大C姐

回復  mcjohnjohn


我老公無睇過呀~ 佢唔會上LYK架! 佢連FB都唔上架! 所以, 我咁樣講到咁揚都唔怕佢知道~ ...
jiujiujiu 發表於 2013-1-16 20:13

    我本來都唔係好想comment，因爲都係你啲家事，我又無謂插手。

當然以下言論，純粹係大道理，唔係針對你個case，只不過你嘅口吻道出好多家庭嘅矛盾，我借呢個機會去講啲心聲。

你講到你老爺生人勿近，又野蠻又冇教養，你老公個妹又係廢青，文盲。我想問，你結婚嗰陣識唔識佢屋企人呢？你結婚嗰陣有冇諗過你老公嘅家人係切肉不離皮，同你老公一齊生活咗數十載，而你結婚前只係一個＂外人＂呢？你有冇諗過要愛屋及烏呢？

我覺得從你毫無情面，全無底線咁鬧你老公嘅屋企人，仲好風騷咁形容自己有幾咁叻去＂對付＂同＂炮製＂佢家中長輩...我感覺唔到你愛你老公嘅家人好似你愛你自己家人咁囉。我諗如果今日你老豆係鍾意講粗口你都未必會咁惡毒去上網鬧爆佢。

好多依家啲人結婚都覺得係兩個人嘅事，我覺得真係唔係囉。你拍拖或者可以只係接受你拖友嘅家人，你未必洗愛佢哋。但係結婚係兩個家庭嘅結合，係你要當佢嘅家人好似自己家人咁去包容。如果你結婚對象有隻貓，但係你好憎貓，你可唔可以叫佢丟咗隻貓？又或者你男友已經有個仔，而你又覺得你同佢個仔完全合唔得嚟，你會唔會都同佢結婚之後再諗計去同佢個仔對抗呢？

我想講係，你拍拖唔結婚係冇問題，但係要結婚就要諗點樣做人老婆，點樣做人＂家嫂＂，你係有一個家庭責任，等如你朋友生BB之前要諗清諗楚佢做唔做到一個稱職嘅老母，又或者願唔願意犠牲自己去做好母親呢個崗位。

當然，人同人嘅關係係天下間最難搞，我亦都好明呢個世界好多老人家好麻煩。（包括我自己家人都會好麻煩，但係我都會愛佢哋而唔係恨不得佢早啲死）但係我覺得你結婚之前冇consider要去處理你同家公嘅關係。你只係覺得結婚係要掂train你老公就得，你就繼續從你嘅角度睇佢啲屋企人唔順眼，冇諗過係你要容入佢哋個家庭。

我覺得好多結婚之後嘅家庭問題就係唔夠＂愛＂。結婚之前冇去作心理準備，結婚後冇去承擔新嘅家庭崗位。一個家，兄弟姉妹就算殺咗人坐埋監，你都會原諒佢哋，想佢哋好，呢個就係愛囉。

大C姐

當然啦，講包容，講一家人。講就梗係天下無敵。
真係要做到？最怕就係你當人哋一家人人哋當你一舊雲。

遇 ...
fibbi 發表於 2013-1-24 12:13

    我想問嘅係，結婚之前係咪應該諗吓自己接唔接受，樂唔樂意，做人妻子之餘，做一個好新袍呢？

如果覺得結婚對象嘅父母好難頂，而自己又唔願意頂，其實係咪唔應該結婚呢？

即係如果自己唔鍾意小朋友，點解要同一個結過婚有小朋友嘅男人結婚呢？

你明唔明我意思？

大C姐

如果覺得結婚對象嘅父母好難頂, 點解唔可以選擇避席，少接觸，無磨擦。
而且，咩叫好心抱？駛唔駛斟茶遞 ...
fibbi 發表於 2013-1-24 16:38

    如果只係偶有衝突，一時三刻嘅不咬弦，當然可以暫時避席，過吓冷河啦。但係如果由結婚第一日開始已經對對方家人冇基本嘅尊重，咁係咪要避一世呢？

你講得啱㗎，做新袍真係應該＂斟茶遞水煮埋飯＂，＂過時過節奉上啲心意＂㗎！點解唔洗呀？你孝順你父母都會幫佢哋斟茶，過節都會請食飯或者問候下啦，點解你會覺得做新袍要做呢啲嘢好似咁天方夜譚呢？？？


你可能會話我未結婚唔知做人新袍有幾難，我就係知責任重大，先唔會輕易諗結婚。我覺得既然你選擇去玩結婚呢個傳統遊戲，就要尊重呢個遊戲規則。中國幾千年文化都係初歸新袍落地孩兒，咩都要從夫家出發。當然，依家有賓賓幫手做家務，你又未必一齊住要２４小時照顧老爺奶奶。但係見到面做少少孝順嘢，恭恭敬敬呢啲係絕對不能少。

好多人都口口聲聲要捍衛傳統婚姻法，唔俾人同性婚姻，又話有遺中國傳統文化。其實呢一代好多人結婚都好自我，淨係會諗自己，諗婚禮點搞，買樓買邊度，結婚要二人世界。完全冇諗過要同對方家長點相處。夾唔到就係人哋蠻不講理，搞分化，避席，潛水。

同埋啲女人仔唔好以爲自己係影后啦，成日講到自己識得帶住面具食飯好似好巴閉，人哋老竇老母做咗幾多年人，盲嘅都睇得出你黑面啦。你唔攞個心出嚟對人，人哋對你差都係無可厚非。

大C姐

但係你有無諗過如果你去到一個屋企，個阿爸阿媽互片（不停噪交），完全當你無到，咁你去嚟做乜？齋坐聽佢哋鬧？定係勸交？定係好似jiujiu咁教番呀媽兩招？

咁可以點？咪減少出現囉。relationship係相對架。當無人當你係一回事，無人treasure你嘅存在，咁仲可以點？針唔桔到肉唔知痛，到你遇到啲咁嘅屋企你又會點？

fibbi 發表於 2013-1-25 11:43

    完全歪理。

你對老人家嘅尊重同愛錫，同佢哋兩公婆鬧交根本兩件事。冇人要求你解決佢哋婚姻問題，呢個唔concern你，你當然唔應該出聲啦。

即係我覺得你返工，要聽老細話係應該嘅，你老細當你冇到，唔出現，甚至同個董事嗌交，你可唔可以唔返工唔做嘢呀？

我覺得好多人以＂唔出席＂做解決方法，但係我好想講，唔出席其實都係一種表態。好似＜名緩望族＞裡面嘅陳玉蓮，當個個埋檯食飯佢就日日留喺房唔出廳食飯唔想面阻阻，呢個都係一個反抗同對抗嘅表現。

我覺得要尊重對方，真心講，你入得門就當人哋老竇老母係自己嘅咁去對待。你可能同你爸爸媽媽間中有拗撬，但係你唔會過節又避席，見面又視而不見，對佢哋不聞不問，仲沾沾自喜以＂對付＂到兩老為榮，上網爭住認叻，唱人哋屋企幾冇家教而自己又幾咁高手... 我覺得好唔大方囉。

大C姐

回復  大C姐


    都係嗰句，針唔桔到肉唔知痛，道理係人都識講。真係做到自己又係另一回事。慶幸你唔係 ...
fibbi 發表於 2013-1-25 12:45

你依然解釋唔到點解人哋嗌交關你咩事，同你尊唔尊重佢哋有咩關係。

你老竇老母都有嗌過交啩？你會唔會唔孝順佢哋？莫講話嗌交啦，就算離咗婚都唔代表你唔可以尊重佢哋同愛護佢哋。


同埋每個家庭都一定有＂難頂＂嘅成員，正所謂家家有本難唸的經，但係我相信性格改變命運。當你包容到身邊嘅人，用心去對佢哋又唔係要有回報的話，人心肉做，我覺得冇嘢話解決唔到。你重唔重視佢哋，有冇出盡力想佢哋好，日子係可以證明。

你要死撐，同老人家搞對抗，辛苦嘅係自己同你老公。我唔相信你係全世界唯一最可憐嘅例子，你走投無路先逼不得已要對人處處冷言冷語。又或者我未睇得出你家庭有幾＂非一般＂，so far你啲問題都係三毫子一擔。

大C姐

回復  chunsh

if they are treating daughter in law as "stranger"...then should daughter-in-law stil ...
fibbi 發表於 2013-1-25 15:46

    總之唔洗好作狀咁做戲咁做，又咩帶面具，又咩遇强越强，又咩唔會有把柄俾人揸手，又講咩train得掂自己老公就證明自己嬴咗....我覺得有啲人睇得太多電視劇。

大C姐

I am not really taking sides but I think unless you really experience it, it's hard to judge. I am n ...
布小熊 發表於 2013-1-25 16:07

都係嗰句啦，冇人叫你結婚，你可以唔頂佢哋㗎，你可以黑面，你可以搞小動作，你可以成日唱衰其它人，你可以做你心目中故事裡面嘅受害者。你覺得自在，開心咪得囉!


每個人都覺得自己係故事裡面嘅主角，覺得自己個故事與眾不同，啲人物非比尋常。其實９９％嘅故事都係千篇一律（真係有啲好離普嘅老爺虐待個奶奶，仲搞埋個家嫂個案就可以話係非一般），只不過好多人將一蚊銀咁大嘅嘢睇到月球咁大。