大C姐夏日清涼爽之孝順父母 老婆

大C姐

早個幾星期有個poll講家用。我大C姐真係有D嶄愧﹐我自出身到以家都無俾過家用。

我老豆雖然唔係有錢佬﹐但係一定有錢過我。同埋我十幾年都唔係同我老豆住﹐又唔係成日見﹐唔通個個月電匯D錢俾佢咩。當然﹐俾家用對於好多人嚟講﹐都係心意唧。所以我都識做既﹐大數目咪通常我頂囉。所以每年夏天就有一大疊單等我科水。最近個保險又要俾年費﹐又幾千銀。之後我老豆個外傭不嬲係我俾開﹐又係一年俾一次﹐見到張單我不禁又講左個單字。9月我老豆同佢老婆話想去秋季旅行﹐當然緊係想我請佢哋去玩啦。唔洗出聲﹐我就已經話"等我出錢啦"。

一向豪爽嘅C姐其實都算闊佬開﹐但係一個月內洗成萬幾蚊都幾肉赤。尤其今個年頭其實好多身邊朋友股市重創後仲未療傷。好多失業嘅朋友仲做緊D臨事散工﹐希望個市好D先做翻老本行。所以而家洗錢都有D罪惡感。但係見到兩老好心安搞生日﹐搞旅行﹐個心又VO一句"都係錢唧﹐又唔係真係俾唔起﹐洗左咪又再揾過囉﹗"

但係我好想講﹐天下D老豆老母可唔可以唔好咁煩﹐同埋咁八? 事源係﹐每次同我老豆通電話﹐其實講嚟講去都係三幅屁﹐我又唔係要佢entertain我﹐但係永遠講到無嘢好講就囉D姨媽姑姐嘅事嚟講。好樂此不疲咁去gossip親朋戚友嘅事囉。老老實實﹐我係連呢D人咩樣都無咩印象﹐可能十年內都無見過﹐人哋D仔女點衰﹐點唔長進﹐點爛賭﹐其實我唔係好有興趣去知。同埋呢D我始終覺得係D大人嘢﹐作為一個少女﹐我係唔應該加把嘴﹐所以D大人一類堆講完咪算囉﹐話我知做咩呢?

同埋呢﹐我覺得香港人都係有D鍾意用人哋嘅不幸去表現自己嘅幸福囉。我成日同我老豆講﹐唔好咁八啦﹐同埋你唔係有心幫人﹐都唔好周街唱人哋D嘢啦。你講我聽﹐我又無咩得著﹐而且又唔熟﹐又無咩感覺。所以我決定捉我老豆去學電腦﹐學中醫。我希望佢忙D﹐多D世藝﹐多D話題就唔洗八人哋D是非。


-- 又要開始扮窮嘅大C姐

大C姐

人活到o甘上下年紀﹐已經無「前途」同「夢想」可言﹐仔大女大﹐其實已經無咩可以再做﹐唔可以再好似後生仔o甘話想創業﹐想「第時大個點點點....」﹐對佢地來講﹐將來已經唔再重要﹐所以好多時候都會向後望(過去)或者 ...
blueberry 發表於 2009-8-2 19:31

我緊係知我老豆無聊﹐先講人哋D私事啦。所以先叫佢去學嘢﹐多D世藝。其實講電話係談話家常﹐做咩要講邊個邊個老表嫁個老公好爛睹﹐邊個邊個個仔失業幾年都懶揾工要個老母養。我覺得講呢D嘢個心態唔係太好。好似囉呢D"不幸"去娛樂大眾﹐但係其實又笑唔出﹐都唔知咩反應好。

-- 八珍爸個女大C姐

大C姐

大C姐, 怨小弟多口八卦...
呢篇文章中, 你只係講"我老豆", 而冇謂過"我老母", 更用"佢老婆"去形容你老豆身邊既另一半. 請問, 你老豆既老婆係唔係你老母? ...
mcjohnjohn 發表於 2009-8-2 19:03

醒D啦﹐仲要問。

大C姐

唔係人人都好似你咁醒架... 問清楚d 好~
而家清楚哂! 謝謝滿足左小弟既好奇心.
mcjohnjohn 發表於 2009-8-2 21:24

有D位﹐你唔係好知就令願唔知好過咁兀突去問一個C人問題啦。

大C姐

可能係小弟既性格問題, 呢d 情況小弟會選擇去問, 問清楚d 唔想有d 乜野誤會. 當然我唔會expect 人地會答我啦. 請見諒.
mcjohnjohn 發表於 2009-8-2 21:31

當然我唔係真係介意﹐不過覺得有D兀突囉。

今時今日﹐呢D問題真係唔好再問。好多小朋友有兩個阿媽﹐兩個阿爸。有D可能又係婆婆公公湊大﹐夫母可能走左佬。所以有D好奇心其實係可以收埋。

大C姐

5# 大C姐


I talked to my mom almost an hour a day on phone and most of the time she just keeps on talking. Many gossip as well. But the bottom line is, they just want to talk to their kids lor....y ...
fibbi 發表於 2009-8-3 01:06

呢個世界﹐同父母相處又唔係得一種表達。又唔洗好似說教咁講到我好唔明我老豆。我當然明老人家好多時講說話係無原因﹐無咩理由﹐亦無目的。好多時唔停嘴講完﹐連自己都唔自己講過D乜。

即係俾家用一樣。有一D死硬派覺得"有咩理由唔俾家用呀﹗你父母養左你咁多年﹗"但係個個屋企個關係都唔同﹐有一D係有物質需要﹐有一D係講心意。真係唔可以一本天書睇到老囉。

當然我叫得大C姐﹐就緊係一家之主啦。我有我付出嘅地方﹐可能比你多都唔定啦。

-- 識做大C姐

大C姐

Yui,
雖然我已經唔同62 99一齊住, 但有時仲覺得好煩, 我都用緊呢種方法

現在我和他們最好的溝通方法就是一句起兩句止的回應。
我最常跟他們說的話有“食左”"飲左" ”唔要" ”我地已經有5包啦，唔好再買啦!" “你 ...
tsumorichisato 發表於 2009-8-4 11:11

其實我又好明。有D老人家真係好"嚟計"。

識得有個auntie級嘅朋友﹐佢已經係超乾淨同企理﹐但係佢阿媽+家姐係好難服恃。去探佢哋連廁所都唔俾人去﹐話有菌﹐整污糟D杯同牙刷。

大C姐

Big C, being a parent is not easy.  If you're "fortunate" enough to be a parent one day you'll know how it feels.

孝順父母 doesn't mean spending money on them lor, care and love is the most important ...
shutterbug 發表於 2009-8-4 12:29

我覺得好多人對"孝順"個定義唔同囉。

有D人覺得要好理想嘅關係﹐咩都講﹐無秘密﹐好似朋友咁有講有笑一齊住就最好。

但係我好想講﹐父母都要講少少緣份。有一D人真係同老豆老母無咩兩句﹐又唔係鬧交﹐但係真係傾唔埋。有時真係想對對方好﹐但係無話題就無話題架啦﹐唔代表唔孝順。

當然﹐你可以同你父母扮friend﹐肯做戲都算係有心意﹐夾硬無話題都坐喺度答"係...好..."。但係返工由朝到晚已經要做戲﹐同屋企人仲要扮嘢諗話題真係好惡搞。

-- 自問語言天份高嘅大C姐

大C姐

係law, 每個對孝順既定義唔同, 最緊要自己問心無愧就得喇.
小弟諗起呢d 野...
"樹欲靜而風不息, 子欲養之親不在"
"父母恩, 勝萬金, 春暉寸草心, 推衾送暖, 舐犢情深. 盡孝守本份, 此生遵照父訓, 掛念慈親悲不禁"

- ...
mcjohnjohn 發表於 2009-8-4 22:43

但係我有時覺得呢D語句好似係要令人guilty﹐要人覺得因住某年某日有報應後悔。其實同人相處係講心﹐你孝順極﹐你父母係完全唔合作又"嚟計"又"long嚟"真係好難令仔女真心去想維繫一個關係囉。

大C姐

大C姐, 小弟同你既睇法有d 唔同, 我完全唔覺得呢d 語句係令人feel guilty, 而係會令人停低想一想自己既人生追求既係乜野. 人有陣時係會迷失, 呢d 語句就令到迷失方向既人可以重新想一想自己既路.

當然, 父母唔合作 ...
mcjohnjohn 發表於 2009-8-5 18:42

所以咪就係話人夾人緣囉。相方都要盡力但係呢個世界所有關係都唔係由其他人去define﹐我同我老豆關係只有我哋兩個人先知適唔適合唧。