大C姐

你信呀？

我睇呢啲轉載係得啖笑，通常都冇消息來源，我就唔多like呢啲創作，如果唔係真，你講返俾西人聽會俾人笑。

大C姐

回復  大C姐

我只係話我like 爆咋啵~ 真與假有關係咩你覺得?!  況且, 人家D points 又確實令人無得反駁~  ...
jiujiujiu 發表於 2013-2-13 22:26

    如果黃子華喺棟篤笑講，我會覺得ok幾好笑。但係依家太多呢類＂疑似＂新聞／歷史報導，好多（小）朋友信以爲真就唔係咁好。

我覺得篇文真與假好重要㗎！呢啲話晒都係國家級嘅外交關係，分分鐘影響到普遍市民出入境管制㗎。

大C姐

me too

我無中國國藉，又點會係中國人？
我只會認係華人

無理由依個世界上所有係黃皮膚黑眼睛講中文就 ...
嘉嘉 發表於 2013-2-15 00:25

    你認係＂華人＂唔認係＂中國人＂某程度上係自欺欺人。如果人哋用英文問你，are you Chinese? Or Japanese? 你點communicate你係＂華人＂呢？


好多人話，＂我喺香港出世嗰陣仲未回歸！＂咁，如果蘇聯時代出世嘅人，就算已經變咗做俄羅斯，係咪到死一刻都要認自己係蘇聯人呢？

我曾經認識過一個來自中國被領養嘅一個女仔，喺美國生活，一直同美國養父母同其它siblings一齊住。但係佢都會覺得自己個root喺中國，佢都係一畢業有錢去旅行就係返祖國睇睇。

咁好矛盾，你話佢係咪唔應該覺得自己係中國人呢？佢雖然喺中國出世，但係又冇中國戶藉，更加完全唔識中文。

我覺得我向一般西方人都係會講chinese，因爲簡單直接方便，其它人係唔會care你係華人定乜，其實好閒咁問吓，講完就算，又唔係要你即席獻唱國歌。我覺得唔洗太在意。

大C姐

I would answer: I am Chinese who's from Hong Kong or, simply, I'm from Hong Kong. 自欺欺人又好， ...
ricrick 發表於 2013-2-15 16:55

    兩個問題好唔同！

我先講我嗰個＂are you chinese?"個implication係問你個background個種族係咪中國人。

＂Where are you from?"通常係specific啲，所以你可以話i am from Hong Kong。即係本地人都會講＂i am from Ontario... from Calgary＂，個focus唔係個nationality以係個出生／出身地。

我再講多個例子，我識好多ABC，你問＂Are you Chinese？"佢哋會話"yes＂但係你問佢哋＂where are you from?"佢哋會話from Boston, from California...因爲佢哋冇理由話自己come from China㗎嘛！



我覺得咩種族嘅人都有好人有壞人囉，就算我選擇我唔喺中國住都唔代表要排斥我係屬於呢個族裔嘅真實性。所以我唔會諗咁多，自己做好自己，但求其它人識得我發現中國人都可以好有質素，要人哋尊重你先要懂得尊重自己（人）。

大C姐

「Chinese」一字，可以指係「中國人」，又可以係指「華人」
係你點都要話佢係得一個解釋o者 ...
嘉嘉 發表於 2013-2-15 20:53

   我冇話過Chinese得一個解釋呀小姐，唔好咁defensive同斷章取義。

我只係好奇你點同西人解釋＂華人＂同＂中國人＂分別啫。

老實講，我覺得西人唔care，你講Chinese就當你係中國人，亦唔會理你係咪擁有中國國籍。依家好多人都幾半passport㗎啦，你有本EU passport你夠膽死話自己係歐洲人都吹你唔賬。

好似有啲澳門人有葡國護照但係一啲葡文都唔識，冇問題㗎。

國籍其實好唔實在，好唔define到你係咩人。所以我覺得如果有人問你係邊度人，而你爲咗唔想答＂Chinese＂而你話你係Canadian我覺得你有點自欺欺人囉。你係香港人點都仲有張身份證叫得自己係香港人，唔通啲大陸人移民嚟加拿大要放棄中國護照同戶籍，踏足第一日就要叫自己係Canadian？我覺得講唔通囉。




再講得衰啲（新年流流我都覺得呢個example絕咗啲），你聽日有咩衫長褲短，你估新聞會點報導呢？＂今朝發現一名中國裔女屍..." It's that simple!　你唔洗諗有人會形容你做＂加拿大藉，來自香港（非中國）嘅女性＂，面對現實啦。

大C姐

回復  大C姐


首先, 我有英國passport 所以我係英國人, 我亦有加拿大passport, 所以, 我亦都係加拿大人,  ...
jiujiujiu 發表於 2013-2-16 15:47

    我當然明家家有本難唸的經。好多人都俾共產黨洗劫過。

你絕對可以選擇自己identity，同好多變性人都有身份認同嘅障礙先去做手術一樣。

你唔覺得麻煩，每次有人問都educate一國兩制，兩岸三地，我直頭覺得你叻添啦。



咁你以後喺richmond見到有華裔面孔，講住流利普通話打緊尖嘅人甚至係你同事，唔好標籤人哋係強國人，中國人，因爲人哋好可能已經有楓葉卡，喺你個definition，佢哋同你都係canadian....

大C姐

唔好一竹篙打一船人.  唔係個個西人都咁文盲.

即係等於你會唔會叫個個美國人做Yankee? ...
blue20ae 發表於 2013-2-16 18:00

    你喺度住，成日去美國接觸美國文化，已經同香港牛下個師奶對美國人了解好唔同啦。

呢個唔係文盲，係接觸有幾多嘅問題。法國東南西北嘅人你分到咩？

有幾多西人睇香港電影大？佢哋講得出香港幾多任港督／特首？

唔好攞我哋認識美國嘅水平同美國人認識香港相比啦。

大C姐

回復  大C姐

就咁, 我做過既公司既中國籍同事, 我可以好肯定咁同你講, 佢地無一個係加拿大人, 佢地連楓葉 ...
jiujiujiu 發表於 2013-2-16 21:34

我唔知係你好，彩定係我好彩，我接觸過嘅大陸人都係牙醫，從事financial services等等都諗住或已經入藉。

大C姐

By definition 有楓葉卡 is resident and NOT Canadian.
blue20ae 發表於 2013-2-16 22:04

    咁係嘅要搞分化用咩藉口都得。就算人哋攞住咩passport，你睇唔順眼都係標籤人哋強國人，難道你喺街鬧人會check immigration status？

我覺得好反諷係，好多香港人執著唔想做中國人，無論咩原因都好。好想用唔同passport，唔同citizenship去define自己唔係中國人。但係往往當你喺街見到啲講中文嘅＂強國人＂就要標籤人哋，就算人哋已經入籍做加拿大人。其實講到尾，咪就係個citizenship，本passport，根本唔會令人對你印象唔同。對好多（外）人嚟講，你係＂華裔＂或＂中國藉＂根本冇分別。

大C姐

我覺得人生中最醜惡嘅莫過於係人與人之間互相歧視同仇視。當你見到中東政局嘅混亂，同宗教界嘅分黨分派，通常都係冇咩好下場。

當然你可以對任何政權不滿啦，但係我聽到so far好多人對人不對事，對整個民族或國籍甚至血統都有非常唔理性嘅負面情緒同憤慨。我只係會為呢啲人嘅憤怒同仇恨而感到好可惜。都係嗰句，咩國籍根本唔重要，你不是強國人亦不代表你不是暴發戶，不是潑辣無禮唔尊重人唔排對唔濫用福利。咁何須大費周章標籤人標籤自己？

畢竟假若你係一個八婆，就算你幾有理據話自己係香港人而＂從來都冇中國國籍所以唔係大陸公民／強國人＂，説到底，你都係一名八婆。