大C姐

我戒食午餐肉好多年，基本上processed meat都唔食，驚生cancer。

大C姐

Is cold cut processed meat?  How about having sandwiches with cold cut as lunch every day?
shoparound 發表於 2012-11-15 09:37

所有火腿同煙肉都梗係啦。我好耐之前開過個post講十大危險食物，真係唔講得笑，呢啲sodium nitrite防腐濟加患癌機會６７％你搏唔搏呀？


有啲食物我食過，記憶裏面有就算，要搏都食啲未食過㗎啦。
   

大C姐

食少少應該死唔去的吧...
mcjohnjohn 發表於 2012-11-15 00:58

    都係嗰句啦，你十年食一次砒霜都可能食唔死。

但係唔講唔知，原來呢度有人日日食腿治，其實就算你唔係日日食火腿，但係你隔日食腸仔，煙肉，午餐肉，其實都係同一樣嘢。咁間接都係每日攝取住呢啲防腐劑，點會好呢？

罐頭食品都係以備不時之需，防腐劑重嘅肉類（千祈唔好唔記得臘腸！）都係少吃為妙，高溫精製過嘅食品例如即食麵如非必要都盡量避免當日常正餐食。

大C姐

健康食者唔知係咪一星期七天由營養師提供鮮榨果汁﹐加碟有機唆菜﹐然後一隻水果做甜品﹖ 但糖份攝取量亦遲 ...
librazhy 發表於 2012-11-16 09:47

    咁有啲人可能好obsessed嘅，我識人開Vegan私房菜，佢係食素，大部份都係自己種嘅有機蔬菜。

我唔會follow佢個diet，但係processed food真係食少好多好多。以前冇啦啦都會開罐回鍋肉餸即食麵但係依家真係唔會買，唔會食囉！我覺得平日食多啲瓜瓜菜菜係好過食肉，要食肉就真係買新鮮嘅肉嚟煮。我都經常買肉同骨煲湯，不過好少食埋啲肉。水果我食好多，但係除非你已經有糖尿病，多食生果係唔會令你突然間有糖尿。

我都好鍾意去街食，咪留返啲quota出去食好嘢囉，平日清淡啲其實唔係好大犠牲。

大C姐

After I found out even eating egg twice a week is too much, I figure just try not to eat everything  ...
Nam 發表於 2012-11-16 11:03

    邊個話一個禮拜食兩隻蛋都多呀？

除非你已經高膽固醇，如果唔係你食鷄蛋基本上唔會令你有膽固醇問題，你一日食３０隻蛋簧就驚啲，但係一日食一兩隻蛋都未為過！同埋蛋簧其實好有益，好多vitamins同礦物都係蛋白冇嘅。

大C姐

回復  librazhy


    呢樣又唔食得, 嗰樣又唔食得做人有咩意思呢
reyes 發表於 2012-11-16 13:36

    我覺得係要訓練自己對食物嘅要求，都唔一定要食冇味嘢。

如果你覺得食餐肉公仔麵係人生最大興趣的話，我諗係口味問題，我本人唔會覺得食少啲味精嘢會令我有咩損失，所以唔覺係犠牲。

平日照食魚食菜，食pasta食pizza食咩都得㗎，材料用新鮮之嘛。

大C姐

同埋我想講飲食係因人而異，你有糖尿病，心臟病，尿酸，膽固醇過高，就當然要戒口。如果你屋企本身有親人生cancer其實患癌風險已經比其他人高，我覺得有啲食物唔適合某類人食啫。

當然亦有人食嘢好唔規矩但係好長命，但係我唔會搏我係嗰個exception囉。

大C姐

其實講真.......我覺得現今世代真係食咩都死.........+_+

早排先見到單報導話連食餅乾都會生cancer ...
嘉嘉 發表於 2012-11-16 22:36

    會唔會生cancer我唔係咁清楚，但係餅乾／曲奇都係好多trans fat，越鬆趨越多！所以呢啲零食都係少食為妙，又唔係咩特別好食，如果唔係朋友去邊度買啲好特別，好好食嘅餅，我平日都唔會買嚟食。