氣方鋼嘅男女﹐性誕流流唔好做錯事啦。真係要老土都要講句﹐no glove no love。

好啦﹐今年年尾攝到一個post標個尾會﹐無咩好講啦。大家Merry Christmas玩得開心D啦。明年見~


-- "We are the champion"好波大C姐

大C姐

係唔係班fiend性誕冇預你
同你提早做
免得過你秋後算帳
你冰雪聰明
咁都索倒  好野
而家就以退為進
希望有LYK聖誕同你玩呀
有D難度
sheep 發表於 2009-12-19 11:48

首先﹐我好明呢個網上文化係好鍾意玩mean﹐infuriate其他人為樂。所以我俾個benefit of the doubt你﹐我估/當你真係其實唔係壞心腸﹐所以我認真去答你。

如果朋友性誕唔預我﹐其實唔洗多此一舉去特登提早同我搞囉﹐老老實實。同埋唔知你或者LYK今時今日嘅年齡層係咩啦﹐可能你真係年紀細﹐仲係諗緊同班friend開P嘅階段﹐但係大C姐係好耐無同朋友開Christmas party。我講緊嘅係12月份大大小小嘅"應酬"。呢D聚會包括自己office聚餐﹐client同其他business contact嘅networking party﹐我逮屬嘅幾個專業團體都會有好多節目我都要出席﹐仲有好多一直有參與開嘅charity搞嘅social events, 等等等等。


-- 忙到甩碌大C姐