2010大C姐起錨﹗

2010, 多人, vancouver, current, events

Hello boys and girls﹐好耐無見。

對上幾個月可以話係我人生之中最忙嘅一段日子﹐生活上起左好多莫明奇妙嘅變化。確實大C姐係有慌過﹐有亂過﹐感覺真的不得了﹐忙到死不了。不過試問邊個出嚟工作無忙過呢? 呢個weekend終於完成手頭上工作﹐可以同大家say個hi﹐再分享數月嚟大C姐聲色犬馬嘅生活。

首先講D current events啦﹐每次我離開vancouver一段時間再返嚟都覺得個城市好cute囉。所以我覺得好多人/publications都rate Vancouver作為最理想城市都不無道理。琴日渣車喺downtown頭搖由尾擺﹐真係覺得好袖真﹐好舒服。無任何壓逼感﹐泊車又易﹐又唔洗同的士爭路行﹐你仲想點? 呢排HST真係令樓市回落左D﹐我大約見到大圍都減左5%。一個$400﹐000單位嚟講﹐平均都自動降價2萬幾﹗真係買的話點都會講價﹐再講多一兩萬都唔係無可能。所以近排我又心思思想買樓。

當然好多人都可以講到Vancouver好多唔好嘢啦﹐但係眼見香港近呢幾個月政壇一團糟﹐就好cherish Vancouver果種簡約生活囉。起碼出去食個飯唔洗挨聽隔離台D阿叔高談闊論﹐翻開報紙又局睇解拆政府宣傳短片典解拍到拱。我真係唔想再聽﹐亦唔想知起錨個錨係N音定係L音﹐真係好浪費生命。尤其對上大半年我都真係忙到死去活來﹐我抬頭望望個月曆發現2010已經過左一半﹐不禁講句時間飛逝(background播住舵飛輪)。所以呢﹐有時間就要盡情享受生活﹐學識點去發掘真善美。有時間去睇曾特首推銷政改拋錨﹐不如睇世界杯啤啤佢啦。