大C姐

這個工作假期給我很多時間再次去反覆空想那些無甚意義的事情,
計算著走了多少錯路, 虛耗了多少不應虛度的光 ...
ayako 發表於 2012-9-24 10:02

    強説愁。

容許我好直接咁講，可能你好陶醉於你自己製造嘅悔疚同掙扎之中浪漫化嘅感性，但係我覺得有啲強説愁囉。

難得有個工作假期就向前看啦。有西仔就溝，有工就打，有嘢就食，有路就行... 我唔信平衡宇宙，我覺得你放棄咗嘅option，個option就消失唔會有結果唔會有發展空間，冇得俾你返轉頭諗what if。既然做咗個決定，你做嘅事就係現實。你要放得低先有精力去實踐你嘅將來，如過你行兩步又退三步諗甚麼蝴蝶效應，what if我點點點... 咁就好易轉牛角尖。

同埋係咪作詞人痛病呢？除咗冇病呻吟之外，就係為求動聽就扭曲詞彙嘅意思。你講明係蝴蝶效應，係冇得控制，無聲無色之中就發生咗連鎖反應。

大C姐

Please give some room for ayako and stop stabbing her or bugging her.

回復  大C姐
hirokendo 發表於 2012-9-24 14:25

    我其實本來只係以事論事，全冇個人攻擊意圖。

不過你以第三者去講呢句説話有啲可圈可點，好似別有用心，用火水去救火囉。

大C姐

我非常欣賞林夕嘅歌詞，但係佢對於快樂嘅追求同定義，我只可以講聲＂抱歉＂。我諗我要列１００個我認爲最快樂的人，我未必會選到林先生。當然，我嘅準則餅不代表佢本人眞實感受。


我想講嘅係，人生太多不如意，touch wood講句，如果你家人有意外，最好朋友有絕症，我諗你唔會耗任何精力去浪漫化你對興趣與理想嘅失意。

我諗，如林先生所講，有啲如生離死別嘅困擾係冇可能一時三刻走過去，＂向前看＂。但係平日冇所事事嘅時候就冇必要找自己麻煩，挖啲what if俾自己後悔，沉瀝喺冇發生過或未發生嘅事同自己強説愁。

大C姐

為甚麼有些人總是生活得不順心, 有點傷春悲秋,
有點憤世嫉俗, 那是因為他們對生活和生命有要求而已.
而這 ...
ayako 發表於 2012-9-25 11:23

    OK......　失閣晒！原來你玩呢隻嘅。

好鐘意趁人多嘅時候周圍話俾人知自己好唔開心，chok愁樣攞drama位。等人哋問＂做咩咁唔開心呀？睇開啲啦！＂

之後就會加重戲回一句＂你唔好理我啦，我唔想講呀。你俾啲空間我啦，你由得我繼續唔開心落去啦！＂



我喺party見唔少呢啲女...打攪晒，當我咩都冇講過。