|
|
同90後o靚仔做嘢真嘔血／點解港人咁鍾意搞小圈子？
本帖最後由 大C姐 於 2012-9-18 10:50 編輯
呢兩個有關工作嘅題都想開好耐，想一次過呻睇吓大家有冇呢啲感覺。
我自己身為８０後都其實好怕被人標籤。成日都話８／９０後點點點，好似＂港女＂咁越描越黑。雖然代代都有人話＂依家啲年青人唔掂＂，但係我真心發現９０後喺職場上係有啲共通點。
１）冇責任心－好多人都唔覺得自己有責任準時，有責任勤力，有責任交帶。自己都未做好自己就話老闆無良，話啲客難服侍，話啲同事難頂。從來冇諗過逗份人工係要處理人事上問題。
２）冇大冇細－做錯事被揭發永遠有藉口反駁。無論係咩事，總覺得自己果套好過個老闆／manager。上司有任何要求都係無理，總之上司就係鍾意刁難下屬。又冇諗吓自己做咗幾多年嘢，做咗幾多年人，自以為自己嘅意見好威但係完全缺乏遠見。
另外我又發現普遍香港人，尤其做中型以上office工果批，都好鍾意講同事是非同搞小圈子。呢個唔一定同年齢有關，但係大部份係女性。
有問題出現，唔會主動confront果件事或果個人，寧願喺背後講人壞話。公司有咩人事問題鍾意向其他同事gossip，當被揭發説三道四，唔反醒不特止，仲怨揭發者好打小報告，做小動作。
每個office梗有人以美貌／後台上位。成日＂圍威喂＂唱人冇料都搏到上位，以不屑眼神睇呢啲靠關係升職嘅人。但係又唔諗吓自己辦公時間搞小圈子唔做嘢，講人壞話加鹽加醋最缺德！
唔知大家有冇遇過以上呢啲人，有嘅話...都要檢討自己有冇份！
－ 大C姐 |
|
發表於 2012-9-18 10:49
| 