錢錢錢錢的故事 香港, 故事, 小康

大C姐

香港人一講到錢就好大反應。

亦難怪﹐過去廾年香港又盛變衰﹐又由衰變失衡。每次大災大難﹐都有人破產﹐又有人從中揾銀。講到尾﹐香港最叻嘅都係賺錢。近年消費品越嚟越多﹐target年紀越嚟越細。所有報紙雜誌吹捧係邊個邊個名人最賺錢﹐邊個邊個女明星搭上有錢佬﹐邊個邊個生左個仔又分到幾多身家。對一般普羅市民嚟講﹐賺到錢=成功。

其實呢個都係老生常談﹐點解無啦啦囉出嚟開題呢﹐就係因為近日同大C父吵大交。事因大C父平日喜愛無病呻吟﹐每次通電話都離不開講錢。雖然大C姐唔係甚麼名人後代﹐但係點都算小康有餘﹐一家大細都唔愁生活一般所需。但係每一次同親大C父傾電話﹐都係好想問我近排賺幾多﹐個樓市點呀﹐D利息會唔會升呀﹐咩股買得過呀。當然﹐其實健康地討論財經某程度上都可以係一個消遣同興趣。但係有時屋企人傾計﹐唔洗吓吓講錢呀化? 返工已經用左人生好多時間﹐已經成日諗住D銀碼﹐對住家人就緊係唔想咁功利﹐咁市賄。

除左講金融之外﹐連大C姐日常生活都要管埋﹐荒死我會蝕底。基本上﹐對於大C父而言﹐消費除左係生活必需品以外﹐其他一定要賺到錢。好似有時我會學呢樣﹐學果樣﹐大C父第一個reaction一定係"讀埋呢D嘢同你工作有關咩?" 呢D真係嗌交第一原因。香港人D價值觀已經扭曲到一個地步已經唔知咩係開心咩叫活在當下。以前有錢可以買到某種快樂﹐所以潜言默化錢=快樂。中間已經skip晒所有嘢﹐包括用錢買私人時間﹐買個空閒﹐買個見識﹐呢D對好多香港人嚟都係嘥錢。

我同大C父講﹐無錢又呻窮﹐有錢又驚無左。根本無諗過攬住D錢嚟做乜。我已經一再三同C父講﹐其實佢自己退得休﹐夠錢慢慢滅。佢個女我﹐又有少少本事﹐都算賺到D﹐唔洗憂心生計。其實我哋呢D家庭唔係要坐法拉利﹐唔係衰爛賭﹐生活已經算好OK。但係每個禮拜大C父都真係囉嘢嚟煩﹐又囉嘢嚟煩我。好似要我洗錢洗得好guilty﹐其實揾得嚟就洗得去。我17歲打第一份工都未試過先洗未來錢﹐我亦唔會恨嫁個有錢人﹐有人幫我埋單。我自己洗得開心又唔會影響到生活咩由得我囉﹐做咩要揾交嗌?我真係唔知呢D係咩心態......


ps* 下集預告﹕有錢親戚與窮親戚的分別

錢錢


-- 生仔唔洗分生家嘅大C姐

大C姐

我唔係扮有修養﹐亦唔係企喺道德高地。我絕對貪﹐我貪吃﹐貪玩﹐貪方便﹐貪威。但係真係好覺得呢個世界除非你真係好窮無得食﹐一般developed countries生活嘅人﹐賺多D同賺少D根本分別不大﹐何必咁執著?

你話俾我賺多30%一年﹐我當然開心啦﹐多D錢洗﹐但係會唔會令我生活質素大大提升﹐會唔會做到大富豪? 又若然我賺少30%一年﹐我諗我唔會死得去囉。我最多少D出街食飯﹐住遠D﹐甚至唔養車﹐搭工車囉。即係話﹐我平日洗左果D錢﹐若然我唔洗放入銀行﹐係我會多D錢﹐但係唔代表我會好富有﹐因為我儲得幾多唧? 同埋儲錢儲幾多先夠? 你洗8蚊儲兩蚊有係儲﹐洗20蚊儲80蚊又係儲﹐到最後你都係睇餸食飯架啦。

只不過好多人覺得有錢就好有安全感﹐但係完全本沒倒至﹐因為呢D人無論幾多錢都唔會感到安全。


-- 正在處於安全期嘅大C姐

大C姐

所以呢﹐我由細到大最尊敬就係果D"孤寒自己﹐闊佬人哋"嘅人。你慳你市賄你閂埋房門慳爆佢﹐但係對外真係唔好做到錢字大個天﹐有時做人闊佬D真係為自己積福積德。呢個世界邊有人想同"度叔"打交道?

當然﹐我家C父出面都唔算孤寒﹐但係最困擾係圍內自己人有時真係唔好成日講錢。唔識我哋一家嘅人聽到我哋對話真係以為我哋生活好困難。慘過住喺貧窮線以下。

我覺得"有錢"係無定意﹐我渣住1萬蚊一個月又有1萬蚊生活﹐5萬又有5萬蚊生活﹐過十萬又有過十萬生活。就算偶然真係呻窮﹐物價貴也好﹐只要退而求其次﹐其實生活都過得去。用不著每個禮拜都驚自己疊樓貶值﹐D股票跌﹐份工唔穩定... 人生你要巢嘢嚟煩﹐一定俾你揾到。但係都係想講一句﹐香港人放鬆D啦﹗


-- 放鬆都好堅挺嘅大咪姐

大C姐

support 大C姐!!
same here! I married young, also 貪威, 貪吃﹐貪玩﹐貪方便, me and my wife making dec ...
ushush 發表於 2010-8-7 06:54

    就講翻"上一代"同"呢一代"嘅心態呀﹐其實我覺得都唔係黑白分明。好多而家做人父母呢代都係baby boomers﹐戰後出世﹐當然經歷過窮困嘅日子。但係唔好忘記﹐呢一批人後生果陣都經歷過70/80年代﹐經濟起飛﹐聲色犬馬嘅日子。當年都好捨得去旅行﹐大宴親朋﹐買"勞"買benz﹐都算真係風光過。雖然係窮過﹐但係都曾經闊佬過。所以我唔覺得完全係受40-50年代戰後影響。根本好多人老老吓就越嚟越縮﹐好無安全感﹐對社會好唔信任。

大C姐

好多人都捉錯用神﹐我唔係講緊有父母要生活或者貪心不停問仔女囉錢(呢個係另一個topic或者遲吓會講)。我係講緊一種對錢離奇嘅崇拜。

當然講左N次香港拜神拜佛但係最拜金。有D人要死拗你都可以話金融都係一個興趣﹐炒樓炒股都係消遣。但係正正常常一個人﹐揾混全世界﹐真係無香港人咁市賄。我好想講係﹐有多多好似我老豆嘅人﹐其實生活無休﹐但係睇錢睇到天咁大。咩話題都係由錢出發﹐根本得唔到錢俾到人嘅基本嘅利益。我成日同大C父講﹐如果一個人對住屋企人都淨係講錢﹐呢個人已經好空洞﹐好無內涵。

有D人仲講緊咩有錢執唔執呢D﹐算把啦﹐連個題都唔明就唔好匿名話人虛偽啦。

-- 有名有"性"大C姐

大C姐

大C姐, 其實大C父搞乜鬼令你覺得佢成日佢錢呢? 會唔會你係誤會左佢老人家既意思乍? 話唔定佢只係想投其所好 ...
mcjohnjohn 發表於 2010-8-9 18:36

    某個原因可能係想套我多D料﹐再喺其他人面前show off啦。

我好怕呢D心態﹐所以我自出身以來﹐從未透露半句自己揾幾多。有時轉左工﹐又未必穩定都可能唔講住先。我D兄弟姊妹仲勁﹐連搬左屋幾年都無同大C父講。

大C姐

唔少老人家都有呢個為子女既成就而show off 既心態.

由得佢show 飽佢law, show show 下佢就會厭架喇. 冇 ...
mcjohnjohn 發表於 2010-8-9 22:20

    show off呢D我係管唔到﹐亦無暇去理。人人一張口﹐莫講話佢喺人面前誇獎我啦﹐就算係數我嘅不是﹐我都無辦法阻止。

不過有時連D唔係好熟/唔識嘅人都同人講自己D仔女做D乜﹐我就擔心安全問題o者。所以好耐之前已經同D兄弟姊妹夾定﹐講說話唔好講多過三成﹐因為講咩都俾大C父誇張三倍。


ps* 我無誤解你﹐你有樣學樣開口無句好說話﹐我好心提聲你唧。

大C姐

Sorry i'm not on the same page - "賺到錢=成功"??
成功 = Achieve what you wanted but it doesn't have  ...
Davidcopperfeel 發表於 2010-8-10 11:34

    我唔敢講所有﹐但係可以話係大部份﹐at least主流社會傳媒係用呢個角度去衡量成功。

你可以問香港邊個最架勢﹐我諗絕大部份人第一個諗起李嘉誠﹐唔係咩咩傑青﹐唔係local藝術家﹐名醫。你再望望D報紙雜誌講到全香港最幸福嘅女人係邊個﹐咪又係千憶新袍徐子淇/Isabella囉。Even明星﹐你都係以邊個最賺錢﹐邊個係圈中小富婆﹐邊個搭上L君/殼王/XX太子爺作賣點。呢個係主流意願﹐縱然有人唔認同﹐但係其他人都係以呢個角度去challenge你﹐你可以望望其他LYK回應以作參考。

大C姐

"每次通電話都離不開講錢"
大C父 old days, 香港生活無社會保障!!!

"佢個女夭我﹐又有少少本事﹐都算賺到D ...
habitrailspace 發表於 2010-8-10 13:29

    我好多謝你做左一個好classic嘅example。你呢個回應可能已經代表香港幾十萬人心聲。

香港社會無保障 --> 我唔係住喺香港﹐大C父都有權住喺加拿大﹐呢個對我一家人嚟講唔算一個好急切嘅concern﹐at least我哋有得揀。但係對其他香港人嚟講﹐香港嘅社會保障真係比上可能不足但係比下一定有餘。最少法律可以保障基本人權同家產﹐香港法治精神我都仲有信心(我無話perfect, 你唔好囉一宗個別case去challenge我)。醫療再差都比好多國家好幾百倍﹐固然偶有出錯﹐但係醫療費比其他developed countries都尚算合理﹐醫生質素亦都真係唔差。急症室塞極都唔似得中國/美國﹐無錢/insurance coverage就無得入。

"少少本事"not enough --> 都係果句﹐咩叫enough? 假設小C妹賺5萬蚊﹐如果我都not enough係咪即係話其他賺1萬果D要砍頭埋牆死左佢? 又或者係咪賺10萬就好enough﹐好安康﹐or at least會比賺5萬開心同感到有保障?

何博士medical bill --> 呢個咪證明有錢人都係要生老病死囉﹗早排迪娜姐姐過身都唔係好大年紀﹐人哋無錢咩? 可能無何生咁多﹐但係斷估都俾得起任何手術/住院費卦? 何博士張單要幾千萬唔代表醫病一定要用幾千萬﹐甚至乎有幾千萬都唔代表一定醫得好。呢個example根本無義意。

大C姐

Exactly. Even now, 香港生活都無乜社會保障.
Medical bill can be huge.
And there are many cases 手 ...
fibbi 發表於 2010-8-10 14:15

如果我老豆臨老唔過得世﹐幾十歲手停口停緊係好值得閉翳啦。但係而家唔係生活有咩缺﹐只係一個字"怯"﹐但係怯咩無人知......