有錢親戚與窮親戚的故事 小朋友, 香港, 故事

大C姐

上回講到香港人市賄心態同行為﹐其實已經想講呢個topic不過唔想off topic所以想另外開一個題。

話說大C姐個家族都OK大﹐大C母同大C父兩邊都有好多好多親戚。亦因為咁﹐所以我有好多呢裡故事可以分享。從小到大﹐我都好知道大C姐屋企係比上不足比下有餘嘅小康之家。因為確實細細個果陣﹐每年拜年就好feel到自己屋企個status。小朋友有時可能唔知屋企其實有無錢(可能以家D細佬早熟會知啦)﹐我係無咩概念﹐我會覺得所有人都係咁上下架啦。但係每次要去一D"屋邨"去拜年就知出事。小朋友嘅大C姐係唔識扮嘢﹐一知道要去某D親戚屋企拜年就十萬個唔願意。首先﹐我唔係歧視屋邨﹐但係以前D舊屋邨D衛生環景的確好差。而且我記得通常都幾隔涉﹐泊車要泊到好遠﹐去到又要揾一大輪兜幾個圈(證明根本好少去)﹐去到都仲要撐幾層樓梯... 小朋友係唔識講大話﹐你問我鍾唔鍾意去﹐我以家都好勉強﹐莫講話細個。大C姐從小到大都唔係好鍾意逗利是﹐一來我覺得要好厚面皮先可以走去一D唔係好熟嘅親戚或者街坊講句"恭喜發財"﹐我從來都唔係好願做呢個動作﹐而且無功不受祿﹐無啦啦收人錢好似好貪心咁。二來我不嬲都唔keep自己D利是錢﹐都係俾大C母儲起。所以逗多逗少都對我無咩影嚮。

死啦﹐好多題外話添。講起窮親戚﹐我不得不題我十多歲返我婆婆鄉下嘅一個經歷。其實大陸呢D親戚算唔算窮呢﹐我都真係唔知。因為當地嚟講﹐我婆婆果邊D親戚已經係算中上。但係相比香港生活質素﹐當然係有好__大嘅距離啦。我一到步﹐就見都有個小朋友著住一件我多年前丟左嘅校服(仲有個校章)﹐原來我婆婆連埋D舊衫囉左上去。D小朋友對我當然好好奇啦﹐連我部discman嘅電芯都囉左去玩一大輪。我諗當時呢D小朋友仲未識咩係discman啦。到食飯啦﹐當然有朋自遠方來就緊係大排延席啦。但係好對唔住﹐當年大C姐確實食唔落。一來好多油﹐豬肉D肥糕我都唔知點夾走﹐又驚住吐出嚟失禮(顯然佢哋係當寶﹐唔肥唔食)。二來D杯杯碟碟又唔係好乾淨啦(呢個係好主要原因)﹐我一坐落就有一個三表叔定四舅公開罐"可樂"俾我啦。我頭頭都諗"今次無死啦﹐有杯可樂都頂到吓"。點知杯可樂唔凍都不特止﹐個杯係有茶積﹐同埋係飲落唔似可樂味。講到呢度﹐大家都想像到大概個情況係點﹐我都唔想講我當晚點樣企喺一個膠桶裡面沖涼嘅情形。之後仲俾我聽到我婆婆鬧個親戚唔好咁慳﹐用咁少洗潔精﹐D嘢洗得唔乾淨等等。可想以知﹐當時大C姐不禁係O左嘴。

果晚臨入房訓﹐果個好慳嘅親戚(我唔記得應該點叫佢﹐就當係襟婆先啦)突然走埋嚟﹐細細聲講"我無咩招呼你呀﹐你自己囉去買嘢食啦"同時間塞左一百蚊人民幣俾我。我都嚟唔切反應就講早抖行左去。果晚仲特登安排我訓唯一一間有冷氣嘅房俾我。果晚我完全訓唔著﹐訓唔到原因唔係因為張床硬同D枕頭有味﹐而係我真係攝高左個枕頭眼泛淚光好自責。因為我知道呢D親戚已經俾晒佢哋最好嘅嘢嚟招呼我。然而我一到步直至入房果一刻我諗我都係全程O嘴同歪面。我當一刻諗﹐其實我心裡面果種對所有嘢不悅嘅感覺其實D大陸親戚可能都feel到。我果刻好深深被一張一百蚊紙感動。

之後個trip都唔想多講。個心一放開﹐其實知道人哋個生活方式係咁佢哋樂在其中﹐根本唔洗你去藐嘴藐舌。而且呢班親戚生活好簡單﹐最後一晚同佢哋已經打成一片。仲跟佢哋坐喺一條新起未通車嘅大街﹐望住一棟岩岩起好嘅公安廳﹐連埋其他村裡面嘅人一共廾幾三十人﹐對佢哋嚟講已經係一個娛樂。
亦深深體會到﹐快樂其實可以好簡單。我再諗翻起香港住屋邨D親戚也好﹐大陸D親戚也好﹐每一次見到佢哋﹐縱然我心底係十萬個不願意﹐佢哋永遠都會笑到見牙唔見眼﹐好真心去歡迎探佢哋嘅人。呢一種真誠反而喺好多所謂有錢親戚嘅嘴臉揾唔到。

轉個頭先再講有錢親戚...


at17 窮得只有愛



-- 不懼素顏大C姐

大C姐

好欣賞你不斷創作嘅精神
請不要偏離現實
要靠食豬肉嘅油嘅時代真係好窮
嗰陣可樂真係好真貴
著得你啲 ...
sheep 發表於 2010-8-15 06:37

網上世界呢一代﹐資訊爆發最可悲嘅一個side effect就係breed左一班skeptics。咩都話係老作﹐咩相都話係PS﹐咩video都話係CG整出嚟... 已經唔會信任何人網上講嘅說話係genuine。我又唔洗convince你去信我﹐你覺得我係作偏離現實的話﹐都可以當科幻小說去聽。甚至乎你應為我呢個"作家"嘅作品每放越下﹐你用不著每次我發表新作都隔外留神同加以評語。


但係你講D反駁位其實好簡單解釋到。根本呢家人唔係真係好窮好窮﹐耕天養豬果D。只不過果度嘅生活習慣不同。香港人買豬肉都會買本肥瘦or偏瘦﹐又唔會用好多豬油炒菜。你估平日無人嚟食飯會唔會有氣水餸飯? 果邊D人亦都唔會care fashion﹐D衫靚唔靚﹐所以我婆婆帶D舊衫上去﹐已經當新衫著。同埋冷氣﹐電視同其他家具好多都可能係人哋送... 我估sheep sheep可能年紀好細﹐80年代開始好興送電器上大陸﹐好多仲係喺香港俾錢﹐大陸囉貨。過時過節﹐好多香港人都會托D電器返鄉下。可能呢十年八載大陸人有錢左先無左呢個畫面。Anyway﹐有冷氣一D都唔出奇﹐不過平日我諗好少會開囉。


-- 人生經驗豐富大C姐

大C姐

講埋有錢親戚先。呢個真係可以講幾版。

當然有錢定義有好多啦﹐但係其中我細個已經覺得呢家人係堅有錢﹐當年我記得佢哋係住淺水灣別墅。嚴格嚟講我唔知我哋有咩血緣關係﹐但係偶然就被邀請去果度開party。我改個屋主個名叫錢先生啦﹐係典型生意人﹐一副老狐貍模樣。佢有個仔﹐求其叫Richie先啦﹐都好正常﹐雖然係富家子又係獨仔﹐但係我心目中都覺得幾有善﹐唔係臭寸果種。Anyway﹐每次去呢家人屋企開P﹐無論係食晚飯/遊船河﹐都有好多人﹐大部份都係生面口。其中我係好留意每一次Richie帶女朋友出席呢D派對﹐當然每次都唔同女啦。而我發現錢先生永遠係用好老練嘅眼神scan個仔D女朋友﹐然後我就feel到錢生有個VO﹕"呢D女我都唔玩啦﹐咁嘅貨色都帶出嚟見人?"

然而每次呢位錢生都有好多"女同事"帶出嚟﹐其實都好明顯係咩關係﹐但係永遠喺我哋呢班"親戚朋友"面前介乎收收埋埋同明目張膽之間。感覺就係要show off到俾人睇自己好多女﹐而且D質素仲好唔錯﹐羨唔羨慕呢?


另外﹐上年返香港又有一個新一代"有錢"親戚經歷。呢個家庭都好熟﹐我唔知算唔算有錢啦﹐佢哋係住半山但係當然唔係住錢生果種別墅啦。唔好理啦﹐呢家人我暫且稱為中產先啦。兩個父母都有一定收入﹐有一粒女(我表妹)﹐典型公主病in the making。事源我呢個13歲表妹係我最細嘅老表﹐所以都幾錫佢。而且我同佢父母關係都好close﹐所以更加會錫佢哋嘅小朋友。咁岩同呢個表妹傾開計﹐知道佢睇中一隻錶。我知道呢隻錶連卡佛有得賣﹐其實唔係好貴﹐千幾蚊﹐所以我就話我行開街見到就送俾佢啦。

點知越睇越唔對路﹐有次我好casual講開佢爸爸換左部X5。我好casual咁講新款果部Audi都唔錯﹐呢個13歲表妹就即可好大反應﹕"緊係靚D啦﹐你知唔知幾錢呀? 我哋都睇過啦﹐連埋咩咩咩咩﹐貴幾多呀..." (下刪幾百字) 我已經覺得呢位小妹妹好"勢利"。仲發現有時佢講嘢果種語氣係好尖酸刻薄﹐"我平時唔去旺角行街架(不過大C姐都唔去)﹐尖沙咀同銅鑼灣都唔去啦﹐D人好MK囉﹗" 我聽到緊係問佢會去邊度shopping啦﹐佢話佢淨係行中環。我心諗﹐中環除左H&M﹐有咩衫岩13歲小妹妹呢?

同埋有個好唔好嘅習慣係呢﹐我發現呢個表妹越大就越對個媽咪粗聲粗氣。感覺係﹐佢知屋企最揾錢最話得事係老豆﹐所以就連阿媽講嘢好多時都唔多俾面﹐又會駁嘴駁舌(喺我面前都會收斂D﹐因為知我都會送嘢俾佢)。我見到呢D種種行為﹐我到而家都無買隻錶﹐我當唔記得就算。


-- 打到揹脊痛嘅大C姐

大C姐

食豬肉要食肥嘅呢個只係生活習慣  同有冇錢完全冇關係
請客先至飲可樂  我睇唔到邊段話請客先至飲可樂   ...
快樂牛郎 發表於 2010-8-15 15:26

    好彩呢D說話係出自另一把口﹐唔係又俾人話我死雞撐飯蓋。

我覺得skeptical係好事﹐唔好聽咩信咩。但係有時唔信還唔信﹐開口含血噴人震震有詞話人哋妄想症之前﹐諗一諗自己做左幾多日人﹐見過幾多嘢。唔係個口大D﹐把口臭D就可以反駁到人。有時自己無做功課就出嚟好似癲狗咁吠只會自取其辱。


-- 實不"想"瞞嘅大C姐

大C姐

話唔定你買隻錶比佢, 佢就更加親近你, 到時你教佢人生道理既話, 佢可能會聽呢~
當然, 大C姐肯唔肯舒尊降貴 ...
mcjohnjohn 發表於 2010-8-15 18:02

    關咩舒尊降貴事呀?? 搭錯車﹐去左邊呀你???

我點會諗住用物質去利誘一個小妹妹諗住佢會聽我講多D呢? 我覺得呢個行為本末倒置囉。

大C姐

Either she is delusional or your story is fake. 銅鑼灣 is a whole different tier and if you can't  ...
biggie 發表於 2010-8-15 18:50

佢就係連Causeway Bay都嫌MK呀。呢個先O嘴。我諗佢係指D人流﹐唔係D牌子囉﹐老老實實香港個個mall都係果幾個牌子。
   

大C姐

我諗佢真係淨係會去ifc﹐頂多去埋PP囉。老老實實﹐我都唔知細路女去到landmark買到咩? 頂多咪入harvey nichols睇young lines囉。

其實大牌子就唔洗去到中環﹐尖沙咀﹐佐敦九龍塘都有﹐但係佢住半山可能少d過海卦。

大C姐

大C你真係成日死雞撐飯蓋窩-Thats true
你有冇妄想症就冇人知
不過你自己又做左幾多日人, 見過幾多野啊? ...
Davidcopperfeel 發表於 2010-8-15 19:19

    好悶呀﹐有囉翻D舊屎出嚟講﹐我已經唔回啦﹐唔撐啦﹐你當你贏左啦。

我覺得有時講說話﹐唔同人聽到唔同嘢啦。或者我講到一點係好bother你﹐但係都過左去啦。我覺得無話一定岩定錯﹐我都無叫人100%信晒﹐但係我覺得無證據大大聲話人講大話好無品姐。

另外﹐真係唔好用呢D醫學名稱去中傷人。呢個題外話啦﹐話說大C姐以前都好鍾意笑人無記性話人老人痴呆。直至身邊有幾個朋友嘅家人真係患左老人痴呆﹐其實對呢D人同家屬嚟講﹐成日聽到人用呢個term去講笑係好offensive。你哋話我妄想症我無咩所謂囉﹐八婆都聽唔少啦﹐但係可能曲線offend到其他人。

大C姐

Sigh人地話亞13歲小妹妹係住半山wor
一隻千幾蚊既爛鬼錶又唔係鑲鑽既. 佢又點會睇得上眼呀 ...
Davidcopperfeel 發表於 2010-8-15 19:37

    其實好多人都住半山﹐講到明唔係山頂獨立屋﹐半山好多大廈其實都唔係真係鬼得好緊要。一家三口加個賓賓﹐典型中產家庭香港多的是。唔雖要將呢點放到咁大。

大C姐

你唔講, 剩係聽你型容呢位小公主既情況, 我仲以為呢位小公主係將自己打扮到好似時下既o靚模咁乍. 你知啦,  ...
mcjohnjohn 發表於 2010-8-15 20:00

    我表妹又唔係o靚模feel。